JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lu Olo halo tinan ba dala 64 ■ PN fó parabens

PR Lu Olo halo tinan ba dala 64 ■ PN fó parabens

Prezidente Repúblika (PR), Fransisco Guterres ‘Lu Olo’, Sesta (7/9/18), halo tinan ba dala 64. Nune’e PR fo agradesimentu ba povu tomak no mos ba funsionariu tomak iha Palasiu Prezidensial.

Iha aniversariu PR Lu Olo nian ne’e, funsionariu Palasiu Prezidensial hala’o serimonia ninian nu’udar signifikadu bo’ot ida ba nia atu buka hatene valor  husi família hodi lori sai ba sosiedade.

“Hamutuk ho imi hotu, selebra tinan ida tan ba ha’u nia moris, ha’u agardese tebes ba serimonia ida ne’e, nu’udar jestu solidariedade, ne’ebé hatudu no fo mai ha’u liu husi  serimonia simples ida ne’e, hodi bele marka dala ida tan ho ha’u no ha’u nia família. Ha’u hatene katak, husi jestu ida ne’e, iha nia signifikadu  bo’ot tebes,” hatete PR Lu Olo iha salaun  Xina, Palasiu Prezidensial Nicolau Lobato Baito Pite Dili, bainhira selebra nia aniversariu ba dala 64.

Nia afirma,  ho ida ne’e hakarak atu hatete, signifikadu bo’ot liu ba moris nian, bele hetan de’it iha fatin rua, ida mak iha família rasik,  no ida seluk iha sosiedade. Liu husi ida ne’e mak bele hetan valor hotu ba ema nia moris, katak husi família sai ba sosiedade, atu bele sai hanesan ema baibain ho ema sira seluk.

“Oinsa mak ita atu bele la’o iha sosiedade ida nia laran, hahú husi ita-nia propriu família rasik, atu hatene hakat ba oin, iha  sosiedade ida nia laran, hodi ita labele sidi ita-nia ain, no ita-nia a’an ho ema seluk, ita buka para hatene valor hotu,  ne’ebé iha ita-nia família atu bele lori sai ba ita-nia sosiedade, Timor-Leste sai Estadu  direitu demokrátiku,  maibe Estadu fila ba ema, iha sosiedade iha hamutuk, mak hodi bele realiza nia mehi bo’ot ida ne’e, hodi harii Estadu ida ne’e,”hatutan PR Lu Olo.

Lee hotu :   Veteranu 2⁰ Guerra Mundial vizita TL ■ PR Lú Olo haksolok

Entretantu Xefi Kaza Sivil, Francisco de Vasconselhos, hatete, nia reprezenta asesor, diretor sira, no funsionariu tomak, hato’o votus parabens vida naruk ba PR Lu Olo.

“Ami hatene katak, dezafiu no obstakulu  barak tebes, ne’ebé mak ita bo’ot hasoru, atu diriji ro ida naran Timor Leste, hasoru  laloran,  no hasoru anin, ne’ebé ami fiar ba ita bo’ot nia kapasidade, no ami fiar mos ba maromak tulun ita bo’ot, sei fo vida naruk, fo forsa, no fo matenek, atu nune’e ita bo’ot bele diriji Estadu  ida ne’e,  rai ida ne’e no povu ida ne’e, atu bele sai ezemplu no povu ne’e bele moris di’ak hanesan Estadu ida ne’ebé mak forte,”akresenta Xefi Kaza Sivil.

PN fó parabens ba PR

Nune’e mos, Prezidente Parlamentu Nasionál (PPN), Arão Noe de Jesus Amaral, liu hosi plenária diskusaun final global ba Orsamentu Jeral Estadu (OJE) tinan 2018 ne’e, fó votus parabens ba Prezidente Repúblika (PR), Francisco Guterres ‘Lú Olo’ ne’ebé komemora nia loron moris iha loron 7, fulan Setembru ne’e ba dala 64.

“Ha’u em nome Parlamentu hato’o parabens no dezeju boa saúde no vida naruk ba nafatin,”hateten Prezidente Parlamentu Nasionál Arão Noe liu hosi plenária diskusaun OJE ba dala ikus, Sesta (07/09/18).

Iha biban hanesan, deputadu bankada UDT/Frente Mudansa, Gilman Exposto, mós kongratula ba Xefi Estadu, Francisco Guterres ‘Lú Olo’ ne’ebé komemora nia loron moris iha momentu diskusaun OJE 2018 iha PN.

 “Ha’u-nia parabens ba Prezidente Repúblika, ha’u fiar katak, PR sei hetan saúde di’ak atu organiza nasaun ida ne’e ba di’ak iha futuru,”tenik Gilman Exposto.

Lee hotu :   Aeroportu Internasional Nicolau Lobato menus ekipamentos

Alende ne’e, deputadu bankada PD, Mariano Asanami Sabino, mós fó votus parabens ba Xefi Estadu, no garante esperansa nakonu ba Xefi Estadu ne’e atu bele servi povu no nasaun ho di’ak liu tan.

 “PD mós hakarak fó parabens ba PR nia tinan, imi hotu mak ami-nia esperansa, ami prontu iha kotuk, servisu maka’as para ita la’o ba oin,”afirma Prezidente PD ne’e.

Enkuantu, Prezidente Repúblika Francisco Guterres Lú-Olo moris iha loron 7, fulan Setembru, tinan 1954.Oly/Say

Add to Comments Here!!!!

error: Content is protected.
Secured By miniOrange
You might also like:
Projetu 95 mak priense kritériu pagamentu

Ministru Interinu Planeamentu Investimentu Estratéjiku (MPIE),...

PN aprova ona OJE 2018 ■ FRETILIN dúvida kapasidade ezekusaun

Atu responde ba konta Jeral Estadu...

MS sei ezekuta OJE tuir programa

Diretor Nasional Planeamentu Jestaun Finanseira Ministériu...

Close