JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Eletrisidade mate tan iha Aeroportu Comoro

Eletrisidade mate tan iha Aeroportu Comoro

Ahi eletrisidade iha Aeroportu Internasionál Nicolau Lobato, Comoro mate tan, iha  Kinta (21/11/19) ne’e hodi fó impaktu ba servisu iha aeroportu refere.

Tuir  informasaun  husi  abitante ida  haktuir,  ahi ne’ebé mak mate iha aeroportu akontese  mais ou menus tuku 12 liu minutu lima  meudia oras Timor-Leste iha tempu ne’ebé mak aviaun Citilink  tun  iha Aeroportu refere, maibé  iha  tuku 12 liu minutu 30 ahi moris hikas.

Ahi  ne’ebé mak mate fó mós impaktu makina x-ray labele halo operasaun,  tanba  ne’e  Alfándega  ténki halo pasa revista manual  ba pasajeiru nia sasan ne’ebé mak sira lori.

Servisu operasionál   CITILINK  iha aeroportu  Olivio  Jorgito Martins Bernabe, hateten, ahi    ne’ebé mak mate fó impaktu ba servisu   iha aeroportu.

“Liu-liu ba ami ne’ebé mak servisu toma konta ba tiket nian, wainhira  ita atende pasajeirus derpente komputador mate de’it, depois komputador sira bele a’at, tanba ahi mate moris”,esplika Servisu operasionál   CITILINK  iha aeroportu  Olivio  Jorgito Martins Bernabe, ba  GMN   Kinta (21/11/19), iha aeroportu internasionál Nicolau Lobato, Comoro Díli.

Tan  ne’e nia husu ba governu atu aranja jerador  foun ruma. “Aeroportu hanesan odamatan mundu,  tanba  ne’e ami husu ba governu bele aranja tana jerador foun ruma atu bele fasilita servisu iha aeroportu, sé lae  ahi mate ema komplein barak los husi pasajeirus”,dehan Olivio  Jorgito Martins Bernabe.

Relasiona ho ahi ne’ebé mak mate, Ministru Transportes e Comunicações José Agustinho da Silva, tun diretamente  iha aeroportu  hodi  buka hatene motivu husi ahi ne’ebé mate.

“Iha semana kotuk mós ahi mate, ita nia eletrisidade sentral mós mate, ne’e depois jerador  ne’ebé mak backup nia pessa sei a’at, ne’ebé mak faze  manutensaun, ohin ha’u ba hare’e jerador  ne’e, maibé  sei hadia hela.Tanba  ne’e mak ha’u husu ba Prezidente  Ajénsia  Nasionál Aviasaun Timor-Leste Empresa  Públika (ANATL .EP) Romualdo  da Silva atu koordena ho tekniku  eletridade sentral para fó solusaun ba asuntu ne’e imediata”,dehan José Agustinho da Silva.

Lee hotu :   Povu ezije líder polítiku sira atu díalogu

Governante ne’e mós prontu simu kritikas no prekupasaun  hato’o husi sosiedade sira ne’e. “Ho sintidu fanu ita atu nune’e ita iha terenu ne’e atensaun, ema fanu ita ne’e ital abele senti negativu ne’e fó hanoin,  ne’e ita bele dehan sira halo fiskalijasaun ida ita,  akomoda mós sira nia hanoin”,dehan  José Agustinho da Silva.

Em prinsípiu MTK ho nia autoridade tomak  aviasaun sivil  ANATL   iha vontade tomak asegura  ita nia  operasaun aeroportu ne’e  ho diak”,dehan  José Agustinho da Silva.avi

Add to Comments Here!!!!

error: Content is protected.
Secured By miniOrange
You might also like:
PM Taur : Avaliasaun uluk ba membru Governu antes remodelasaun

Primeiru Ministru (PM), Taur Matan Ruak,...

Coronel ‘Coliati’ garante sei lamosu familiarismu iha rekrutamentu F-FDTL

Xefe Estadu Maior Falintil – Forsa...

Lu Olo husu PN debate didiak OJE 2020

Prezidente Repúblika, Francisco Guterres Lú Olo,...

Close