JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dionísio Babo: Xina hakarak TL sai país ida forte ekonómikamente

Dionísio Babo: Xina hakarak TL sai país ida forte ekonómikamente

Ministru Negósiu Estranjeiru no Kooperasaun Timor-Leste, Dionísio Babo Soares, informa, nasaun Xina hakarak nasaun Timor-Leste sai nasaun ida forte ekonómikamente no laiha intensaun seluk.

José de Oliveira husi Bangkok, Tailándia, hato’o reportajen katak, durante estadia iha Bangkok, Tailándia, Ministru Negósiu Estranjeiru no Kooperasaun Timor-Leste, Dionísio Babo Soares, hasoru malu ho entidade oin-oin hanesan Ministru Negósiu Estranjeiru India no mos Xina. Iha enkontru refere, Ministru Negósiu Estranjeiru Xina, Wang Yi, hatete, Xina hakarak reforsa ekonomia Timor-Leste sai forte.

“Ita hatene katak Xina ne’e nasaun ida primeiru liu rekoñese ita-nia independensia, tanba ne’e ita hatene katak, sira fó importansia maka’as teb-tebes ba ita. Ha’u mos iha enkontru ne’e hatete katak, rekoñese buat sira ne’e. Mas nia dehan katak, importante reforsa ita-nia ekonomia, reforsa ita-nia dezenvolvimentu, no sira preparadu para apoiu, sira hakarak envolve mos iha dezenvolvimentu Timor-Leste nian para sai país ida forte ekonómikamente, ida ne’e intensaun Xina nian. Sira laiha intensaun polítika, laiha intensaun seluk,  hakarak deit mak ita iha forsa ekonómika para depois bele halo kooperasaun ho sira”,dehan Dionísio Babo, foin lalais iha Tailándia, hafoin hasoru malu ho Ministru Negósiu Estranjeiru Xina, Wang Yi, ho nia delegasaun.

Nune’e mos Ministru Negósiu Estranjeiru no Kooperasaun, Dionísio Babo Soares, ho nia delegasaun hasoru malu ho nia omólogu Ministru Negósiu Estranjeiru India hodi koalia kona-ba kooperasaun bilaterál sira rai rua nian iha futuru.

Ministru Negósiu Estranjeiru no Kooperasaun Timor-Leste, Dionísio Babo hasoru malu ho nia omólogu Ministru Negósiu Estranjeiru Xina, Wang Yi, iha Bangkok, Tailándia, foin lalais hodi koalia kona-ba fortalesimentu koooperasaun bilateral iha aspetu ekonómiku no mos apoiu Xina nian durante ne’e mai Timor-Leste.

“Ministru Negósiu India nian mak husu enkontru hamutuk ho ita primeiru koalia kona ba asuntu bilaterais, segundu koalia kona ba sir-nia agradesimentu ba ita, tanba durante ne’e ita apoiu sira liu-liu iha forum multilateral sira ne’e, ita husu para sira fó apoia mos ita-nia hanoin atu tama ASEAN, no mos ita-nia han oin ne’ebé mak atu halo ligasaun forte liu tan ho país sira Common Wealth nian. Ita hatene katak, Konsellu Ministru endosa tiha ona hanoin atu ita se bele halo parte mos Common Wealth nian, hanesan mos Moçambique, Rwanda ne’ebé la’os membru eis kolonia Inglaterra nian, maibe sira mos membru no hetan benefísiu diak teb-tebes, no Ministru ne’e apoia teb-tebes inisiativa sira ne’e hotu, espera katak, relasaun país rua forte liu, no ami hanoin ona atu halo nusa mak bele ezensaun de taxa ba vistu ou vistu ba pasaporte diplomátika, pasaporte de servisu para depois bele hetan kámbiu de vizita husi ita-nia autoridade sira para depois bele reforsa tan ita-nia kooperasaun ekonómika, kooperasaun polítika, kooperasaun bilaterál iha futuru mai”,dehan Dionísio Babo, iha Tailándia.

Lee hotu :   Alkatiri:Ekonomia iha Díli la funsiona

Iha sorumutu ne’e akompaña husi embaixadór Timor-Leste nian ba Tailándia, Joaquim Amaral no mós delegasaun Timor-Leste nian durante iha Tailándia.***

Add to Comments Here!!!!

error: Content is protected.
Secured By miniOrange
You might also like:
Sosiedade sivíl husu PR Lú Olo veta alterasaun LFP

Sosiedade Sivíl ne’ebé hamahon-an iha Organização...

Lere hanaran GAM krime organizadu, F-FDTL ho PNTL prontu garante paz iha TL

Xefe Estadu Maior Jenéral Falintil-Forsa Defeza...

Dia 06/08/2019 || GMNTV LIVE STREAM || DADER KMANEK

Close