JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Fundu mina-rai TL tun ba billiaun USD 15,80

Fundu mina-rai TL tun ba billiaun USD 15,80

Banco Central de Timor-Leste (BCTL), Segunda (04/02/2019) ne’e lansa relatóriu Trimestral Fundu Mina-rai Timor-Leste nian ba trimestral ne’ebé termina iha loron 31 fulan Dezembru tinan 2018, Fundu Mina-rai husi billiaun USD17,6 tun ba billiaun USD15,80.

“Relatório ne’e mos hatudu katak total orsamentu reseitas mak simu iha trimestre ne’e hamutuk milliaun USD 178,75 ne’ebé kompostu husi kontribuisaun kontribuiente sira ba fundu hamutuk milliaun USD 94,96 no pagamentu royalty simu husi Autoriade Nasional Petrolio (ANP) milliaun USD 83,79”, haktuir Vise Governador BCTL, Venancio Alves Maria liu husi komferensia imprensa iha sala enkontru BCTL, Akait, Dili.

Vise Governador BCTL ne’e haktuir tan, rendimentu husi investimento fundu nian ne’e hamutuk milliaun USD 69,85 kompostu husi kupaun no jurus ne’ebé simu maka milliaun USD 87,32 mudansa iha valor merkadu nian milliaun US$ 375, 69 no movimento cambiais maka milliaun USD 42,96 iha trimestre ne’e.

“Ne’e rezultadu rendimento ba karteira fundu nian durante trimestre ne’e -4,08 % enkuantu rendimentu sasukat nian ba período ba maka 4,24 %. Lei fundu minarai nian espesifika katak jestor operacional (red-BCTL) maka hanesan ajente responsável ba jestaun operacional fundu minarai nian. Ministeriu Finansas maka responsabiliza atu estabelese estratégia investimento tomak kona ba fundu ne’e nian”, esplika Venancio A. Maria.

Nia hatutan, BCTL jere ona portofoliu besik liu ho pontu referensia iha trimestre dala 54 dahuluk. Diferencia entre portofoliu no pontu referensia hahu husi inisiu fundus nian maka pontu baze 6 ou 0,06 %.

Pontu importante husi relatório trismestre ba dala LIV, ne’ebé kobre período 01 fulan Outubro 2018 to’o loron 31 Dezembro 2018 inklui:

Lee hotu :   India sei ajuda dezenvolve ekonomia TL

Kapital fundus nian maka billiaun USD 15,80, Osan kontadu bruto fundus nian tama husi kontribuisaun kontribuinte, realeza hamutuk milliaun USD 178, 75. Osan kontadu liquido ne’ebé sai husi fundu durante trimestre ne’e hamutuk milliaun USD 774,70 kompostu husi milliaun USD 772,5 Transfere ba orsamentu Estado no milliaun USD 2,20 kobre kustu jestaun nian, reseitas líquidos durante trimestre ne’e hamutuk milliaun USD 593,75. Rendimentu portofoliu iha período ne’e maka -4,08 % kompara ho rendimentu referensia mak 4,24 %.

Iha fatin hanesan, Ofisial Investimentu BCTL, Agustinho Maia, reforsa, fatór balu ne’ebé implica orsamentu tun, tanba mai husi rezultadu iha fator balu, atu hateten deit merkadu ekonomia ka bele bolu tranzisaun, katak tranzisaun ho ambiente ho taxa de juru ki’ik ba ambiente ho taxa de juru boot.

“Ita hotu akompaña katak, depois de krizi finanseiro global Bancu Central boot sira uja sira nia politika atu estimula ka hamoris fali aktividade ekonomia ida ne’e tinan 10 liu ba liu husi balu hatun taxa de juru balu ba tiha 0 balu mos uja programa seluk hanesan sosa asoens iha merkadu, entaun tinan ikus-ikus ne’e kuandu ekonomia diak fali entaun sira normaliza fali sira nia politika humanitário liu husi balu hasa’e taxa de juru no balu hapara sira nia programa sosa asoens sira husi merkadu tanba ne’e maka hamenus liquido iha merkadu hodi resulta folin asoens sira ne’ebé investe ba, exemplu hanesan ita hare deit ba banku Estado Unidos Amerika iha tinan 2018 sira hasa’e taxa de juru dala hat sira aumenta tinan tomak kuaze 1 % entaun ida ne’e as teb-tebes ne’ebé merkadu presija adapta”, hateten Ofesial Investimento BCTL, Agustinho Maia.

Lee hotu :   Governu promete selu dívida Hospital Sanglah

Nia hatutan, fator ida seluk maka incerteza geopolítica global li-liu iha area negosio nian, hanesan disputa entre Cina ho EUA. Nasaun rua ne’e nudar nasaun ne’ebé ho ekonomia boot ne’ebé influensia tebes iha global, sira rua iha disputa ne’ebé to’o agora seidauk resolvido entaun afeta tebes aktividade ekonomia global. Iha parte seluk mos iha Europeia iha Brexit agora iha hela prosesu negosiasaun atu sai husi União Europeia, negosiasaun ne’e hamosu incerteza barak tebes, tanba ne’e maka kontribui ba iha global aktividade trimestre ne’e.

Ho fator sira ne’e hotu iha organizasaun barak li-liu fundus humanitário sira hatun ona sira nia prosesaun ba kresementu ekonomia global ba tinan hirak oin mai katak eventu sira ne’e sei afeta maka’as tebes ba kresimentu ekonomiku global, tanba ne’e tinan rua oin mai sei resulta kresimentu global ki’ik.

“Espera katak banku central sira sei responde ba merkadu hodi kuida politika humanitária, incerteza politika sira ne’e mos ita espera katak tempu oin mai bele hetan solusaun atu nune’e merkadu bele estabil fila fali”, dehan nia.

Lansamentu relatório trimestral ne’e partisipa mos husi reprezentante Ministeriu Finansas (MF), Autoridade Nasional Petrolio (ANP), no seluk tan. Mia

Add to Comments Here!!!!

error: Content is protected.
Secured By miniOrange
You might also like:
Jornal Semanário GMNTV Edisaun 03 Fevereiro 2019

CPLP na GMN 4 Fevereiro 2019

CPLP na GMN 31 Janeiro 2019

Close