JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN HALO PLENARIA ESTRAORDINARIA, FO HOMENAGEN IKUS BA CECÍLIO CAMINHO

PN HALO PLENARIA ESTRAORDINARIA, FO HOMENAGEN IKUS BA CECÍLIO CAMINHO

Parlamentu Nasionál (PN) V lejislatura liu hosi sesaun plenaria estraordinaria, Sábadu (30/06/2018) liu ba fo votus pezar no omenajen ikus ba mate isin eis deputadu Cecílio Caminha, ho votus unanimidade afavor 46, kontra 0 no abstensaun 0.

Iha sesaun plenaria ne’e, reprezentante bankada 7 (FRETILIN, CNRT, PLP, PD, KHUNTO, PUDD no UDT/Frente-mudansa) hato’o sentidu kondolensia profunda ba família matebian no enkoraja família enlutada ne’e atu forsa nafatin hasoru situasaun “moruk” refere, maske todan tebes ba sira.

Xefi bankada CNRT, Duarte Nunes, lori bankada nia naran ho kuadrus, militantes partidu CNRT nia naran hato’o sentidu kondolensia profunda ba família matebian, maske triste tanba lakon ema di’ak eis deputadu bankada CNRT Cecílio Caminha ne’ebé fo ona nia konstribuisaun ba nasaun no ba partidu, maske ikus mai ba hamutuk ho maluk sira seluk hodi funda Bloku Unidade Popular (BUP).

Nune’e, Reprezentante bankada FRETILIN, Joaquim dos Santos, rekoñese matebian eis deputadu nia servisu durante nia sei moris, no lori partidu FRETILIN nia naran hato’o kondolensia no korajen ba família matebian atu forsa nafatin hasoru realidade ne’e.

Alende ne’e, reprezentante bankada PLP, Francisco Vasconcelhos, hateten, bankada PLP sente lakon ema di’ak ida ne’ebé fo ona nia kontribuisaun barak ba prosesu konstrusaun Estadu Timor-Leste. Maibe Maromak kompara ema nia moris, hanesan aifunan ne’ebé buras no matak iha tempu dader, maibe tempu to’o nia sei namlaek, adeus Cecílio Caminha deskansa ho hakmatek.

Xefi bankada KHUNTO, Antonio Nobre, hatete, Lori naran partidu KHUNTO husi konselleiru no militantes tomak, hato’o sentimentu tristeza ba família emlutada. “Ita hotu hatene eis deputadu Cecílio Caminha mós nu’udar inspirador ida ba juventude Timor laran tomak, bankada KHUNTO hato’o sentidu kondolensia profunda no korajen ba espoza matebian nian ho oan sira no família tomak,”hateten Nobre.

Lee hotu :   30 SETEMBRU LORON IKUS BA RE-REJISTRASAUN SIMCARD

Reprezentante bankada PD, Adriano do Nascimento, haktuir, “Ohin loron ida ne’ebé susar tebes ba ita nu’udar membru Parlamentu, tanba ita nia amigo Cecílio Caminha toba hela iha ita nia oin, hodi prepara an ba moris rohan laek, amigu ami nia matan been triste, seila satan ita nia passajen ba fatin rohan laek, ne’ebé hatur nanis ona ba ita atu la’o ba, nu’udar amigu, ami ho kuadrus militantes partidu PD, nia domin no orasaun ba ita, basa ita nia moris iha mundu hodi hamaluk ami, tanba ne’e la’o ba ho ami nia orasaun  no domin tomak, maske ita haksumik ona iha ami nia matan, maibe Cecílio Caminha kuda ona fini lideransa di’ak, hodi hamorin no haburas ba lideransa foun, atu banati tuir.”

Xefi bankada UDT/Frente-Mudansa, Gilman Exposto, “Ami fo ami-nia sentidu kondolensia ba família tomak, liu-liu matebian nia espoza no oan sira, hau konhese matebian Cecílio Caminha bainhira nia asume kargu hanesan diretor NGO forum, ohin loron iha ne’e fo omenajen, triste tebes, tanba ema ida ne’ebé sei bele kontribui naruk ba dezenvolvimentu iha Timor-Leste, maibe tanba maromak hadomi liu no planu maromak nia diferente ho ita, ami hotu seila haluha ita nia di’ak tomak, adeus Cecílio Caminha, ami sei harohan nafatin ba maromak atu bele hetan di’ak iha lalehan.”

Xefi bankada PUDD, Antonio de Sá Benevides, “Matebian eis deputadu Cecílio Caminha mós iha tempu rezistensia servisu maka’as tebes to’o mai ukun an, hanesan ativista no kontinua servisu iha ajensia barak para atu bele halo dezevolvimentu ba ita nia rain, inklui hanesan deputadu servisu iha uma fukun ida ne’e, hodi tau matan ba ita nia governu, maun Cecílio Caminha sai hanesan modelu ezemplar ba ita nia joven sira, liu-liu mai ami husi partidu foun, nu’udar partidu joven atu aprende no banati tuir buat di’ak tomak husi maun Cecílio Caminha.”

Lee hotu :   GMN hatudu duni kualidade no méritu  Jorge Serrano: GMNTV presiza kritika konstrutivu

Alende ne’e, Prezidente Parlamentu Nasionál, Arão Noe de Jesus Amaral, mós agradese ba família matebian ne’ebé fornese ona matebian, hodi kontribui ba Estadu durante nia sei moris, no enkoraja família emlutada, atu forsa no prontu simu no hasoru situasaun susar ida ne’e, maibe tanba ne’e mak realidade no planu maromak nian ba matebian eis deputadu Cecílio Caminha.

Hafoin remata sesaun plenária estraordinaria ne’e, aman husi matebian eis deputadu ne’e, Jóse Caminha, sente orgullu no fo agradese ba Parlamentu Nasionál ne’ebé fo ona nia apoiu ba prosesu tomak, no fo ona nia omenajen hodi rekoñese ba kontribuisaun ne’ebé matebian halo ona ba nasaun, durante nia moris, inklui transporta ona mate isin husi Bali mai Timor-Leste.

Enkuantu, matebian eis deputadu Cecílio Caminha, haloot iha nia rezidensia Hera, hafoin remata misa iha parokia Hera.

Matebian Cecílio Caminha, hakotu nia iis iha Óspital Kasih Ibu Bali Indonesia, iha loron 27, fulan Juñu, tinan ne’e.Say

Add to Comments Here!!!!

error: Content is protected.
Secured By miniOrange
You might also like:
BCTL HARI SEDE REJIONAL IHA RAEOA ■ ALKATIRI: OE-CUSSE LA’OS MEGA PROJETU

Banco Central de Timor Leste (BCTL),...

PR LÚ OlO TO’O ONA TL ■ SEI FORTIFIKA KOOPERASAUN IHA FUTURU

Prezidente Repúblika (PR), Francisco Guterres ‘Lú...

PPN SEI REKOLLA KARETA PRADO HUSI EIS DEPUTADU

Prezidente Parlamentu Nasionál (PPN) V lejislatura,...

Close