JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Padre Frei Miguel: Respeita malu mak xavi ba dame iha sosiedade

Padre Frei Miguel: Respeita malu mak xavi ba dame iha sosiedade

Pároku Parokia Laleia, Frei Miguel Pinto Grilo hateten, sarani sira tenki respeita malu, nune’e bele harí dame iha sosiadade nia leet, tanba liu husi respeita malu mak sei hamosu dame iha ema ida-idak nia neon.

Laleia-Oan sira presiza haburas domin no respeita malu, nune’e unidade bele buras, hanesan Na’in Feto ne’ebé haraik-an hodi ezekuta Maromak nia projetu, sira hakarak halo diskriminasaun ne’e labele, ita hotu tenki respeita malu, ita tenki ha-Na’i Maromak uma kreda moris ni’an, ita tenki esforsu, tenki iha responsavel ba malu no inan aman sira tenki haree ninia oan sira, imi nia oan sira ba baku malu, inan-aman la haree, ne’e imi nia kulpa, imi tenki haree labele baku malu, tenki respeita malu, imi hotu komunidade ida deit, imi hotu luta ba independensia ba dame, maibé ita haree laiha dame iha Timor, halo ha’u tristi, tanba ha’u rona feto sira, sira labele la’o iha dalan, tanba sira ta’uk la’o husi Laleia to’o Samalai, depois ha’u husu tanba sa ta’uk, tauk tanba ema bele halo at sira, Timor iha livre, dame no seguransa ka la’e, la’os funsaun iha polísia deit, maibé ne’e ita hotu nia funsaun”, Padre Pároku Laleia liu husi ninia omília iha loron Selebrasaun Nossa Senhora do Rosário, iha Parokia Laleia, Domingu (07-10-2019).

Iha sorin seluk, Administrador postu Laleia, Simão da Costa, hateten, sarani Laleia selebra aniversáriu refere, atu fó onra ba Na’in Feto ne’ebé hamahan ona Laleia-Oan sira.

“Komemorasaun loron padroeira Nossa Senhora Laleia ni’an, normalmente ami selebra kada tinan, dezde tempu bei-ala sira to’o agora, ami selebra nafatin, partisipasaun komunidade Kristaun Laleia máximu tebes iha loron ida ohin, tanba alende partisipa husi komunidade ne’ebé hela iha Laleia, maibé partisipa mós husi Laleia-Oan sira ne’ebé oras ne’e dau-daun namkari hela teritoriu Timor-Leste”, dehan Simão.

Lee hotu :   Portugal tarde trata narativa, Timor-oan eziji PN rezolve

Alende ne’e mós, Prezidenti Komisaun Organizadora, Luis da Costa Guterres, realiza Aniversariu Na’in Feto do Rosário iha suku Lifau, tanba hetan apoiu fundu husi sarani Laleia-Oan sira.

“Selebrasaun aniversáriu Na’in Feto nia loron iha tinan ida ne’e halo iha suku Lifau no sarani suku Lifau mak lolo liman mai ha’u nu’udar Prezidenti komisaun no sarani sira mak halo kontribuisaun ba selebrasaun Na’in Feto do Rosário nia loron ne’e, husi maluk sira husi suku Fatuk Laran, husi Díli, Manatuto no Baucau, kada família kontribui USD5, nune’e total orsamentu hamutuk USD3400”, tenik Luis.

Partisipa iha selebrasaun ne’e mai husi Padre, Madre, akolitus, PNTL, F-FDTL, sarani sira iha Laleia no konvidadu sira. mya

Add to Comments Here!!!!

error: Content is protected.
Secured By miniOrange
You might also like:
Sahat Sitorus triste negosiante Kampung Alor fila ba Indonézia

Embaixadór Indonézia iha Timor-Leste, Sahat Sitorus,...

Eis artemarsiais iha Fatumeta deklara hakribi violénsia

Reprezenta eis artemarsiais no  arte ritual...

PPN deskorda deklarasaun Pe.Juvito do Rego

Prezidente Parlamentu Nasionál (PPN), Arão Noe...

Close