JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

BCTL lansa moeda sentavus 200

BCTL lansa moeda sentavus 200

Banku Central Timor-Leste (BCTL), Kuarta –feira nee  halo lansamentu ba moeda foun Timor – Leste nian ho valor sentavus 200 nebe tau imajen Karau Timor hodi subtitui osan tahan tamba osan tahan uza ladura kleur.

Lansamentu moeda sentavus foun nee halao husi Primeiru Ministru, Rui Maria de Araujo, governador Banku Central, Abrão Vasconselos no Vise Governador , Sara Brites nebe akompaña husi entidade tomak no Banku Komersial sira iha Timor Leste.

Primeru Ministru, Rui Maria de Araujo iha ninia intervensaun konsidera inisiativa ne´ebe Banku Central Timor-Leste (BCTL) liu husi desizaun Konsellu Administrasaun nian foti atu hamosu tan denominasaun ida iha moeda ne´ebe uza hanesan inisitiva murak tebes-tebes ne´ebe sei fasilita liu-liu komersiu iha area rurais.

“ Ita hatene katak iha area rurais ita nia setor ekonomiku tantu formal komu informal sei depende ba denomenasões ne´ebe ki´ik, ida ne´e sei ajuda tebe-tebes para alen de benefisiu sira seluk,´´ informa Primeiru Ministru Rui Maria de Araújo.

Primeiru Ministru mos rekuinese Banku Cental hanesan institusaun Públiku Estadu ne´ebe servisu ho profesional, no iha aniversariu ne´e marka tan pasu ida parte dezenvolviementu nomos iha sistema mekanismu.

´´Hau hakarak rekuinese hanesan institusaun Públiku Estadu nia ida hatudu profisionalismu ne´ebe bo´ot tebes-tebes iha sira nia servisu loron-loron, institusaun ida hau nia haree timor-oan hotu-hotu presiza atu orgulhu Iha VI aniversariu marka pasu ita bo´ot tebes-tebes iha dezenvolvimentu, institusaun ida ne´e láos de´it iha sistema mekanismu ne´ebe konsege hari´i iha tinan neen nia laran maibe dezenvolvimentu rekursu humanu ne´ebe promete barak tebes-tebes atu apoia dezenvolvimentu sosiu ekonomiku iha ita nia rain,´´hateten nia.

Lee hotu :   PN preokupa negosiante Chines barak loke kios iha TL

Xefe Governu nee mos hein katak tempu tuir mai atu banku sentral sei lidera prosesu atu bele implementa mekanismu de garantia kreditu bankaria hodi nune´e mikro pequenas i media empreza sira bele haláo sira nia servisu ho diak, atu nune´e mikro pequenas no media empreza bele hetan opportunidade diak liu tan ba kapital hodi bele movimenta ekonomia iha TL.

Nunee mos Governador BCTL, Abrão de Vasconselos hatete enkontru Konsellu Administrasaun Banku Central iha loron 29 Agustu liu ba desidi loron 13 Setembru 2017 nu´udar loron 200 sentavus hahú nia sirkulasaun iha ekonomia no 200 sentavus sei hola parte iha familia moeda sentavus seluk hanesan moeda nasional Timor-Leste.

´´Desizaun atu introduz moeda iha tempu ne´eba loke espasu no fo biban banku sentral hanesan institusaun atu dezenvolve ninia kapasidade tekniku no habelar kuinesementu konaba jestaun moeda ne´ebe presiza no importante,´´ hatutan Governador BCTL.

Abrão de Vasconselos  hatete dezenvolvementu ida ne´e importante tebes láos deit ba Banku Central hanesan institusaun maibe Timor-Leste hanesan nasaun wainhira sirkuntasia permite atu konsedera opsaun diferente relasiona ho rejime ne´ebe iha.

Nunee mos vise governador BCTL,Sara Brites hatete moeda sentavus 200 nee sei subtitui osan notas ki’ik US$5 tamba aat lalais tuir klima nebe manas no omeadu, nunee mos osan notas nee foer no nakles.

  ´´Notas ki´ik hanesan dollar 5 Amerikanu aat lais no ita nia iklima ne´ebe manas no  omedu no liu-liu tanba utiliza nota sira ne´e sai foer no nakles lalais, wainhira ita halo komparasaun vida util entre moeda no notas” hatete Sara Brites Kuarta (13/09/2017) iha Acait, Dili.

Lee hotu :   Kompanhia internasional la selu taxa 10%, Governu forma ona ekipa levantamentu

Nia hatutan moeda sentavus sira iha vida util ho longu prazu kompara ho osan tahan, ezemplu US$ 5 dollar ninia utilizasaun ita nia klima so serve ba tinan ida ka rua, alende osan tahan ladun hijine i bele fo impaktu ba saúde tanba foer no defisil atu hamos.

Iha tinan 2003 moeda kompostu husi nomeasaun 6 hanesan sentavus ida, sentavus 5, sentavus 10, sentavus 0,25 no sentavus 10, no iha tinan 2013 BCTL introduz tan moeda sentavus 100 nune´e Timor-Leste oras ne´e iha ninia moeda hamutuk iha ona moeda hitu iha situasaun atual ne´ebe sirkula hamutuk ho osan dollar Amerikanu nu´udar moeda ofisial.

Nia afirma maske moeda sentavus bele ladun hetan atensaun hanesan aspetu seluk ne´ebe iha politika montañia nian maibe sentavus hirak ne´e sai ona ba fundamental iha vida ruteriana no serve duni ho diak durante tinan 14 nia laran.

´´Kestaun ida ne´e ita bele haree husi utilizasaunosan no sentavus nu´udar pagamentu ne´ebe dominante iha ita nia tinan ba tinan sirkulasaun osan aumenta ba nafatin ida ne´e hatudu katak maski ita hahú dadaun dezenvolve meius pagamentu eletroniku pagamentu ho kas sei sai popular nafatin no bele halo konkluzaun katak osan tahan no sentavus sei nafatin utiliza iha tinan barak nia laran tuir mai,´´salienta nia.Eld

Add to Comments Here!!!!

error: Content is protected.
Secured By miniOrange
You might also like:
FRETILIN-PD fiar-an forma Governu

Partidu KHUNTO dada-an ona husi koligasaun...

SABOR A TIMOR EP.08

SABOR A TIMOR Ep.07

Close