JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo husu opiniaun Bispu sira molok vizita Roma

PR Lú Olo husu opiniaun Bispu sira molok vizita Roma

Prezidenti Konferensia Episkopal Dom Basílio  do Nascimento, informa, Prezidenti Repúblika (PR), Francisco Guterres ‘Lú Olo’, husu opiniaun Bispu sira nian, atu hala’o viajen ba Roma-Vatikanu, no mos konvida santu padre atu vizita Timor-Leste.

“Antes ne’e, nunsiu apostóliku mai hasoru Prezidenti Repúblika, vatikanu  konvida Prezidenti Republika, atu halo vizita ida ba vatikanu, nune’e prinsipiu kombina data ida iha loron 23, fulan Novembru, ohin Prezidenti Repúblika hakarak husu mos Bispu Timor nian opiniaun, atu partilla oituan, buat ne’ebé   Prezidenti konsidera iha valor, vale apena koalia ho santu padre hodi reprezenta nasaun Timor-Leste”,dehan Dom Basílio hafoin remata enkontru  ho Prezidenti Repúblika  Tersa (23/10/2018), iha Palasiu Prezidensial Bairo Pite, Díli.

Lider másimu Dioseze Baucau ne’e realsa, Prezidenti Repúblika mos hanoin hela atu hato’o konvite ida ba santu padre, se bele atu mai vizita Timor. Maibe tuir Dom Basílio, Santu Padre atu mai vizita iha Timor susar oituan.

“Maibe buat sira ne’e dala barak bele halo, kuandu hanesan vizita mai Timor ne’e , integra iha programa ida ne’ebé amu Papa mai vizita rai Asean  balun, entaun bele mai Timor, maibe intesaun Prezidenti Repúblika nian atu hato’o konvite ida ba sua santidade papa Francisco atu bele mai Timor-Leste ne’ebé hanesan katoliku”,akresenta Dom Basílio.

Entretantu antes ne’e, iha oras ne’ebé la hanesan ba jornalista sira iha Centro Covenções de Dili, Prezidenti Republika hato’o ona, nia prontu hala’o viajen ba Roma-Vatikanu, maibe depende ba desizaun husi Parlamentu Nasional.

“Amu Papa konvida ha’u atu ba Roma, amu papa rasik dezeja tebes,  tamba ne’e ha’u prontu ba atu bele mos konvida amu Papa mai vizita Timor-Leste, maibe ha’u hein Parlamentu Nasional mak bele deiside ha’u nia viajen ba Roma”,realsa PR Lú Olo.Oly

Lee hotu :   PROJETU LIFAU OE-CUSSE AMBENO ABANDONA

Add to Comments Here!!!!

error: Content is protected.
Secured By miniOrange
You might also like:
TL adere ba ASEAN, hein desizaun husi nasaun 10

Diretor ba Asuntu ASEAN (Association of...

OJE 2019 sei liu billiaun US$ 1.3

Orsamentu Jeral Estadu (OJE) tinan 2019...

Solusiona problema ambiental, PR Lú Olo apela ba jeóloju sira servisu maka’as

Prezidenti Repúblika (PR), Francisco Guterres ‘Lú...

Close