JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sistema free balance funsiona normal, Governu bele prosesu ona pagamentu ba projetu

Sistema free balance funsiona normal, Governu bele prosesu ona pagamentu ba projetu

Xefi Unidade sistema Integradu Informasaun Gestaun Finanseira-Ministeriu Finansas, Joanico Pinto hatete, sistema free balance  hahu funsiona normal, segunda (29/10) nee hafoin semana ida halo rekonsiliasaun ba data migrasaun husi estrutura anterior iha Dotasaun Orsamentu Temporária (DOT) ba iha Orsamentu Jeral Estado 2018.

Xefi Unidade sistema Integrado Informasaun Gestaun Finanseira iha Ministeriu Finansas hatutan ho funsionamentu sistema free balance nee inistitusaun Estadu sira bele prosesa ona pagamento, li-liu CPV.

 “Ministeriu Finansas konsege ona halo rekonsiliasaun no data migrasaun husi estrutura anterior ne’ebe iha dotasaun  orsamentu temporário ba iha Orsamentu Jeral Estado foun, li-liu 2018, ne’e duni ami hakarak informa ba publiku katak sistema GRP normal 100% iha ninia funsionamentu diária, katak rekonsiliasaun entre gastus DOT vs alokasaun OJE 2018 konklui ona iha sistema, nune’e hahu husi Segunda (29/10/2018) institusaunh Estado hotu bele ona kontinua prosesa sira nia pagamento li-liu CPV sira ne’ebe iha blok tuan kodim automaticamente transfere ona ba kodim blok foun”, hateten Joanico Pinto  iha Komferensia Imprensa iha Salaun Ministeriu Finansas, Aitarak-laran, Dili.

Responsável unidade sistema Intregrado Informasaun Gestaun Finanseira ne’e hatutan, dadaun ne’e equipa Ministeriu Finansas atualiza hela sistema relatório, hanesan sistema transparansia portal no sistema sira seluk ne’ebe naturalmente instituisaun Estado sira utiliza,  nune’e iha semana ida nia laran espera prosesu ne’e remata no transparansia portal bele loke fali ba publiku hodi aktualiza prosesu ezekuzaun OJE.

Nia hatutan prosesu rua (sistema Free balance no sistema transparansia portal-red) ne’e interdependência ba malu katak labele halo hotu rua ne’e dala ida, maibe tenke finaliza uluk ida hanesan baze hodi kontinua ida seluk.

Lee hotu :   Governu kontrata Peak Everest halo peskiza ba magnesiu iha RAEOA

 Resposnabel unidade nee hatutan problema nebe akontese nee laos problema iha sistema maibe problema nee iha ministério balu fahe malu, balu tau hamutuk, tamba nee presisa rekonsiliasaun.

 “Hau hakarak klarifika katak, la’os problema iha sistema, maibe problema iha prosesu, katak prosesu ne’ebe Ministério balu fahe malu, balu tau hamutuk, entaun ami halo rekonsolia ba sira nia orsamentu hotu, li-liu orsamentu anual no gastus sira ne’ebe iha periode DOT ne’e, tanba ne’e maka iha semana kotuk kuaze funsiona 98 %, mesmu nune’e sei iha prosesu balu ne’ebe ami seidauk automatiza hotu”, termina Joanico Pinto.

 Maske sistema free balance funsiona normal iha Segunda-feira nee maibe salario ba ba funcionário publiku, Minsiteriu Finanças transfere kedas ba banku iha Sexta semana kotuk. mia

Add to Comments Here!!!!

error: Content is protected.
Secured By miniOrange
You might also like:
Deputadu sira lamenta aktu MUTL hotar lider PN ■Arão Noe: Posibilidade retira proposta sosa kareta

ba  Parlamentu Nasional (PN) atu iha...

GRANDE ENTREVISTA,Loron-29 Fulan-Outubru Tinan-2018,Asuntu: TANSA PN KANSELA VIZITA PREZIDENTE BA ESTRANJEIRU

Atletico Ultramar mantein taça 12 Novembro èpoka 2018

Clube futeból Atletico Ultramar mantein taça...

Close