JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Inaugurasaun Ponte Comoro III adia

Inaugurasaun Ponte Comoro III adia

Governu Timor Leste, liu husi Ministeriu Obras Publiku (MOP) hasai andamentu ida hodi adia serimonia inaugurasaun Ponte Comoro III nebé nia ejekusaun fizika finaliza ona.

Tuir akordu kontratu katak, Tersa horseik (4/9/2018), Governu Japaun liu husi Japan International Cooperation Agency (JICA) sei entrega konstrusaun Ponte Comoro III ba Governu Timor Leste, maibe tanba Governu okupadu hela ho diskusaun Orsamentu Jeral Estadu (OJE) tinan fiscal 2018 nian iha Palamentu Nasional (PM), maka Governu husu adia hikas ba Segunda (10/9/2018).

Governu ho seriedade hakarak parsisipa masima iha serimonia inaugurasaun ne’e, tanba ne’e husu adia no aumesmu tempu Governu mos hakarak hatudu aktu agradesimentu ordinariu ba povu Japaun nebé finansia ona projetu kontrusaun Ponte Comoro III.

“Hau orienta ona vice ministru hodi adia ba Segunda semana oin, nune’e ema hotu bele partisipa, tanba projetu ne’e oferese deit husi Governu Japaun, ne’ebe importante tebes, hau hanesan ministru bele partisipa, tenke hatudu seriedade, agradesementu liu husi ita prejensa,” hateten Ministru Obras Publikas, Salvador S. Pires, ba Jornalista sira iha Parlamentu Nasional, Segunda (03/09/2018).

Ponte Komoro III finansia husi Governu Japaun ho valor orsamento US$16.171.610,00, nebé inisiu projetu ne’e hahuu iha loron 17 Outubru 2016.

Obra ne’e ho nia valor orsamento hamutuk Yén1.690.000.000,00 US$16.171.610,00 nebé Governu Timor Leste aloka orsamentu nudar fundu de kontra partida hamutuk US$3.000.000.

Ponte ne’e rasik ho nia tipus Girder Box , ho naruk 249 metros ho 6 vãos nebe kompostu husi 2 vãos ho 33,7 metros kada vãos, no 4 vãos sira seluk ho 45 metros , ponte nia largura ho total 11,55 metros, kompostu husi 2 faixas de rodagem ho largura 3,5 metros kada faixa no kompletu ho passeio husi norte mota ain ho 2 metros, no parte sul mota ulun ho 0,75 metros , pavimentação ho sei halo ho betão alcatrão ho berma variavel hosi 0,5 metros to’o 1,5 metros, inklui drenagem ho estruturas komplementares sira seluk.

Lee hotu :   Aero Dili prepara aviaun 2 hodi atende operasaun ba munisipiu

Obra Ponte Comoro III ejekuta husi empresa Tobishima Corporation no akividades servisu halao husi Consultor , Konsorsium INGEROSEC CORPORATION , NIPPON ENGINEERING CONSULTAN CO, LTD I IDEA CONSULTANS, INC.

Periode konstrusaun hamutuk tinan 2 , nebe hahu tiha ona iha 4 de Junho liu ba , no tuir kalendario nebe iha obra ne’e sei remata iha 30 de Agostu de 2018. Obra ne’e mos emprega ema hamutuk nain 88, kompostu husi ema international ema nain 37 no Timor oan nain 51. mia

 

Add to Comments Here!!!!

error: Content is protected.
Secured By miniOrange
You might also like:
Juventude Covalima refleta masakre Setembru negro

Atu komemora loron masakre Setembru negro,...

FRETILIN krítika servisu adidu Korea Súl

Deputada bankada Frente Revolucionaria do Timor-Leste...

OJE ba PN bo’ot aprovadu, PPN hetan krítika

Orsamentu Jeral Estadu (OJE) 2018 ba...

Close