JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dom Virgílio do Carmo: Kazu soe bebé estraga kultura Timor-Leste nian

Dom Virgílio do Carmo: Kazu soe bebé estraga kultura Timor-Leste nian

Bispu Dioseze Díli, Dom Virgílio do Carmo da Silva SDB, hatete, kazu soe bebé ne’ebé kontinua akontese bebeik iha Timor-Leste, liu-liu iha  kapital Díli, estraga ona kultura Timor-Leste nian.

“Ohin loron iha ita-nia rai laran, ne’ebé promove  tebes buat ida ne’ebé seksu livre, nia kosekuensia mak buat hirak ne’e hotu, ne’eduni Maromak kria ita, nu’udar  feto ho mane atu forma família ida, to’o tempu foin sae sira prepara aan, hodi hatene responsabiliza ba iha oan, iha liberdade ida ne’e nia laran, no iha situasaun ida hanesan soe bebé, estraga ita-nia valor moris no kultura Timor nian”, dehan Dom Virgílio ba Jornalista sira Tersa (6/08/2019) iha Dare Díli.

Nia afirma, Timor ida  ne’ebé maioria katoliku, maibé Timor-oan rasik tau valor sarani nian, ba kotuk la respeita, la hadomi moris ne’ebé Nai Maromak fó, buat ne’ebé nia hakarak tatoli liu ba joven sira katak, ohin loron Média,  Instituisaun, NGO barak ne’ebé halo promosaun ba produtu oin-oin, maibé se mak sofre Timor mak sofre, tanba estraga Timor nia futuru, Timor-oan nia kultura no identidade.

“Fila-fali atu joven sira, no inan aman sira, hotu-hotu atu hola konsiensia kona ba attetude ida ne’e, la’os fasil  atu evita agora, no aban lae ona maibé ne’e formasaun ida ne’ebé presiza tebes hahú husi família, eskola, sosiedade, tenki halo kontrolu, ba inan aman sira mós tenki responsabiliza ba oan sira, tenki hatene situasaun sira hanesan ne’e, no oan sira mós tenki aprende atu rona  no obdese”, realsa Virgílio.

Lider masimu Dioseze Díli ne’e salienta, iha fulan hira nia laran rona kona ba soe bebé, nia senti fuan kanek, ita  ko’alia hotu ida seluk mosu fali, hatudu katak, sai tiha hanesan toman ida, lolos la’os  toman ida maibé  tanba de’it ema nian kan no gostu la hatene kontrola aan, halo tuir hakarak mak ikus mai hafoer Timor nia naran, uma kreda nia naran, no husik hela valor ne’ebé ladun diak ba jerasaun  sira tuir  mai.oly

Lee hotu :   TRABALHADOR INSPRI SECURITY HALO GREVE

Add to Comments Here!!!!

error: Content is protected.
Secured By miniOrange
You might also like:
Dia 06/08/2019 || GMNTV LIVE STREAM || JORNAL NASIONAL KALAN

Maria Angelina: PR tenki foti desizaun hanesan ba pakote lei FM

Prezidente Parlamentu Nasionál Interina, Maria Angelina...

PJR kontinua hein prosesu kazál Timor-oan

Prokurador Jerál Repúblika (PJR), José da...

Close