JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ramos Horta dezafia autoridade lokál kontribui turizmu marítima

Ramos Horta dezafia autoridade lokál kontribui turizmu marítima

Eis Prezidente Repúblika, José Ramos Horta, hateten autoridade lokál tenke mobiliza povu kontribui ba dezenvolvimentu turizmu marítima iha Timor-Leste (TL).

Kestaun ne’e premiadu nobel da paz, José Ramos Horta, hato’o asuntu ne’e hafoin halo lansamentu ba Asosiasaun Turizmu Marítima Timor-Leste (ATM-TL) iha Salaun Suai Andar IV Timor Plaza, Díli, Sesta (09/08/2019).

Ramos Horta husu ba líder lokál sira, xefe suku, xefe aldeia atu hatudu sentidu lideransa hodi mobiliza populasaun iha kada suku Timor laran tomak atu labele tesi ai sunú ai no soe lixu arbiru.

Tuir Horta katak, atetude komunidade sira nian soe lixu arbiru hodi halo foer tasi no halakon tasi nia furak mak sei estraga biodiversidade oho animal sira iha tasi laran.

“Pior liu mak ita nian komunidade, sira mak hela iha tasi ibun husi meti aut to’o tibar no tasi tolu, sira mak hela iha mota ibun husi foho tun mai tasi, soe lixu iha oioin iha mota laran iha tempu udan tun. Lixu tonelada ba tonelada mai tama tasi estraga biodiversidade, oho animal sira iha tasi laran, e ita nia povu rasik e xefe suku sira, xefe aldeia la hatudu sentidu líderansa la mobiliza populasaun iha kada suku no aldeia iha timor tomak para labele tesi ai, sunu ai no soe lixu arbiru”, hateten eis prezidente da republika, José Ramos Horta.

Avelino Pereira Fernandes núdar membru Asosiasaun Turizmu Marítima Timor-Leste hateten, asosiasaun ne’e sei halo esforsu hotu-hotu servisu hamutuk ho entidade relevansia liliu governu atu haree no garante sustentabilidade dezenvolvimentu turizmu marítima iha Timor-Leste.

“Timor-Leste iha potensia lubuk ida koanaba tasi ninian, entaun ho estabelesementu asosiasaun bele lori timor ba iha mundu, e Timor-Leste nakonu ho biodiversidade, rikeja iha tasi laran,  e haree katak turizmu marítima sai ona produtu ida ne’ebé fó ba ema vizitante sira, sai uniku tebtebes tanba Timor-Leste tama kategoria iha biodiversidade diak liu númeru um (1),” hateten Membru ATM-TL, Avelino Pereira Fernande.

Lee hotu :   MF sei instala sistema jestaun finanseira iha RAEOA

Asosiasaun Turizmu Marítima Timor-Leste (ATM-TL) haríi iha fulan Jullho no lansa iha loron 09 fulan Agosto tinan ne’e ho noa vizaun mak hare no garante sustentabilidade dezenvolvimentu turizmu marítima iha Timor-Leste hodi kontribui ba dezenvolvimentu nasaun nian liu  husi dada turista rai liur mai Timor. Ito

Add to Comments Here!!!!

error: Content is protected.
Secured By miniOrange
You might also like:
MKOTT ezije Estadu TL-Austrália hapara prosesu judisiál hasoru advogadu Bernard Collaery ho “Witness K”

Movimentu Kontra Okupasaun Tasi Timor (MKOTT)...

Servisu Alfândega prende sasan ilegál husi Xina

Servisu  Alfândega iha Sesta (9/8/19), prende ...

EDTL kontinua halo inspesaun ba komunidade dada ahi ilegál

Ministériu Obras Públika (MOP), liu husi...

Close