JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo : Média pillar importante ba dezenvolvimentu Estadu

PR Lú Olo : Média pillar importante ba dezenvolvimentu Estadu

Prezidente Republika (PR), Francisco Guterres Lú Olo, hatete, kondisaun fundamental ida ba demokrasia maka iha liberdade espresaun no imprensa ida ne’ebé responsável no livre.

Xefe Estadu hato’o lia hirak nee iha inseramentu Konferensia Internasional Díli Dialogue Forum nebe organzia husi Conselho Imprensa Timor- Leste.

Lú Olo esplika katak jornalismu livre mak baze fundamental ba kualker rejime demokrátiku. Demokrasia ida hatudu nia kualidade liu hosi responsabilidade no maturidade ne’ebé profisional sira husi komunikasaun sosial hatudu.

Rejime totalitáriu sira iha komunikasaun polítika, maibe komunikasaun ida ne’e bazeia ba auto-promosaun husi rejime nian rasik no laiha debate, la hanesan ho komunikasaun iha rejime demokrátiku ida ne’ebé bazeia ba debate públiku no nesesidade atu fo resposta ba krítikas husi partidu polítiku no sidadaun sira.

Timor-Leste iha experiénsia naruk ida, moris iha rejime totalitáriu nia okos. Durante luta ba libertasaun hosi ita nia Pátria, média no jornalista sira iha kna’ar ida ne’ebé importante teb-tebes, hahú kedas iha tinan 1975 to’o 1999.

Xefe Esatdu Lú Olo aprofunda liutan katak Jornalista sira, lubun ida, hatudu sira  nia kompromisu ho barani involve-an no buka transmite informasaun kona-ba violasaun direitus umanus iha ita nia rai, hosi Austrália, Holanda, Portugal, Indonésia, no nasaun sira seluk iha Europa, Amérika, Asia no PALOP.

“Barak mate tanba hakarak garante direitu povu Timor-Leste nian ba autodeterminasaun, hahú kedas iha 1975. Iha Outubru 1975,   iha Balibó, Greg Shakleton ho nia kolega nain haat hetan tiru no mate; iha Dezembru 1975, iha Ponte Cais Dili, Borja da Costa no Roger East hetan tiru no mate,” Xefe Estadu hatutan.

“Iha tinan 1991,  jornalista ativista Kamal Bamadhaj hetan tiru no mate iha Masakre Santa Cruz;  iha  tinan 1999, Bernardino Guterres mate  iha Kuluhun, Sander Thoenes mate iha Becora no Agus Mulyawan mate hamutuk ho madre sira iha Lautém,” dehan, Xefe Estdau Francisco Guterres Lú Olo, iha Forum Dialogu Dili ba Dala Tolu, ne’ebe organiza husi Konsellu Imprensa, iha salaun José Katedral Dili, Sesta (10/05/2019).

Lee hotu :   Dom Virgílio husu joven sira hadók-an husi violénsia

Prezidenti Repúblika mos dehan durante tinan barak nia laran jornalista, sindikatu no federasaun jornalista sira-nian  kontribui ba prosesu liberta ita-nia Pátria, hanesan:  Denis Freney, Jill Jolliffe, Adelino Gomes, António Sampaio, Paulo Nogueira, Rui Araújo, Manuel Acácio, Robert Domm, Aboeprijadi Santoso, Ammy Goodman, Allan Nairn, Max Stahl, Saskia Kouwemberg, no seluk tan ne’ebé  la temi iha ne’e.

Ho sira-nia barani, determinasaun no kompromisu, sira fó-sai informasaun ne’ebé real no atuál kona-ba saída mak akontese iha ita-nia rai laran! Ita labele haluha katak Masakre Santa. Cruz hamosu mudansa boot ida iha mundu tanba jornalista balun, ne’ebé ha’u temi iha leten, halo akompañamentu ba eventus ne’ebé akontese iha Dili laran.

