JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Akadémiku: Uza orsamentu duodésimu, ekonomia sei paradu liu tan

Akadémiku: Uza orsamentu duodésimu, ekonomia sei paradu liu tan

Tuir observasaun husi parte akadémiku nota katak, ekonomia rai-laran sei paradu liu tan bainhira Governu uza orsamentu duodésimu hodi funsiona mákina Estadu, tanba Timor-Leste depende liu ba Orsamentu Jeral Estadu (OJE).

 “Agora orsamentu doudésimu ne’e mai hosi ne’ebé? mai hosi ezekusaun OJE tinan 2019 ne’ebé sira konsege ezekuta ona 84 % no hela 16 % mak aloka fali ba orsamentu doudésimu hodi apoiu fali ba salariu vensimentu no atividade operasionais sira. Bainhira governu uza orsamentu doudésimu mak ekonomia rai laran sei la la’o, tanba orsamentu ne’ebé uza hodi dudu ekonomia depende liu ba OJE no OJE tinan 2020 mos seidauk hetan aprovasaun”, deklara reitor UNPAZ, Adolmando Amaral, ba Jornalista sira, Kuarta (8/01/2019) iha Manleu Díli.

Nia dehan, antes promulga OJE sei lori ba Komisaun C Parlamentu Nasionál atu halo diskusaun depois ne’e mak foin halo plenaria atu hetan apresiasaun hafoin lori ba Prezidente Repúblika atu promulga.

 “Prezidente Repúblika labele promulga deit, maibé nia sei estuda karik iha problema ruma iha orsamentu laran mak nia sei haruka fali ba Tribunál Rekursus atu halo tan apresiasaun, ida ne’e presiza tempu to’o fulan 4, entaun dezenvolvimentu iha fulan 4 nia laran sei la la’o tanba ita konsentra deit iha salariu vensimentu no salariu operasionais sira”, afirma reitor UNPAZ.

Nia dehan, VIII governu sei labele ezekuta hotu OJE 2020 ho montante Biliaun 1.668 iha tempu badak, tanba fulan 4 sei halo diskusaun no fulan 8 atu halo ezekusaun ba orsamentu sei la ezekuta ho diak.

 “Tinan 2019 iha OJE Biliaun 1.4 sira ezekuta deit porsentu 64, sa tan OJE 2020 ne’ebé bo’ot no nia tempu ba ezekusaun ne’e badak tanba sira sei hahú halo ezekusaun ba OJE 2020 ne’e iha fulan Maiu, ida ne’e labele ona tanba tuir lei finansiamentu husi fulan Maiu to’o Dezembru governu tenke aprezenta ona no iha fulan Outubru governu tenke halo aprezentasaun OJE ba tinan 2021 nian”,hateten Adolmando Amaral.

Lee hotu :   ERNST & YOUNG aprezenta vizaun merkadu iha Timor-Leste

Nia subliña, enkuantu governu la’o nafatin ho kalendáriu ne’ebé iha, mak situasaun ne’e afeita tebes ba família uma kain ida-idak, tanba laiha sirkulasaun orsamentu iha rai laran.

Iha okaziaun ne’e Reitor UNPAZ hateten mos katak, krize polítika no ekonomia dura to’o agora, tanba líder sira nia arogansia no sira mai ho ida-idak nia interese hodi vinga malu to’o afeita ba aprovasaun OJE) lao tarde no la konsege fo pose ba lista kandidatu membru governu nain 9.

 “Ita retira OJE tanba deit lider sira nia arogansia no husi sira nia arogansia hotu hodi halo povu sai vítima”,tenik reitor UNPAZ.

Ho krize polítiku ne’ebe la’o kleur ne’e nia dehan, ba ema polítiku sira diak hela, tanba sira simu osan boot moris diak, maibé povu bai-bain susar atu hetan osan hodi tustenta família.

Tanba ne’e husu ba Prezidente Repúblika ho Primeiru Ministru atu solusiona lalais impase polítiku atu labele afeta ba povu nia moris lor-loron.

 “Se problema membru nain 9 mak sira la konsege rezolve ha’u fiar husi 2020 to’o sira nia mandatu hotu mos sira labele rezolve problema Nasaun  nian, entaun solusaun atu hakotu impase mak halakon sira nia arogansia hodi tau interese ba povu no dezenvolvimentu Nasaun nian hodi buka malu tur hamutuk atu hatene lolos sira ida-idak nia hakarak”,hatuir reitor UNPAZ. Fel

Add to Comments Here!!!!

error: Content is protected.
Secured By miniOrange
You might also like:
FONGTIL : CNRT ameasa vota kontra OJE 2020 la’os solusaun

Diretór Ezekutivu Forum ONG Timor-Leste (FONGTIL),...

Chefe Casa Civíl: PR Lú Olo la partisipa serimonia pose ba PR Moçambique

Chefe Casa Civíl Prezidênsia Repúblika ,Francisco...

PN : Estudante sira simu rezultadu ezame iha surat tahan

Membru komisaun G iha Parlamentu Nasionál...

Close