JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Veteranu “SAMBA 9” hakotu iis tanba monu iha hariis fatin-oin

Veteranu “SAMBA 9” hakotu iis tanba monu iha hariis fatin-oin

Eis Guileleiru Kombatentes Libertasaun Nasional, Jaime Ribeiro alias “SAMBA 9” hakotu iis iha loron Domingu (30/6/19), tuku 11:OTL, ho idade 60, tanba monu iha haris fatin oin bainhira atu ba hariis fatin laran.

Koordenador  Veteranu Rejiaun IV, Cesar dos Santos  MERAK  hateten, bainhira veteranu ida mate, prosesu tomak Estadu mak sei deside, tanba tuir lei  hateten,  veteranu ida mate tenki hakoi ho dignu iha Jardim dos Herois Metinaro.

“Normalmente veteranu ida mate prosesu tomak Estadu mak sei deside, ne’eduni parte Sekretáriadu Estadu Kombatentes Libertasaun  Nasional, tu’ur hamutuk ona ho família no família mós apoiu ba desizaun Estadu nian hakarak halot matebian iha Jerdim dos Herois Metinaro”, hateten Cesar dos Santos  MERAK  ba GMN iha Kasait Tibar,  Segunda (01/07).

Merak haktuir, eis guireleiru SAMBA  9  ne’e, hahú involve aan iha luta  libertasaun nasional iha tinan 1975,  hanesan FALITIL iha kompañia Railakan, ne’ebé destaka iha tasi ibun, depois baze apoiu ne’e rahun, no iha tinan 1980, SAMBA 9  ho grupo nia  halo operasaun iha Marabia, no iha tinan 1981, nia ho grupo ida ba Postu-Administrativu Lakluta ihaAitana, hodi buka tuir no salva Komandante Kay-rala Xanana Gusmão, no iha tinan 1982,  matebian sai hanesan kinta komandante, no mós asume kargu hanesan kolaborador Reziaun IV to’o hetan Independensia.

Nune’e mós Manuela Pereira  Ribeiro, nu’udar fen husi matebian saudozu SAMBA 9 senti triste, tanba matebian husik hela nia ho oan na’in 7.

“Antes ne’e matebian nia saúde di’ak hela, iha Domingu kalan sei han hamutuk ho fen no aon sira, depois han hotu matebian ba haris fatin, no derepente matebian monu ba rai no mate kedas iha fatin, no família  esforsu evakua kedan mai  Hospital Nasional Guido Valadares, maibé la konsegue salva tanba ran sai maka’as”,  informa Manuela.

Lee hotu :   Dom Basílio lamenta kazu omisídiu Liquiça

Matebian Moris iha loron 15 fulan Abril tinan 1959, no mate iha loron 30 fulan Junho 2019, saudozu mate husik hela fen ho oan na’in 7, feto 3 no mane 4.

Marka prezensa iha matebian nia uma mak hanesan, Sekretáriu Estadu Veteranu Kombatentes Libertasaun Nasional Zil Alves Oan Soro, no entidades relevante sira inklui família uma lisan Leusag.

Entretantu família ho Estadu deside ona atu hakoe saudozu iha Jardim dos Herois Metinaro,    iha loron lima fulan ne’e, tanba  sei hein Prezidente Repúblika Francisco Guteres ‘Lú-Olo’ ne’ebé sei viagen ba rai liur.

Maunana F-FDTL sei halót  “Samba 9” ho dignu

Nune’e mos, reprezentante Xefe Estadu Maior Jeneral atual  Brigadeiru Jeneral F-FDTL  Cornelio Ximenes “Maunana”  hateten,  sei akompaña prosesu tomak hodi  halot mate isin saudosu, Veterano Kombatentes Libertasaun Nasional  Jaime Ribeiro “SAMBA  9” .

Eis Guireleiru Kombatentes Libertasaun Nasional  Jaime Ribeiro Alias SAMBAR  9 hakotu is  Domingu (30/06/19) mais ou menus tuku 11 oras Timor –Leste.  Samba 9 mate husik hela  nia fen ho oan nain 7 feto 3 no mane 4.

 Sambar  9 hakotu is tanba monu iha uma oin bainhira ba haris fatin. No família Matebian evakua kedan ba  Hospital Nasional Guido valadares (HNGV), maibe la konsegue salva tanba ran sae maka’as.

“Ami sei prepara depois  hodi halo seremonia funeral, tanba nia 24 anus”,esplika “Maunana, ba jornalista sira Segunda (01/07/19), iha Sentru Formasaun F-FDTL Metinaru.

Maunana akresenta, naran Samba 9 ne’e la’os nia naran Tokodede nian, maibe  númeru ema  ne’ebé mak nia oho.

 “Ne’e mak ami tau naran Samba 9,  ne’ebé ema iha laran nia komandante diak husi parte Oeste ninian, ida mak  Samba 9, ida mak  Veteranu fras sira ne’e mais valorosos”,dehan Mauana

Lee hotu :   Dom Virgilio : Povu akompaña situasaun polítika ho maturidade

Familia ho Estadu deside ona atu hakoi iha Jerdim dos Herois Metinaro, iha loron lima fulan ne’e, tanba  sei hein Presidente Repúblika Francisco Guteres Lu-Olo ne’ebe sei viagen ba rai liur.aba/avi

Add to Comments Here!!!!

error: Content is protected.
Secured By miniOrange
You might also like:
PM Taur: Mari Alkatiri nia estatutu hanesan George Washington

Primeiru Ministru (PM), Taur Matan Ruak,...

PM Taur, ALkatiri-Xanana sei rezolve problema Ró Haksolok no Light house ■Ró Haksolok la’os TL nia fallansu

Primeiru Ministru, Taur Matan Ruak, hatete,...

DIA 01/07/19 || GMNTV LIVE STREAM || JORNAL AS 12

Close