JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dom Carlos husu Timor-oan hotu servisu maka’as ba dezenvolvimentu TL

Dom Carlos husu Timor-oan hotu servisu maka’as ba dezenvolvimentu TL

Foto:Google

Premiadu Nobel ba Paz, Bispu Dom Carlos Filipe Ximenes Belo, husu Timor-oan hotu, inklui governu atu servisu maka’as hodi hadiak dezenvolvimentu hotu iha Timor-Leste (TL), nune’e povu labele terus tan ba nesesidade hotu, iha tempu independensia ida ne’e.

 “Ita mós tenki servisu maka’as liutan, atu hadi’ak buat barak mak hanesan, iha moris sosiedade Timorense, ita respeita malu, labele laran moras ba malu, no labele laran moras ba ema seluk nia riku no soin, labele ódiu malu, labele hakanek malu, no labele oho malu tan. Ema kaben na’in sira labele so’e malu, no inan ka labarik feto ran sira labele soe oan sira arbiru”, mensajen Bispu dom Carlos Belo ne’ebé trasmite liuhosi koordenador jerál ba komisaiun justisa no paz, Afonso Guterres, iha selebrasaun tinan 25 ezistensia komisaun justisa no paz no komemora loron konsulta popular ba dala 20 ne’ebé selebra iha salaun Katedral, Díli, Sábadu (03/08/2019) ne’e.

Amu Bispu Belo mós husu  ema hotu atu servisu maka’as liutan, hadi’ak setór hotu iha rai laran, nune’e povu sei la senti terus tan iha era independensia nian.

“Iha área edukasaun, ita hein katak, villa no Suku sira sei iha eskola, iha livru no iha komputador, iha biblioteka  no ita mós hein katak, sei sai kompetente no profesional. Ita mós hein katak, ema hotu sei kumpri konstituisaun RDTL, hodi ko’alia dalen portugés no dalen tetun ho loloos,la’os kahur fali ho bahasa Indonésia, no portugés.

Ema ukun na’in sira, no jornalista sira tenki tuir kursu no halo ezame ba tetun no portugés.

Iha área saneamentu, ita hein katak, uma hotu-hotu sei iha sintina, iha bee no eletrisidade, hahú husi povu.

Lee hotu :   Bispo Virgílio do Carmo: MUTL halo asaun kontra buat nebe lao lalos

Labele so’e foer arbiru, no labele fakar ka loke bee dalan sintina nian, hodi halo bairro ka sidade dois.

Iha área agrikultura, Timor-oan sira tenki halai natar no kuda haree, batar, fehuk, koto, fore no modo tahan sira, inklui haki’ak animal, hanesan manu, bibi fahi no karau,  nune’e bele han na’an hodi hetan saúde ne’ebé di’ak.

Iha área peskas,  Timor-oan sira tenki badinas sai peskador, hari’i no loke asosiasaun hodi rai no haloot ikan sira ho di’ak, no lori ba fa’an iha foho sira.

Área kultura nian, husu governu hari’i biblioteka nasionál, muzeum rezistensia nasionál ho arkivu nasionál ida, iha fatin ne’ebé luan besik sidade Díli, ne’ebé ho jardim luan no parke  ho bee lihun ka mota ki’ik oan, nune’e ema bele konsulta ka lee admira sasán sira iha biblioteka muzeum.

“Iha área saúde, ita hein katak, sei iha hospital ka klínika di’ak, ho farmasia ho ai-moruk ne’ebé oi-oin iha Munisípiu hotu”, afirma premiadu nobel da paz ne’e liu husi nia mensajen.

Amu belo mós husu ema hotu atu kuida nasaun Timor-Leste, no garante governu sei tau matan ba setór hotu-hotu hodi la’o di’ak, ba interesse povu no nasaun nian Timor-Leste nian.say

Add to Comments Here!!!!

error: Content is protected.
Secured By miniOrange
You might also like:
Dia 04/08/2019 || GMNTV LIVE STREAM || JORNAL NASIONAL KALAN

Dia 04/08/2019 || GMNTV LIVE STREAM || JORNAL AS 12

Dia 03/08/2019 || GMNTV LIVE STREAM || JORNAL NASIONAL KALAN

Close