JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Hiroshi Minami: “Espera kooperasaun Governu Japaun ho GMN metin liu tan”

Hiroshi Minami: “Espera kooperasaun Governu Japaun ho GMN metin liu tan”

Governu Japaun liu husi Embaixador Japun iha Timor-leste, Hiroshi Minami, iha esperansa katak, liu husi apoiu programa ne’ebé Governu Japaun fo ba Grupu Média Nacional (GMN) hodi fo sai iha kanal GMN, bele hametin liu tan kooperasaun entre Governu Japaun ho GMN-TV.

Embaixador Japun iha Timor-Leste, Hiroshi Minami hatete, iha fulan hirak liu ba Embaixada Japaun hetan pedidu husi GMN-TV hodi husu posibilidade atu hetan programa balun husi  Japaun ne’ebé bele fo sai iha kanal GMN-TV hodi anima povu Timor-Leste.

“ Ha’u onra tebes ohin bele mai selebra serimonia entrega matéria programa Televizaun nian ba GMN-TV, e espera liu hosi kooperasaun ida ne’e bele hametin liu tan kooperasaun Governu Japaun ho GMN-TV sai diak no metin liu tan ba oin”, hateten Embaixador Japun iha Timor-leste, Hiroshi Minami, liu hosi nia diskursu, Kuarta (04/09/2019) iha salaun Enkontru GMN, Bebora Díli.

Hiroshi Minami afirma, liu hosi prosesu ne’ebé naruk no kleur oituan finalmente bele hetan duni programa tolu ne’ebé sei fo sai iha kanal GMN hanesan, programa edukasional ne’ebé diak tebes ba labarik sira hodi hafanun sira nia hánoin.

“ Pograma ida seluk mak filme drama ne’ebé konta historia konaba luta husi inan ida ho oan feto nain tolu ne’ebé esforsu makas to’o ikus mai sai konesidu iha mundu,”tenik embaixador Japaun mai TL, Hiroshi Minami.

Prezidente Konsellu Administrasaun, Jorge Manuel de Araújo Serrano, agradese ba Governu Japaun  liu husi kooperasaun ne’ebé Embaixada Japaun halo ho GMN, hodi apoiu ona GMN liu hosi kontiudu programa balun ne’ebe sei fo sai iha kanal GMN nian.

Lee hotu :   Fuma tabaku, TL primeiru lugar iha Mundu

“ Akordu ida ne’e bazeia aproximasaun entre GMN ho Embaixada iha tinan kotuk, tamba ita hatene katak Japaun iha kontiudu barak ne’ebé uluk koiñesidu hanesan filme sira, entaun ita GMN halo aproximasaun ho Embaixada husu karik iha posibilidade bele iha akordu ita atu sira bele apoiu kontiudu balun ba GMN”, afirma Prezidente Konsellu Administrasaun GMN.

Jorge Manuel de Araújo Serrano akresenta tan katak, Embaixador ema ida ativu tebes no nia mos hakarak koopera ho GMN, ne’e duni nia halo kontaktu ho televizaun sira iha Japaun hodi hetan kontiudu lubuk ida ne’ebé oferese mai GMN, no kontiudu hirak ne’e diak no foun edukasional no drama balun ne’ebé ohin entrega ona liu husi akordu entre Embaixada Japaun halo ho GMN.

“ iha Embaixador nia diskursu nia hatete klaru ona katak, iha futuru Embaixada Japaun hakarak hametin liu tan kooperasaun ho GMN, entaun Ha’u fiar kooperasaun ne’e sei lao diak liu tan iha futuru,” tenik Jorge Serrano. Fel

Add to Comments Here!!!!

error: Content is protected.
Secured By miniOrange
You might also like:
Alkatiri: Direitu autodeterminasaun tenki garante tratamentu hanesan

Sekretáriu Jeral Partidu FRETILIN, Mari Alkatiri,...

Membru governu kontinua inkompletu, PD ameasa la fó votu a favor ba OJE 2020

Prezidenti bankada Partidu Demokrátiku (PD), Antonio...

Delegasaun Reprezentativu Komisaun Permanente ASEAN avalia progresu TL

Delegasaun Reprezentativu Komisaun Permanente Asosiasaun Nasaun...

Close