JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

OJE 2018 BA PN, GOVERNU PREVÉ MILLAUN 9.1 USD

OJE 2018 BA PN, GOVERNU PREVÉ MILLAUN 9.1 USD

Iha envelope fiskal ne’ebé VIII Governu atribui prevé Parlamentu Nasionál (PN) nia Orsamentu Jeral Estadu (OJE) tinan 2018 hamutuk millaun 9.1 USD, relata Prezidente Parlamentu Nasionál (PPN), Arão Noe Amaral, ba jornalista iha PN, Segunda (30/07/2018).

Líder órgaun lejislador ne’e informa, Parlamentu Nasionál simu ona pakote envelope fizkal husi Governu, tanba ne’e semana ne’e Parlamentu Nasionál sei konsentra ba orsamentu privativu PN nian, atu bele aprova no haruka hikas ba Governu ensere hamutuk iha planu OJE 2018.

“Governu fó ona pakote envelope fizkal ba Parlamentu nian. Tuir envelope fizkal mai husi Governu 9.1 milloens ba PN, tanba ne’e mak ami mós deside atu halo reuniaun konsellu administrasaun PN nian, para halo aprovasaun ba ami-nia orsamentu privativu PN nian, atu nune’e bele baixa ba komisaun C halo pareser, depois plenária extraordinária ida iha semana ne’e, para aprova tiha orsamentu privativu, hodi haruka ba Governu atu insere hamutuk ho planu orsamentu jeral estadu tinan 2018 nian, nune’e iha dalan ba VIII Governu atu bele aprezenta OJE 2018 mai PN.”relata Arão Noe.

Prezidente PN ne’e hateten, maske governu fó ona montante osan privativu PN iha envelope fizkal, maibe Parlamentu sei konvoka reuniaun konsellu administrasaun, haré fila-fali montante 9.1 milloens sufisiente ba Parlamentu ou lae!.

“Iha debate konsellu administrasaun mak sei haree, orsamentu ne’e sufisiente ka lae? orsamentu ida ne’e la’os atu uza de’it ba fulan 4 (Setembru, Outubru, Novembru no Dezembru) de’it, maibe orsamentu ne’e atu kobre dezde orsamentu duodésimu ne’ebé utiliza ona iha 1 de Janeiru to’o 31 Dezembru 2018 nian, katak orsamentu jeral 2018 ne’e, atu hodi selu mós gastus ne’ebé governu anterior halo iha 1 de Janeiru to’o Dezembru 2018, tanba orsamentu sira ne’e tenke tama iha lei Orsamentu Jeral Estadu nian, para atu justifika tuir lei nia kabementu,”Arão Noe afirma.

Lee hotu :   CCI-TL lamenta Xineza loke kios kiik

Líder segundu órgaun soberanu ne’e garante, iha tempu badak Governu bele aprezenta lei Orsamentu Jeral Estadu tinan 2018, hodi bele responde ba nesesidade povu nian no garante funsionamentu mákina Estadu la’o normal.

Antes ne’e, Diretor Jeral Ministériu Finasas, Januario Gama informa, proposta VIII Governu husu osan hamutuk billiaun 1.2 USD, kompostu husi saláriu no vensimentu millaun 5.7 USD, bens no servisu millaun 400 USD, transferênsia públikas millaun 38 USD, no kapital dezenvolvimentu  millaun 323 USD.

Diretor ne’e mós informa, planu VIII Governu sei aprezenta OJE 2018 ba Parlamentu Nasionál husi loron 1 to’o fulan Augutu tinan ne’e.Say

Add to Comments Here!!!!

error: Content is protected.
Secured By miniOrange
You might also like:
EMA DESKOÑESIDU TUDA AVIAUN F-FDTL

Ema deskoñesidu, Domingu kalan (29/7/2018), uza...

GRUPU DESKOÑESIDU TUDA MATE GABRIEL IHA BETO

Grupu deskoñesidu tuda mate Gabriel Ximenes...

TL-AUSTRALIA HAMETIN KOOPERASAUN BILATERAL ■ KONTINUA DISKUTI GS

Vizita Traballu Ministra Negósiu Estranjeiru no...

Close