JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ramos Horta : TL bele adere ona ba ASEAN

Ramos Horta : TL bele adere ona ba ASEAN

Eis Prezidente Repúblika, José Ramos Horta, hateten haree husi aspetu Rekursu Humanu no Ekonomia rai laran, Timor-Leste (TL) bele adere ona ba Assosiation South East Asian Nation (ASEAN). 

Premiadu Nobel da Paz,  José Ramos Horta hato’o asuntu ne’e  hafoin sai oradór ba Semináriu ho Tema: Preparasaun Timor-Leste Sai Membru ASEAN haree husi aspeitu oportunidade, dezafiu no obstákulu, nebe hala’o iha Kinta (22/11) iha Pusat Kebudayaan Indonesia Kaikoli, Díli.

Diplomata senior timoroan nee hatutan maske Timor – Leste seidauk prontu 100%, maibe tuir nia haree husi parte Rekursus Humanu no  Ekonomia Timor-Leste preparadu atu adere ba ASEAN no kontinua reforsa liu tan area ne’ebé seidauk priense rekejitu.

“Timor oan atus ba atus ba liur ho bolsa estudu governu Timor nian, estuda iha Thalandia Filipina, Indonezia, Australia, no Portugal, e Timor iha ona kuadro tekniku barak ho mestradu no diploma oi-oin, por tanto ne’e preparasaun di’ak. Hau mos hateten, iha rai ASEAN ne’e la iha povu ida mak koalia lingua enstrangeiro barak liu iha Timor,” hateten eis Prezidente Repúblika, José Ramos Horta.

Eis Primeiru Ministru iha Governasaun FRETILIN iha primeiru Governu Konstitusional realsa, agora Timor-Leste nian dezenvolvimentu dia’ak liu kompara ho tinan 16 liu ba kotuk.

“Timor-Leste tinan 16, ohin ita nian infrastrutura hahu la’o ona, estrada komesa loke ona, balun prontu ona no balun seidauk, e elektisidade, hospital, doutor komesa barak ona kompara ho tinan 10 resin liu ba kotuk, e buat sira ne’e konta. Hau hateten Por tanto Timor-Leste devia tama ona, depois kontinua nian preparasaun, no kontinua hadia ita nian ekonomia,” hatutan José Ramos Horta.

Lee hotu :   Komunidade Hera halerik ba be mos.

Nune’e mos embaxador Repúblika Indonezia ba ASEAN, Ade Padmo Sarwono, hateten Indonesia kontinua fó votu a favor no apoiu Timor-Leste nia adezaun ba membru ASEAN.

“Indonezia nafatin fó apoiu ba Timor-Leste, wainhira Timor-Leste aprezenta án atu sai membru ASEAN iha tinan 2011. Durante iha reuniaun oioin konabá ASEAN, Indonesia nafatin hato’o ninia apoiu ba Timor-Leste nia adezaun ba membru, e sei iha ekipa politik seguransa ASEAN nian, mai Timor-Leste atu foti informasaun kompletu konaba preparasaun Timor-Leste atu adere ba ASEAN, liliu iha area seguransa nian,” hateten embaxador Repúblika Indonezia ba Asean, Ade Padmo Sarwono.

Antes nee Ministru Estadu no Ministru Prezidensia Konselho Ministru  Agio Pereira hateten adezaun ba ASEAN sai ona  prioridade polítika externa nasionál hahú kedas iha  restaurasaun independénsia Timor-Leste.

Estadu ne’e mos hametin  nafatin  iha prontidaun nasionál ne’ebé ho kuidadu tebes hodi rezolve problema hirak ne’ebé seidauk rezolve. Ito

Add to Comments Here!!!!

error: Content is protected.
Secured By miniOrange
You might also like:
Julio Hornay apresia maturidade joven Kuluhun

Polísia Nasional Timor-Leste (PNTL) apresia ho...

Julio Hornay:PNTL la’os sai fali autor krimi

Komandante Jerál Polísia Nasionál Timor-Leste (PNTL)...

PN suspende KIP fiskaliza projetu 142

Primeira Vise Prezidente Parlamentu Nasionál (PN),...

Close