JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Mate isin trajédia Kuluhun entrega ona ba familia  MP alega prizaun preventiva ba arguidu JM no FS

Mate isin trajédia Kuluhun entrega ona ba familia  MP alega prizaun preventiva ba arguidu JM no FS

Mate isin tolu trajédia Kuluhun de Baixu-Díli, submete ona ba autopsia iha Hospital Nasional Guido Valadares (HNGV) nunee iha Tersa (20/11) kalan tuku 20:00 Otl entrega ona ba familia matebian sira hodi halo prosesu funibre.

Vitima nain tolu kompostu husi, Erick Joni  Roberto Bria, Luis Quebin Saldanha Belo, Leonildo  Eduardo  Ximenes Sequeira.

Mate isin sira nee autopsia hotu tau kedas ba iha kaixaun  hodi entrega ba familia matebian sira. Mate isin sira nee tula ho ambulansia , familia sira akompaña ho motorizadas, kareta no familia balu lao ain too iha rezidensia matebian sira iha Kuluhun.

Prosesu transportasaun mate isin husi mortuario Hospital Nacional Guido Valdares Dili ba matebian sira nia uma nee  hetan seguransa husi Polisia Militar. Antes atu mate isin sai husi HNGV, Polisia Militar taka hotu dalan publiku parte, Bemori ba Kuluhun, husi Bidaun ba Kuluhun no Becora tun mai Kulhun.

Nunee transporte Publiku no privado liu fali parte Bidau ba Becora no husi Becora liu husi Taibessi nunee hamosu engrafamentu iha fatin balu.

Mate isin sai husi mortuario ba sira nia rezidensia familia sira nebe akompaña matebian sira nee sunu lilin. No kuaze estrada ninin sira diresaun Bidau Toko Baru ba Kuluhun, joven, ferik no katuas hamriik iha estrada ninin hodi akompaña mate isin.

Vitima ba trajedia Kuluhun de Baixu ne’e hetan tiru husi membru Polisia Nasional Timor-Leste (PNTL) nain rua ho inisial FMS  husi Unidade Polisia Marítima no JSA husi  Servisu Informasaun Polisia.

Akontesimentu ne’e rezulta vitima nain lima kanek todan dadaun ne’e hala’o tratamentu mediku iha HNGV mak hanesan, Terezinha Vila Nova, hetan tiru iha liman lós tohar, Pinto Gama, hetan tiru iha parte isin kotuk agora dadaun iha ICU, Agrefino  da Costa, hetan kanek iha parte hasan no Paulino de Jesus  hetan kanek parte kabás,  Lucio do Carmo hetan tiru iha kotuk laran.

Lee hotu :   INSTALA SINAIS TRÁZITU IHA DÍLI, DNTT PREVÉ US$ 550.000

Kazu ne’ebe refere akontese iha Kuluhun de Baixu, iha Domingu  (18/11/18)  maizu menus tuku 1:30 madrugada oras Timor-Leste.

Entretantu GMN seidauk hetan konfirmasaun kona-ba serimonia funebre vitima sira.

MP alega prizaun preventiva ba arguidu JM no FS

Entretantu Tribunal Distrital Díli (TDD) iha Tersa (20/11/2018) kontinua halo primeiru interogatóriu ba arguidu nain haat ho inisial JM, FS, JT no JS ne’ebé deskonfia tiru mate ema nain tolu no hakanek ema nain lima iha Culuhun de Baixo foin lalais ne’e.

Iha primeiru interogátoriu ne’e seidauk iha desizaun ou medida koasaun ba arguidu sira, maibé liu husi alegasaun husi prokurador Jacinto Babo solisita ba tribunal atu aplika medida koasaun prizaun preventiva ba arguidu nain rua ho inisial JM ho FS no aprezentasaun periodika ba arguidu nain rua seluk ho inisial JT no JS.

Razaun ministériu públiku husu medida koasaun ba prizaun preventiva ne’e, tanba arguidu JM no FS iha indisius forte ba sira nain rua nia involvimentu iha kazu tiru mate joven nain tolu no hakanek joven nain lima iha Culuhun de Baixo foin lalais ne’e.

Entertantu defensor públiku husi arguidu sira, husu ba tribunal atu aplika medida koasaun aprezentasaun periodika ba arguidu sira.

Arguidu nain haat liu husi primeiru interogátoriu, ministériu públiku promove ho krime omesidiu agravadu dala tolu, tanba oho ema nain tolu no tentativa omesidiu dala lima hasoru ema nain lima, ne’ebé previstu iha artigu 139 no 23 husi kodigu penal Timor-Leste.

Antes ne’e, iha loron Domingu mais ou menus tuku 01:30 madrugada joven nain tolu ou matebian Erick  Joni, Roberto  Bria, Luis Quebin Saldanha Belo no Leonildo  Eduardo Ximenes ba asiste festa koremetan iha Culuhun de Baixu no hetan tiru husi arguidu ho inisial ZM husi Unidade Polísia Marítima (UPM) no JS husi  Servisu Informasaun Polísia.

Lee hotu :   POVU INTELIJENTI DUNI IHA ELPAR

Enkuantu arguidu nain rua mós hakanek ema nain lima seluk inklui feto ida Terezinha Vila Nova, Pinto Gamu, Agrefino  da Costa, Paulino de Jesus  no Lucio do Carmo.

Hafoin akontesimentu Komisariu Julio Hornay haruka dejarma kedas membru nain rua ninia pistola no ba detein iha sela detensaun komandu PNTL.

Primeiru interogatoriu ne’e prezide husi juiza singular Fransisca Cabral, ministériu públiku reprezenta husi prokurador Jacinto Babo no arguidu sira hetan asistensia legal husi defensor públiku Eustaque Guterres, Afonso Gomes no advogadu privadu Pedro Aparisio. Avi/Ita

Add to Comments Here!!!!

error: Content is protected.
Secured By miniOrange
You might also like:
GRANDE ENTREVISTA, Loron-19 Fulan-Novembru Tinan-2018, Asuntu: LTERA LEI FP TAKA DALAN BA TC

JORNAL NACIONAL GMNTV KALAN, Loron-19 Fulan-Novembru Tinan-2018

Kondutor diresaun 05 lamenta servisu DNTT ne’ebe kontinua fo lisensa ba mikrolet foun

Kondutor mikrolet diresaun 05 lamenta ho...

Close