JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Mari Alkatiri : Kooperasaun sai fator implementa seguransa sosial iha RAEOA

Mari Alkatiri : Kooperasaun sai fator implementa seguransa sosial iha RAEOA

Prezidenti Autoridade Administrativa Especial Oecusse Ambeno (RAEOA) no Zona Ekonomia Especial Social Merkadu (ZEESM), Mari Alkatiri, hateten kooperasaun sai fator importante  atu implementa diak liu lei numeru 12/2016 kona- ba seguransa  Sosial iha RAEOA.

“Lei segurança social hau mos iha parlamentu hodi partisipa aprovasaun ba lei ne’e, ne’ebe hau konhese lei ne’e. Tanba ne’e maka proposta orsamentu 2018 RAEOA nian pursentu sia hatama ona, no prontu diskontu pursentu hat, so que labele Oecusse rezolve depois nível nasional seidauk rezolve, ne’ebe kooperasaun ne’e importante teb-tebes,” hateten Prezidenti Autoridade Administrativa Especial Oecusse Ambeno (RAEOA) no Zona Ekonomia Especial Social Merkadu (ZEESM), Mari Alkatiri, hafoin enkontru ho Ministra Solidariedade Social no Inkluzaun, Armanda Berta kona ba implementasaun lei segurança social, iha edefisiu ZEESM, Palpaso, Dili, Segunda (22/10/2018).

Eis Primeiru Ministru ne’e dehan, atu implementa lei numeru 12/2016 ne’e, iha proposta OJE 2018, RAEOA mos prevê ona osan.

“Iha ami nia orsamentu tinan 2018 ami tau ona, maibe to’o agora orsamentu 2018 dehan sistema ladun diak fali ne’ebe lahatene los. Agora semak trabalhador, semaka funsionário tenke hatene katak aban-bainrua nia pensiun bainhira nia sei forte no servisu nia tenke deskonta labele aban bainrua pensiun Jovem sira ne’ebe servisu ne’e deskont fali fo pensiun, maibe lae, ne’e direito no dever,” dehan Mari Alkatiri.

Sekretario Jeral partido historiku nee dehan, lei segurança social iha deit maka vantagem no laiha desvantagem.

Iha fatin hanesan, Ministra Solidariedade Social no Inkluzaun, Armanda Berta dos Santos, dehan, Governu realiza enkontru ho Prezidenti RAEOA, Mari Alkatiri hodi koalia kona ba implementasaun lei segurança social.

Lee hotu :   Fundu mina-rai TL tun ba billiaun USD 15,80

“Hau mai hasoru malu ho prezidenti RAEOA, ami koalia asuntu importante rua, hanesan implementasaun lei numeru 12/2016 kona ba segurança social. Objetivu ami hakarak koalia ba asuntu ne’e hodi fo hanoin mos ba prezidenti RAEOA atu tau orsamentu pursentu 6 ne’ebe responsável Governu nian,” dehan Ministra Solidariedade Social no Inkluzaun.

Seguransa Sosial nu’udar direitu fundamental sidadaun sira nian, ne’ebé mos konsagra iha Konstituisaun Repúblika Demokratiku Timor Leste, artigu 56 kona-ba Seguransa no tulun sosial nian.

Iha tinan kotuk,  Governu Timor Leste liu husi Ministériu Solidaridade no Sosial (MSS)  produs Lei  númeru 12/2016, loron 14 fulan Novembru, kona-ba Rejime Kontributivu Seguransa Social no promulga husi Prezidenti Repúblika  iha loron 19 fulan Maiu tinan 2017.

Rejime Kontributivu Seguransa Social ne’e hala’o ho kontribuisaun obrigatóriu trabalhador no entidade empregador sira husi setor privadu no setor públiku ne’ebé, hatuur nia presentajen ba trabalhador  kontribui prosentu ha’at (4%) no entidadade empregador sira kontribui  porsentu ne’en (6%).

Fundus ne’e nu’udar,investimentu ne’ebé mak empregador ho trabalhador sira, kontribui hodi bele asegura trabalhador nia direitu saúde, risku ba dezastre no bele asegura vida futuru wainhira tama iha idade reforma. mia

Add to Comments Here!!!!

error: Content is protected.
Secured By miniOrange
You might also like:
Sosiedade Sivil konsidera seidauk tempu PN sosa kareta foun

Sosiedade Sivil konsidera seidauk tempu atu...

Fundasaun Kamanggawa INC oferese ran ba HNGV

Fundasaun Kamanggawa  INC, liu husi  Embaxada...

Timor Leste enfrenta bailoron naruk

Bazeia ba estudu husi Meteorolojia no...

Close