JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FC. ZEBRA HUSU DESKULPA PUBLIKU FUTEBÓL TL

FC. ZEBRA HUSU DESKULPA PUBLIKU FUTEBÓL TL

FC Zebra

Presidente Klubu Zebra FC, Abrão de Oliveira, lori estrutura tomak nian naran husu deskulpa ba publiku hadomi futeból iha Timor-Leste (TL) ba atetude brutalizmu nebe jogador Zebra nian komete wainhira joga kontra FC. Karketu, iha loron 2 fulan Setembru iha Stadiun Municipal Dili.

“Hau hanesan Prezidente klubu, hadomi teb-tebes bola durante ne’e fo ona kontribuisaun masimu ba aktividade bola iha rai laran (Timor-Leste-Reed). Ha’u mos la espera no nunka hakarak atu aktu ne’e akontese, ha’u husu diskulpa ba públiku iha Timor laran tomak, tanba FC. Zebra sei la simu tan sira (jogadores-Reed) mak komete aktu ne’e, maske nune’e sira kumpi sansaun,” Abrão de Oliveira, ba jornalista sira iha SEJD, Cional Lecidere-Díli, foin lalais hafoin remata enkotru ho Sekretariu Estado Juventude no Desportu, Leovigildo da Costa Hornai.

Tuir Prezidente FC. Zebra, Abrão de Oliveira, katak atetude ne’e hatudu imajen ladiak, tanba ne’e ninia parte simu konsekuensia no kumpi sansaun ne’e orgaun Liga Futebol Amadora (LFA) fo sai.

“Ha’u dehan ona ba estrutura hakarak informa katak, FC. Zebra sei la hasai karta ruma ba LFA atu defende fali jogador. Tenke tau regra ne’ebé rigoruzo se klubu mos bele fo sansaun, Zebra simu no sei la diskute,” esplika Nia.

Nia mos rekuinese katak, ninia jogador sira la professional no la iha disiplina, maske nune’e klubu fo ona fasilidade no vensimentu ba sira.

President LFA, Nilton Gusmão, hateten, akontesementu iha semana kotuk liu ba tanba falta espiritu fair play hosi jogador.

“Akontesementu ne’e laos planeadu no organizadu maibé Akontese spontania. Ne’e  mak frakezas, tanba ne’e klubu sira bele hahu komprende no bele simu derota iha kualker jogu, presija forma karakter jogador sira e presija tebes jogador sira nian fuan fair play atu simu derota,” katak Nia.

Lee hotu :   TLS SEI PARTISIPA EVENTU ASIAN PARALIMPICO IHA MALAYSIA

Tuir dirijente maximu iha orgaun Liga Futebol Amadora (LFA) Timor-Leste ne’e, katak, presiza foti ida ne’e hanesan lisaun ba futuru, komesa hanorin no kuda iha jogador nia fuan atu labele repete.

Atetude brutalismu ne’e rezulta jogador estrangeiro Antonio Vega, ne’ebe jog aba FC. Karketu Díli hetan kanek iha parte ulun kuak no hetan suku kuaze 16 pontus.

Orgaun LFA liu husi komisaun étika no disiplina hatun ona sansaun ba jogadores FC. Zebra, kompostu husi, Alipio Viana ho numeru kamizola ‘22, Helder Mota ho numeru kamizola ‘7, (Capitaun), no Joel Gaio ho numeru kamizola ‘8.

Enkuantu koima ba kada jogador suspeitu ho valor osan 250 Dollares Amerikanu no sei la partisipa aktividade futebol durante tinan rua (2).

Sansaun ne’e atribui, Orgaun Liga Futebol Amadora Timor Leste nian nebe hateten sai iha alinea ‘m artigu ‘2, artigu ‘3 no artigu 55, no artigu 88. Ne’ebé hamosu regulamentu jogu tinan 2015/2016 no artigu 11 no 12 alinea ‘c, no artigu 15, artigu 18, kodigu Konduta Etika Liga Futebol Amadora Timor Leste. Ito

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Loron-11 Fulan-Setembru Tinan-2017

Aniceto Guterres: AUMENTA VISE PN HUSI CNRT NO PLP, DESIZAUN POLÍTIKA

Prezidenti Parlamentu Nasional (PN), Aniceto Guterres...

XANANA UKUN HO FUAN, ALKATIRI UKUN HO LEI

Vise Prezidente Camara Comercio no Industria...

Close