JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Setor justisa lakon juiz antigu ida

Setor justisa lakon juiz antigu ida

Setor justisa Timor-Leste lakon nia autor justisa ida Costancio Basmeri ne’ebe hanesan juiz primeiru grupu iha Timor-Leste, tanba sofre moras diabetes no matebian hakotu is iha Hospital Nacional Guido Valadares (HNGV).

Matebian Costancio Basmeri hakotu nia vida iha Domingo (17/2/18) kalan, hafoin evakua husi Suai mai Dili iha loron Kuarta (14/2/18). Matebian direta transfere kedas ba sala intensive care unit (ICU), tanba parte hospital detekta katak, matebian moras diabetes.

Ana Ivonia Guilhermina hanesan fen husi matebian senti triste tebes, tanba nia kaben diak hela, maibe derepenti moras ne’e ataka. Bainhira evakua husi Suai mai Dili kondisaun diak hela to’o iha HNGV mak nia kondisaun komesa tun, tanba dotor sira deteka nia moras diabetes.

Nia mos triste ho Governu ne’ebe mak ladun iha atensaun ba nia laen ne’ebe asumi kargu hanesan juiz ne’ebe fo nia an tomak hodi kontribui ba setor justisa desde Timor-Leste hahu ukun an to’o agora.

“Hau ho hau nia laen ne’e ho kareta baku fila tan tanba deit julgamentu ida iha Suai, maibe nein Governu ida mai tau matan, hau nia laen ne’e maske moras mos nia esforsu an ba nafatin halo julgamentu ate nia moras lao ladiak,’’ koalia Ana ho lian makas ba jornalista sira iha nia rezidensia Taibessi, Segunda (19/2/2018).

Familia husu nafatin ba Governu atu tau matan nafatin ba matebian Basmeri nian oan nain neen ne’ebe nia husik hela, tanba matebian nia kaben rasik la iha servisu ne’ebe atu sustenta nia oan sira.

Iha fatin seluk  prezidente Asosiasaun Majistratura Timor-Leste (AMTL), Antoninho Gonçalves senti triste mos tanba tribunal iha Timor-Leste lakon ona nia ema ida ne’ebe desde prinsipiu kontribui ba justisa iha Timor komesa iha tinan 2000 to’o nia is kotu.

Lee hotu :   UEP detein suspeitu ida lori sasan kro’at

“Sentimentu triste mak ami infrenta hela ba ami nia kolega ne’ebe husik ona ita, maske ita lakohi maibe ne’e ita ses la diak maske ita sei presija tebes nia atu fahe hikas esperensia ba juiz foun sira, matebian ema ne’ebe humoris tebes no nia kuandu la gosta koalia kedas la subar iha kotuk no matebian ema ne’ebe servisu makas,’’ koalia Antoninho.

Nia haktuir, bainhira rona informasaun matebian nian, juiz sira halo ekontru kedas ho prezidente Tribunal de Recurso hodi fo hanoin ba malu apoiu saida mak sira sei fo ba familia ka kontribuisaun ne’ebe sira bele halo ba familia matebian ne’ebe oras ne’e hasoru hela situasaun defisil.

Kona ba ejijensia matebian nia fen kaben ne’ebe ejije Goveru tau matan, tuir prezidente AMTL katak, ne’e iha estatutu lei funasaun publika preve no juiz sira mos kuandu mate, Governu tenki tau matan no asegura sira nia familia.

“Governu tenki tau matan duni ba nia oan sira to’o idade sira buka moris rasik ona, kuandu nia oan sira sei kik nia fen la servisu se mak atu tau matan,” tenik Antoninho.

Matebian hanesan primeiru gurpu juiz nian hahu iha tinan 2000 no iha tinan 2002 hafoin restaurasaun indenpendensia Governu nomeia sira ba juiz estagiadu.

Iha tinan 2004 Governu Timor-Leste loke Centru Formasaun Judisiariu ne’ebe juiz primeiru grupu sira tuir, iha tinan 2006 fulan Juñu sira hahu estagiu iha Tribunal Distrital Dili no iha tinan 2007 Governu Timor-Leste nomeia sira ba juiz efektivu ka permanente.

Iha momentu ne’e matebian hala’o nia kna’ar iha Tribunal Distrital Dili, maibe iha tinan 2011 kuandu Tribunal de Recurso halo rotasaun, matebian husu ba Suai hodi servi povu Suai sira ne’ebe buka justisa to’o hakotu nia vida.

Lee hotu :   PNTL ho F-FDTL fó seguransa máximu ba Xanana

Tuir planu prosesu funebre sei hala’o iha loron Kuarta (21/2/18) semana ne’e iha Dili, tanba sei hein matebian nia oan sira ne’ebe sei iha estrangeru. Nia

Add to Comments Here!!!!

error: Content is protected.
Secured By miniOrange
You might also like:
Gráfika Nasional mak imprime bulletin votus EA

Governu aprova ona rezolusaun ida  iha...

Poster eletrisidade 18 monu iha Lolotoe

Poster airin liña bo’ot  eletrisidade 18,...

IGJ husu SERVE emite lisensa negosiu jogus Fitun Timor Toto

Primeiru Ministru (PM), Mari Alkatiri, foti...

Close