Max Stahl, ne’ebé sei moris iha Timor-Leste no servisu hamutuk ho ita ohinloron,  mak lori imájen husi massakre Sta. Cruz ba mundu tomak. Imájen sira ne’e mak loke liután opiniaun públika jerál kona-ba rejime ne’ebé ita hasoru iha Timor-Leste no hasa’e  rekoñesimentu internasionál ba vontade Povu Timor-Leste, atu Ukun Rasik An.

“Kondisaun fundamentál ida ba demokrasia mak iha liberdade espresaun no imprensa ida ne’ebé responsável no livre. Ezisténsia Conselho de Imprensa de Timor-Leste hanesan kontribuisaun boot ida ba formasaun no informasaun responsável hosi sidadaun sira.,” dehan, PR Lú Olo.

“Sosiedade ida atu iha sidadaun sira ne’ebé responsável nesesita média ida ne’ebé fo informasaun ho kualidade. Wainhira informasaun laiha kualidade no la kredível bele lori sidadaun sira  hola desizaun ne’ebé sala no laiha mos kualidade em termus de serteza no seguransa.,”hateten, Xefe Estadu Lú Olo.

“Jornalista mak bele fahe informasaun importante no relevante, no promove debates, hodi fó fatin ba parte hotu-hotu atu espresa sira nia hanoin rasik. Ida ne’e sei fó oportunidade ba sidadaun sira atu halo sira-nia opsaun ho momos no responsabilidade. Interese públiku mak fó legitimidade ba jornalismu. Fortalese demokrasia signifika reforsa kualidade Komunikasaun Sosial,”   Reforsa Prezidenti Repúblika.

Prezidenti Repúblika mos esplika Konstituisaun tane a’as liberdade imprensa no liberdade expresaun hanesan mensiona iha ninia artigu 40 no 41. Iha prosesu konstrusaun Estadu knaar média nian sai hanesan pilar ida ne’ebé importante tebes atu haforsa no haburas demokrasia.

Lee hotu :   Veteranus ho Sarani Bobonaro ‘hahii’ Maromak ho Matebian fo kbi’it ba Xanana

Promove direitus umanus no haforsa dezenvolvimentu sustentável, justu, ekuitativu no inklusivu. Ita hakaat ona pasu lubun ida. Iha tinan 2014 ita aprova lei komunikasaun sosial no, iha tinan 2015 harii Conselho de Imprenssa.

Ne’ebe iha tinan 2017 aprova Kódigu Étika Jornalístika hodi promove liberdade de imprensa, liberdade de expresaun no asegura públiku nia direitu ba informasaun transparente no responsável. Ho kondisaum sira  hanesan ne’e,  sidadaun sira bele partisipa iha dezenvolvimentu tomak iha rai laran.

Xefe Estadu ne’e aprofunda liutan katak, Índise Global kona-ba Liberdade Imprensa husi tinan 2019 koloka ona Timor-Leste iha pozisaun di’ak ida iha kontextu Ásia. Tanba  ne’e,  importante tebetebes katak jornalista sira tenke hatene uza nafatin liberdade imprensa ne’ebé garantidu ona ho responsabilidade, transparénsia no étika.

Ohin loron ita tenke buka dalan hodi identifika dezafiu boot sira ne’ebé média hasoru iha kontextu demokrátiku.

Dezafiu ida ne’ebé bele sai hanesan risku ida ba demokrasia, la’ ós deit iha Timor-Leste maibé iha mundu tomak, mak rede sosiál  ne’ebé boot babeibeik no hamosu fali fenómenu ida ne’ebé sai preokupasaun iha mundu tomak: notísia ka lia falsu ne’ebé buras babeibeik!

