Prezidente Konsellu Administrasaun GMN agradese ba funsionariu GMNTV nebe servisu profesional

Prezidente  Konsellu  Administrasaun  Grupo Media Nasional (GMN), Jorge Manuel de Araújo Serrano agradese ba funsionariu tomak Televizaun Gupo Media Nacional (GMNTV) nebe servisu ho profesional tebes durante tinan ida nia laran nee.

Nain ba ba Kompañia Televizaun Grupo Media Nacional hato’o lia hirak nee iha enkontru avaliasaun servisu funsionariu tomak durante tinan ida nia laran nebe halao iha Domingo (17/6), iha Hotel Novo Tuirmo, Díli.

Prezidente Konsellu Administrasaun GMN, Jorge Manuel de Araújo hatutan objetivu husi  avaliasaun ne’e atu  haree hikas forsa no frakeza iha   sistema  servisu  ne’ebé  durante  Televizaun GMN  enfrenta.

Avaliasaun nee halao hafoin komemorasaun aniversariu GMNTV no Nacional FM nebe halao iha Centro de Convesões Dili. Iha avaliasaun nee deskobre susesu , failansu no difikuldade ne’ebe kompañia televizaun nee iha hodi tau iha planu atu hadia iha tinan tuir mai.

Iha avaliasaun nee Prezidente  Konselho  Administrasaun  GMN rona  preokupasaun no sujestaun  husi diresaun ida idak ,  atu oinsa hadia iha futuru , tuir  moto  Televizaun GMN “ LORI TIMOR BA MUNDO”.

 “Hau  hanoin  enkontru  ida ne’e  positivu no konstrutivu  ,mesmu  publiku  halo ona avaliasaun  ba GMN diak, maibe  tenki  hadia  nafatin frakeza  balun ne’ebe  durante  GMN iha ,iha  enkontru ne’e  jornalista  diretor hotu  halo sujestaun atu  hamutuk  hodi hadia  lori  GMN ba Mundu ,hau  agradese  mós ba  funsionariu  GMN tomak  ne’ebe  hala’o servisu  ho professional tebe-tebes” louva Prezidente  Konselho  Administrasaun  Grupo Media Nasional.

Nune’e mos  Diretor  Informasaun Televizaun GMN,  Francedes  Suni,  hateten  avaliasaun  ne’e  atu  tau atensaun  didiak  ba  failansu  hirak ne’ebe  Televizaun GMN  hasoru durante tinan ida nia laran nee.

Francedes Suni  mós  orgullu , tanba  bele  fo hanoin  ba malu oinsa hametin liu tan  servisu  iha  diresaun  hotu-hotu  iha  Televizaun GMN.

“Iha avaliasaun  ne’e atu haree hodi  hadia failansu  hirak ne’ebe  televizaun GMN iha durante  ne’e  ,hau nu’udar  Diretor  Informasaun  GMNTV sente  kontente  ,tamba  liu husi  avaliasaun  bele  fo hanoin mai hau  atu  ami bele  hametin liu tan  servisu iha diresaun hotu-hotu ,hodi informa  informasaun  ida  ne’ebe  kualidade  ba povu Timor-Leste  ,alende  ba  audensia  GMN iha  mundu tomak, liu liu  tuir  moto GMN ‘Lori  Timor Ba Mundu’ ”, hatete Diretor  Informasaun.

Diresaun sira iha Grupu Media Nasional mak, Diresaun Informasaun, Tekniku, IT , Administrasaun, Finansas no Rekursu humanos, diresaun Produsaun no diresaun Komesial.

Total funsionariu Televizaun Grupo Media Nacional ema nian 135 nebe kolokadu iha diresaun sira nebe mesiona.

Hafoin enkontru avalisaun Prezidente Konsellu Administrasaun GMN, Jorge Serrano, General Manajer GMN Holding, Clementino Gonçalves da Costa ho funsionariu tomak GMN nian selebra aniversariu GMNTV no Nacional FM.

Iha serimonia selebrasaun fahe mos premiu ba manan nain  dada rifa ba Motor, Tiket Aviaun Dempasr Dili B amai, Televizaun LCD 32 Inc, Zeleira no rice Cooker. Manan nain ba premiu nee maka Pedro Nunes  manan  Motor  Mio  Beat 1 , Rosita  de Carvalho, manan  tiket  Dili  ba  Bali b amai , Azinha  Lola  manan  zeleira  1 ,  Longinho dos Reis  manan  televizaun  LCD 32 inc, no  Yonahes  Fernandes  manan  rice cooker  1.

Enkontru avaliasaun ho serimonia aniversaio ba dahuluk Televizaun GMN nian nee anima husi artista Anito Matos, no Gerson Oliveira.tos