JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu lansa primeiru estudu Sísmiku iha Kosta Sul ■Timor Resources prontu foti risku millaun US$ 35

Governu lansa primeiru estudu Sísmiku iha Kosta Sul ■Timor Resources prontu foti risku millaun US$ 35

Governu Timor-Leste, ne’ebé repzenta Primeiru Ministru (PM), taur Matan Ruak atual Ministru Defeza Filomeno Paixão, hamutuk  ho  kompañia  Timor Resources  Pty Ltd lansa estudu  Sísmiku  Fafulu 2D, hodi bele deskobre mina-rai iha rai-maran parte Kosta Sul nian.

Estudu  Sismiku  Fafulu 2D ne’e iha Munisípiu tolu hanesan Covalima, Munisípiu Ainaro liu-liu Postu Administartivu Hato-Udo, Munisípiu Manufahi, Postu Administartivu Alas.

Atu deskobre ba mina-rai iha rai okos, kompañia Timor-Resources sei utuliza vibro truck hodi sama ba rai leten hodi detekta mina iha rai okos iha ka lae.

Peskiza sismiku ba operasaun  petróliu dahuluk iha rai maran iha Timor-Leste, hafoin ukun rasik a´an. Seremonia lansmamentu sismiku hala’o iha Aeroportu Internasional Komandante Em Xefe FALINTIL Kay Rala Xanana Gusmão, Kuarta (10/10/18), ne’ebé mak organiza  husi Autoridade Nasional Petroleu no Minerais, hamutuk  ho kompañia Timor-Resources  Pty Ltd no Timor GAP-Empreza Públiku.

Peskiza sismiku Fafulu 2D  ne’e bazeia  ba  kontratu  fahe produsaun  PSCs TL-OTT-17-08 no TL-OT-17-09. Kontratu  fahe produsaun rua  ne’e hanesan,  kontratu  petroliu  rai maran  dahuluk   ba Timor-Leste  ne’ebé asina iha  loron 7, fulan Abril, tinan  2017.

Produsaun  fahe  PSCs  rua  ne’e  fo ba Kompañia Timor GAP  Onshore Block  Unipesoal Limitada. Kompañia subsidiáriu husi Kompañia Estatal Timor GAP-Empreza Públiku no Timor Resources Pty Ltd, kompañia ida  husi Australia   ne’ebé hola parte  iha kompañia Nepean Group.

Kada konsórsiu  iha interese  pursentu 50 no Timor Resources  mak hola  funsaun hanesan  operador hodi halo estudu sismiku.

Reprezentante  Primeiru Ministru atual Ministru Defeza  no Interinu Filomeno Paixao,  husu  ba komunidade hotu atu  kontribui paz no estabilidade hodi nune’e  bele fo tempu ba kompañia Timor Resources  halo estudu sismiku hodi  identifika mina iha rai okos. Tanba rikusoin minarai  benefisiu ba povu Timor-Leste iha futuru.

Lee hotu :   Jeremiah Chan: Pelican Paradise seidauk iha akordu espesiál ho Governu

“Peskiza  Sismiku  Fafulu  2D marka susesu   ne’ebé signifikativu  hodi   ba  oin  industria   mina no gas  iha rai maran nian. Peskiza ne’e  mos  sai hanesan  ezemplu  ida katak  Timor-Leste  prontu ona  atu loke opurtunidade   ba investimentu   ho valor   millaun dolar”,dehan Filomeno Paixao.

Nia hatutan, importante liu  atu servisu  nain sira, dezenvolve  industria  fornesedor  lokal  ba estandar  internasional   nian,  nune’e  mos bele  aumenta  servisu  ba foin sa’e  Timor-oan sira, fo rendimentu  liu husi taxa  no kria oportunidade  servisu  ba komunidade  sira iha área  afetadu  no sira ne’ebé hela besik no multiplika  servisu  fornesimentu.

Alende ne’e, Diretora  Jeral Timor Resources,  Suellen  Osborne,  hateten,  kompañia Timor Resources prontu ariska (foti risku ) millaun US$ 35 hodi halo peskiza sismiku mina-rai iha rai-maran parte Kosta Sul, molok atu  iha serteza  saida mak atu hetan iha rai okos.

“Ami hakarak hato’o mos ba ita katak, lideransa husi Petroliu nian Timor GAP no ANPM ami sei hetan fiar hodi hala’o servisu ne’e ba oin nafatin. Timor-Leste ho servisu ida ne’e sei bele atrai investimentu husi rai-liur hodi troka situasaun sira oras ne’e ho dezenvlvimentu tempu boot. ho mos importantante hotu katak,  ho dezenvolvimentu ne’ebé mak Timor Resources  hala’o ne’e sei fo estabilidade atu hala’o nia dezenvolvimentu  maka’as liu tan“,dehan Suellen  Osborne.

Prezidenti  Autoridade  Nasionál Petroleu no Minerais, Gualdino da Silva,  apresia  ho Timor  Resources,  no Timor GAP  hakarak foti risku    atu sai hanesan  kompañia  dahuluk   ne´ebé halo peskiza  sismiku petroleu  iha rai maran  Timor-Leste nian no espera katak kompañia bele implementa kompromisu   ne´ebé iha kontratu   nia laran  ho seguru no iha tempu  ne´ebé rekere.

Lee hotu :   KM aprova proposta OJE 2019 ho billiaun US$ 1.3

“Ne´e hanesan komitmentu kontratuais  ba segundo ano nian, husi kontratu  ne´ebé mak sira asina ona ho Governu, liu husi ANPM. Sira sei servisu fulan ualu tinan ida nia laran, se rezultadu di’ak hotu sira sei hakat ba oin katak, sira sei halo perfurasaun ba mina matan iha Suai nomos iha Same, maibe agora ba fulan 8 ne´e sira sei foku liu ba atividade sismiku ida  ne´e“,dehan Gualdino da Silva.avi

Add to Comments Here!!!!

error: Content is protected.
Secured By miniOrange
You might also like:
Ezame nasionál hahú iha 15-17, ME distribui ona material ezame nian

Ministériu Edukasaun Juventudi no Desportu (MEJD),...

KA aprova OJE privativu 2019 ba PN millaun US$17 ■PPN Arão:Seidauk fiksu

Konsellu Administrasaun (KA) aprova ona Orsamentu...

PM Taur: Novembru aprezenta proposta OJE 2019 ba PN

Primeiru Ministru (PM), Taur Matan Ruak,...

Close