JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sarani Katólika selebra tinan 100 estasaun misionáriu iha Tutuluro

Sarani Katólika selebra tinan 100 estasaun misionáriu iha Tutuluro

Sarani Katólika selebra tinan 100 (1919-2019) estasaun missionáriu iha Suku Tutuluro, Postu Administrativu Same, Munisípiu Manufahi.

Estasaun misionáriu Uma Tutun, Tutuluro, harii iha tinan 1919, husi misionáriu sira ne’ebé hala’o misaun evanjelizasaun iha antigu misaun Parokia Alas. Maibe jeografikamente entre alas ba fatin seluk iha munísipiu Manufahi luan tebes, missionáriu sira deside harii fali estasaun misionáriu iha rai Tutuluro. Tanba ne’e, misionáriu dahuluk ne’ebé haknaar-an iha estasaun ne’e mak, Guimar da Costa no nia laen Thomas da Costa ne’ebé hetan fiar atu habelar dutrina katólika iha área refere hodi kobre to’o postu same, Turiscai, Fatuberliu no to’o iha Fatu-Udu, munisípiu Ainaro.

Husi ezisténsia estasaun misionáriu iha Suku Tutuluro mak ikus mai iha tinan 1974 Amu Bispu Dioseze Díli loke tan parokia foun iha Postu Same ho nia padre pároku dahuluk mak Rafael dos Santos.

Iha selebrasaun ne’e, iha omília amu Bispu Dioseze Díli, Dom Virgílio do Carmo da Silva SDB, hatete katak, sarani sira tenki agradese ba maromak husi fiar ne’ebé iha tanba ho grasa nai maromak nian ohin bele kompleta tinan atus ida ezistensia estasaun missionáriu iha Tutuluro.

“Ita tenki senti ougullu kona-ba fiar sarani sira iha fatin ida ne’e, ne’ebé tinan 100. Ne’e duni ohin ita mai iha ne’e atu fo obrigado sertamente mai iha ne’e ho sentimentu ida atu haree fila fali ba kotuk, ita haree fali ba kotuk buat ne’ebé ita bele hanoin hetan to’o agora diak hotu ne’ebé ita hetan, mai husi ita nia misionáriu sira ne’ebé durante tinan 100 ida nia laran ida ne’ebé primeiru mai tau uluk tiha fini, fini ne’e la mate kontinua hatutan, kuida, tau matan, to’o fiar sarani iha ita-nia rai ohin loron buras nafatin partikularmente iha rai Tutuluro ninian”,hatete Dom Virgílio do Carmo.

Lee hotu :   Deskonfia Ema bo’ot balun hakiak anak emas iha HNGV, HNGV aimoruk laiha, mosu fali iha Klínika

Selebrasaun estasaun misionáriu iha suku Tutuluro,amu bispu mos fo krizma ba krizmante sira. Ba krizmante sira amu Bispu afirma, simu sakrementu krizma atu hametin liu tan joven sira-nia fiar iha uma kreda.

“Wainhira foin sa’e sira hakarak simu krizma, sinal saida? Sinal katak, sira hakarak atu koñese liu, hadiak liu tan sira-nia fiar. Tan ne’e mak hakarak atu fó parabens ba sira hotu”,afirma Dom Virgílio do Carmo.

iha selebrasaun ne’e, Amu Bispu Dom Virgílio asina plaka rekoñesimentu ba kontribuisaun missionáriu sira ne’ebé  habelar ona dutrina Katólika iha Suku Tutuluro nomos Postu Administrativu sira seluk. Nune’e mos Amu Bispu hatúr fatuk dahuluk ba konstrusaun salaun no rezidensia ba padre sira ne’ebé sarani husi Suku Tutuluro mak oferese ba Igreja.

Nune’e mos, Prezidente Komisaun Organizadora, Romeo Gonçalves, hatete, programa selebrasaun tinan 100 ezistensia estasaun misionáriu ne’e mai husi ideia sarani Katólika Suku Tutuluro rasik.

“Estasaun ida ne’e hahú iha tinan 1919. Ne’e duni depois da misa Paskua nian liu ba sarani ho autoridade sira hotu, katekista sira hotu, ami hotu kria kedas enkontru ida hodi halo preparasaun hodi komemora tinan 100 ne’ebé ezistensia iha estasaun ida ne’e”,dehan Prezidente Komisaun Organizadora, Romeo Gonçalves.

Seremonia ne’e partisipa máximu husi sarani Suku Tutuluro, Suku Mindelo, no mos Administrador Munisipál, Administrador Postu Administrativu, Padre Pároku Turiscai, Komandante Polísia Manufahi, Veteranu,no mos sira seluk tan.Edy

Add to Comments Here!!!!

error: Content is protected.
Secured By miniOrange
You might also like:
Alkatiri rejeita ameasa deputadu FRETILIN rezigna husi PN

Sekretáriu Jeral Partidu FRETILIN, Marí Bin...

Governu TL-Japaun seidauk iha akordu formal konstrusaun Aerportu Comoro

Embaixadór Japaun iha Timor-Leste, Hiroshi Minami,...

Dia 16/08/2019 || GMNTV LIVE STREAM || JORNAL NASIONAL KALAN

Close