Iha ona lei artemarsias, PNTL sei buka tuir artemasiais nebe treinu subar

Lei artemarsias, promulga ona  husi Prezidenti Repúblika Taur Matan Ruak, tanba ne’e mak Grupu Arte Marsiais (GAM),  atu  treinu  iha rai kuak no fatin ne’ebé de’it Polisia Nasional Timor Leste (PNTL), sei buka tuir.

“Lei ne’e ninia implmentasaun mak  PNTL  sei garante para bele fo satisfasaun ba publiku  mak durante  ne’e kistiona ijistensia artemarisiais  ne’ebé mak taka ona, maibe sei ijisti subar-subar iha rai kuak mós ami sei tuir, nia iha aileten mós ami tuir, nia semo mós ami sei tuir,” Adjuntu Komandante PNTL, Dili, Superintendente Assistente, Euclides Belo, hato’o lia hirak ne’e ba jornalista, Sesta (21/04/2017), iha Kuartel Polisia Caicoli Dili, relasiona ho, GAM  Persaudaraan setia Hati (PSHT), Kera Sakti , Kmanek Oan Rai Klaran (KORK), ne’ebé mak antes ne’e Governu deklara taka ona, maibe nafatin ejisti.

Atu implementa operasaun ba GAM,  nia dehan,   PNTL Munisipiu Dili hein hela lei refere, wainhira  publika iha jornal Repúblika. Alende ne’e sei hein orientasaun husi Komando Jeral Polisia.

 “Ita hein  publikasaun iha Jornal de República, kuandu los ita sei aplika Ne’e duni sira ne’ebé mak hala’o treinamentu subar, husu aprejenta a’an komando sei foti medidas no sei la tolera hodi kaptura suspeitu,” hateten Euclides Belo.

Wainhira  husu  kona-ba artigu sira artemarsiais ne’e, Euclides Belo responde, hodi dehan, tuir draf lei  ne’ebé  mak nia hare’e katak, kuandu se de’it mak lori sasan kroat  no lori atributu artimarsiais  ne’ebé mak Governu disidi taka ona mak, Polisia halo pasarebista hetan ninia penalidade  ne’e iha, tanba Polisia ninia kna’nar atu garante lei.

“Draf  ne’ebé mak ami hare’e ninia artigu ami la lembra hamutuk artigu hira, maibe ami fiar katak, lei ne’ebé mak  promulga tiha ona sei publika liu husi jornal republika, publiku hotu sei akompanha,” hateten Euclides Belo.avi