Sosiedade ne’ebé de’it tenki moris hamutuk ho informasaun loos loron-loron. Lia falsu sira bele hamonu valores no prinsípius ba demokrasia no liberdade! Afinal, informasaun ho lia loos mak bele liberta ita ema,  feto ka mane,  atu sai sidadaun responsável iha ida-idak nia Nasaun. Aimoruk ne’ebé diak liu atu hasoru no halakon  lia falsu,  maka konxiénsia sidadaun ida-idak nian!

Governasaun ohinloron nian tenke bazeia ba prinsipíu inkluzaun polítika, sosiál no ekonómika, no média tenke sai ponte ida hodi promove diálogu, debate onestu no nakloke, transparente no responsável. Ha ‘u fiar maluk jornalista sira sei kontribui hodi hasa’e konxiénsia  sidadaun sira-nian iha tempu ida ne’ebé ita-nia demokrasia sei nurak hela.

Lee hotu :   Dom Virgílio: Sarani sira tenki reza ba paz ''Keta monu ba tentasaun''

Prezidente Repúblika hakarak fó parabéns ba Conselho de Imprensa de Timor-Leste, tanba organiza tinan-tinan Fórum Diálogo Dili. Organizasaun ida ne’e hanesan kompromisu ida husi Jornalista Timoroan sira ne’ebé haknar-an ba jornalismu ida ne’ebé transparente, responsável no kredível iha ita-nia rai, iha rejiaun no iha mundu.

Deklarasaun Dili ne’ebé imi assina, iha primeiru eventu ne’ebé realiza iha tinan 2017, hamutuk ho jornalista sira hosi nasaun sira seluk hanesan Austrália, Nova Zelândia, Papua Nova Guiné, Indonézia, Tailândia no Myanmar hatuur ona imi-nia kompromisu atu organiza-an hodi hasoru dezafiu sira ne’ebé mundu modernu tau hela iha ita hotu nia oin.

“Ha’u hein no fiar katak imi sei kontinua nafatin servisu hamutuk hodi hadi’a imi-nia dezempeñu no hatudu nafatin imi-nia responsabilidade hodi kontribui ba harii sosiedade ida ne’ebé sustentável, justa, ekuitativa no inkluziva.” Enkoraza PR Lú Olo.

Opurtunidade ne’e mos Xefe Estadu Lú Olo agradese, mós ba prezensa husi jornalista sira hotu, husi rai laran no husi rai liur no deseja ba imi hotu kontinuasun servisu di’ak ho responsabilidade, transparênsia no kredibilidade, tanba Jornalista nia knaar importante liu iha kontextu mundu modernu nian ne’ebé nakonu ho dezafius no insertezas! Dezafiu sira ne’e mak sei sai sasukat ba imi nia vontade, matenek no determinasaun atu garante nafatin lia loos ba sosiedade tomak, liuliu ba ita-nia Povu

Ikus liu, Xefe Estadu Lú Olo felisita dala ida tan Conselho de Imprensa, no ha’u lakohi lakon oportunidade ida ne’e hodi hato’ o apresiasaun espesiál  ba Prezidente Konsellu, Dr. Virgilio da Silva Guterres, tanba esforsu tomak ne’ebé nia halo hodi dezenvolve Conselho de Imprensa de Timor-Leste no mós hodi dezenvolve ninia-an rasik.

Przidenti Repúblika mai rekoñese katak imi, jornalista sira, iha responsabilidade boot ida iha imi-nia kabaas. Prezidente Repúblika tau fiar ba imi! Parabéns ba servisu ne’ebé halo ona no votus susesu. Eus

Add to Comments Here!!!!

error: Content is protected.
Secured By miniOrange
You might also like:
FRETILIN eziji governu aprezenta kontratu konstrusaun portu Beasu

Bankada FRETILIN eziji governu atu apresenta...

AMD sei enkontru ho Konselhu Suku Motael Subtitui Cornelio

Sekretariu Autoridade Munisípiu Díli Zeca Smith...

Finalista 99 husi DIT simu graduasaun

Finalista husi Dili Institute Of Technology...

Close