JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu tenki hadia lei investimentu-atendimentu públiku

Governu tenki hadia lei investimentu-atendimentu públiku

Atu hadi’a ekonomia iha rai laran, governu tenki hadi’a lei investimentu no atendimentu públiku, hanesan trata dokumentu ne’ebé relevante ho investimentu ho la-lais no hadi’a infra-estrutura bázika iha rai laran.

“Governu atu rekolla impostu ne’ebé di’ak, tenki hadi’a sistema atendimentu públiku, atu nun’e ema trata dokumentu tenki ho la-lais, liu- liu ba sira ne’ebé husu lisensa atu halo investimentu ida, tenki atende ho di-diak, atu nune’e sira bele  lori sira nia osan barak, mai halo investimentu iha Timor-Leste hodi fó servisu  ba Timor-Oan sira”, ekonomista Timor-Oan, João Saldanha ba GMN iha kampus João Saldanha University (JSU) foin la-lais ne’e, iha Bekora-Díli.

Nia esplika, dau-daun ne’e setor privadu Timor-Leste nia konstribuisaun sei ki’ik no depende ba investimentu no despeza Estadu, tanba ne’e governu tenki halo polítika investimentu ho di’ak no kria ambiente negósiu ho di’ak, atu nune’e investidor estranjeiru sir abele mai investe iha Timor-Leste.

“Oras ne’e dau-dauk setor privadu iha Timor-Leste presiza halo investimentu barak no halo investimentu iha setor hotu hotu atu labele depende ba despeza Estadu, maibé governu mós bele rekolla impostu husi setor bisnis sira husi empreza privadu, liu-liu empreza estranjeiru sira, hodi hadi’a ekonomia iha rai laran la’o ho di’ak liu tan”, tenik Fundador JSU ne’e.

Nune’e governu tenki hamaluk setor privadu sira no tenki hadi’a lei investimentu no atendimentu púbiku, atu nune’e bele fasilita di’ak liu tan investidor sira, tantu husi rai laran no rai liur, maibé setor privadu mós labele viola lei investimentu ne’ebé iha.

“Ita nia investimentu agora ne’e la to’o total, mais ou menus inklui Estadu nia impostu seidauk to’o USD millaun 200 no agora dau-dauk ne’e setor privadu nia kontribuisaun ne’e sei ki’ik loos”, tenik João Saldanha.

Lee hotu :   ORSAMENTU DUODÉSIMU HELA DEIT US$ 20 MILLOENS "LA AFETA BA SALARIU FP"

Antes ne’e, premiadu Nobel da Paz, José Ramos Horta hateten, atu dezenvolve ekonomia iha rai laran la’o ho di’ak liu tan, tenki dezenvolve uluk infra-estrutura bázika, hanesan estrada, portu no aeroportu. ves

 

Add to Comments Here!!!!

error: Content is protected.
Secured By miniOrange
You might also like:
DIA 14/07/19|| GMNTV LIVE STREAM || JORNAL NASIONAL KALAN

Oho no sunu uma iha Leorema, Alexandrino:Milísia mak halo buat hanesan ne’e

Reprezentante Ministru Interior atual Secretáriu Estadu...

DIA 14/07/19|| GMNTV LIVE STREAM || JORNAL AS 12

Close