JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Vise Prezidente DPR-RI vizita PN Timor-Leste ■ PPN Arão: Relasaun RI-TL bele reforsa ekonomia

Vise Prezidente DPR-RI vizita PN Timor-Leste  ■ PPN Arão: Relasaun RI-TL bele reforsa ekonomia

Prezidenti Parlamentu Nasional (PPN), Arão Noe, konsidera, dezenvolvimentu ekonomia iha rai laran seidauk dezenvolvidu ho di’ak, tanba ne’e Timor-Leste ho Repúblika Indonézia (RI) kontinua hametin relasaun  iha área oi-oin.

“Ita nia ekonomia seidauk dezelvolve ho di’ak no ho prezensa sira ni’an, ho relasaun ne’ebé di’ak bele hadi’a ita nia ekonomia, nune’e mós ita bele hadi’a setór sira seluk ne’ebé bele kompete ba iha merkadu, ita presiza hadi’a iha setor barak”, PPN Arão Noe ba jornalista sira iha Parlamentu Nasional (PN), hafoin hala’o enkontru ho  Wakil Ketua (Vise Prezidente) Dewan Perwakilan Rakyat (DPR) Repúblika Indonézia, Fadli Zon ho nia delegasaun Sesta (13-09-2019).

Xefi Órgaun Lejislativa ne’e esplika, hanesan nasaun foun Timor-Leste presiza hadi’a setór hotu-hotu, liu-liu setór edukasaun, saúde, agrikultura no infraestrutura bázika.

“Hanesan nasaun foun ita presiza hadia setor hotu-hotu, liu–liu setor edukasaun, saúde, agrikultura no infraestrutura bázika, tanba fator hirak ne’e determinante tebes no bele dezenvolve nasaun, nune’e abanbainhira   bele kompete iha ssociation of Southeast Asian Nations (ASEAN). Alende ne’e, iha enkontru ne’e PPN hamutuk ho DPR Indonézia koloka iha relasaun di’ak entre nasaun rua, maski ho problema naruk iha tinan 24, Timor-Leste ho Indonézia bele ultrapasa, ho relasaun refere hatudu sinal pozitivu ho experensia ne’ebé nasaun rua ne’e iha, halo nasaun seluk hakarak aprende ho ita, kona-bá situasaun ne’ebé ita pasa no ho problema ne’ebé naruk”, afirma Arão Noe.

Husi sorin seluk, Vise Prezidente DPR Indonézia, Fadli Zon, hateten, Parlamentu RI hala’o vizita kortejia ba PN Timor-Leste ho objetivu atu hametin relasaun nasaun nini’an.

“Tinan 20, loron konsulta popular ou 30 de Agosto, ita haree katak durante ne’e servisu hamutuk iha área ekonomia, komérsiu no polítika, iha forum internasional parlamentu RI servisu hamutuk ho PN Timor-Leste hodi apoiu malu, RI mós apoiu ita atu sai membru ASEAN no sai membru ASEAN Inter-Parliamentary Assembly (AIPA), tanba ita tenki hametin relasaun, maski iha relasaun istória kultura no iha geográfia ita viziñu, saída mak akontese iha istória pasadu hanesan matéria ba RI ho Timor-Leste, atu hametin relasaun hodi servisu hamutuk ba oin, ita haree Timor-Leste hanesan nasaun ne’ebé estratéjia ba RI, liu-liu haree ba área ekonomia, komérsiu no selu-seluk tan”, hakotu Fadli. ety

Lee hotu :   Lideransa CNRT lahatene bainhira mak Xanana fila mai TL

Add to Comments Here!!!!

error: Content is protected.
Secured By miniOrange
You might also like:
Dia 13/09/2019 || GMNTV LIVE STREAM || JORNAL AS 12

Falur husu membru F-FDTL tenki hatudu disiplina

Reprezentante Xefe Estadu Maior Jeneral Forsa...

Haruka traballadór ba servisu iha rai-liur, La’os solusaun redus dezempregu

Sekretáriu Jeral Juventude FRETILIN, Abrão Nocosico,...

Close