JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Oscar Lima: Diak liu Governu selu dívida antes Dezembru

Oscar Lima: Diak liu Governu selu dívida antes Dezembru

Prezidente Cámara Comersio Industria Timor-Leste (CCI-TL), Oscar Lima, optimista VIII Governu Konstitusional sei selu hotu dividas ba projeitu sira antes fulan Dezembru, tanba benefisia ba ema barak.

“ Ami kontente tambá rona informasaun husi Ministru Obras Públika, Salvador Soares, katak Governu sei selu dividas ba projeitu 96 no 40 resin mak sei halo fali levantamento, ami to’o agora seidauk selu”, dehan Prezidente CCI-TL, ), Oscar Lima, ba Jornalista sira Segunda (19/11/2018) iha Timor-Plaza Dili.

Prezidente CCI-TL iha esperansa katak, Governu selu dividas ba projeitu sira lalais, ida nee diak liu, tambá Kompañia barak mak oras nee atu taka odamatan, tambá laiha orçamento atu halao sira nia atividade.

 “ Hau la hatene ita atu lori Timor ba neebe, neebe hau espera Governu bele selu dividas iha tempu badak, no diak liu sei Governu selu  antes tama ba fulan Dezembru, tambá Governu selu dividas laos benefisiu ba ema ida deit, maibe benefisiu nee ba ema hotu , tambá kuaze tinan ida mosu empase politika, hodi laiha pagamento ba Emprezario sira”, dehan Prezidente CCI-TL, Oscar Lima.

Oscar Lima afirma atividade neebe Emprezario sira halo, ida nee investimento, tambá Emprezario balun uza sira nia osan rasik no balun foti kreditu husi Banko, nee sei komplikadu tambá osan neebe sira simu, sira sei selu hotu ba jurus, nee ladun diak.

“ Ami barak kaer projeitu, no ema barak iha dividas 4 milhões to 6 milhões, no investimento neebe ami halo, maior parte liu ona 2 milhões ital husi  kapital rasik mak halo, neebe osan nee todan no osan la mai ida nee ita halo sirkulasaun nee susar, tambá ita nia ekonomia la lao, kuando ekonomia lao, mak osan namkari tun ba iha mercado”, Sublinha Emprezario senior.

Lee hotu :   SEDK la prevé osan ba kooperativa 193

Oscar Lima realsa nia parte iha dividas 5 milhões ital, no nia  espera Governu sei selu, deserteza ke nia ladun preokupa ba ninia an rasik, maibe hanesan Prezidente CCI-TL preokupa liu ba ninia Emprezario sira, tambá sira balun presiza osan.

 “ Ami hapara trabalhador balun, tambá iha momento neeba ami la hatene politika nee atu lori ita ba iha neebe, no to to’o agora  servisu sei lao nafatin, maibe ami fiar katak, Governu sei la demora atu selu dividas sira, tambá sei demora mak komplikado liu tan, no ita tenke investe ba bei-beik, tambá ida nee investimento, neebe uza ema nia osan cash hosi ba selu ba projeitu”, optimista Oscar Lima.

Empresario senior nee investimento laos investimento neebe la serve, maibe iha investimento neebe bele ajuda mos Governu, tambá iha trabalhador sira ba servisu hodi hamenus dezempregu , maibe agora dau-dauk, ita haree númeru dezempregu sae makas.

“ Hau la fiar katak, Governu la selu dividas sira, tambá OJE ba tinan 2018, hetan ona promulgasaun husi Prezidente, no agora iha kompetensia ba ezekutivu atu hala’o nia kna’ar atu selu dividas sira, no serteza katak ezekutivu mos laos kaer hela osan hodi tau iha Banko, tambá se lae ninia analis ladun diak, tambá Governu la konsege ezekuta OJE rasik”, hatete Oscar Lima.

Empreza 300 taka

Prezidente Cámara Comersio Industria Timor-Leste (CCI-TL), Oscar Lima, hatete tuir dadus neebe CCI-TL iha katak, emprezario hamutuk 300 mak taka ona sira nia empreza,tambá laiha orçamento, no husi númeru nee 30% empreza Timor oan, no maioria husi Emprezario Internasional.

Lee hotu :   CCI-TL rekomenda SEJT, Tenki forma juventude ho kualifikasaun diak

“ Ita koalia lolos deit, motivu husi nee, tambá impasse politika”, dehan Prezidente CCI-TL, Oscar Lima.

Prezidente CCI-TL, haktuir Ekónomia Timor oras nee tun tebes, tambá ema barak la konsege halo sira nia negosiu, no restaurante no loja sira oras nee ema ladun rame, tambá ema ladun ba sosa sasan no hahan iha Restaurante, entaun sira hotu iha ligasaun ho impasse politiku.

“ ita hein Governu sei rezolve problema sira nee hotu, liu-liu husu ba Líder sira tur hamutuk atu rezolve tiha problema politika, hodi fo benefisio ba povu, tambá iha investimento bo’ot neebe ema barak hakarak investe, maibe kuando hanesan nee Emprezario Internasional sira sei la mai investe iha ita nia ra”, termina Prezidente CCI-TL. Fel

Add to Comments Here!!!!

error: Content is protected.
Secured By miniOrange
You might also like:
Komite 12 Novembru ezije reforma instituisaun PNTL ■ PM Taur husu MDS toma atensaun

Komite 12 Novembru kondena maka’as hahalok...

Veteranus apoiu MUTL, Povu sei moris inkondisional, la merese sosa tan Prado

Prezidente Assosiasaun Libertasaun Nasional (ALN), Bernardino...

Família konsidera trajedia Kuluhun planeadu ■PR Lú Olo kondena

Família matebian konsidera aktu  membru Polísia...

Close