JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Asegura FM, Lere hato’o opsaun rua ba Estadu

Asegura FM, Lere hato’o opsaun rua ba Estadu

Atu asegura liña Fronteira Marítima (FM) ne’ebé Timor-Leste manan tiha ona husi Australia, Xefi Estadu Maior FALINTIL-Forsa Defeza Timor-Leste (F-FDTL), Major Jeneral Lere Anan Timur hato’o ninia opsaun rua (2) ba Prezidente Repúblika (PR), Francisco Guterres ‘Lú Olo’.

“Ha’u nuudar Xefi Estadu Maior Jeneral F-FDTL fó opsaun rua (2), primeira opsaun maka ita hein Australia nia ró to’o ou ita sosa ró. Ró Australia nian 2023 maka foin to’o, to’o mai tuir ita-nia hakarak ka la tuir ita-nia hakarak, ne’e ita la hatene ou ita sosa, só tinan rua ou tolu maka prontu, entaun 2018 ita sosa, iha 2018 nia laran mós Governu ne’ebé mai sei diskuti orsamentu, mas tenki iha mosaun de Estadu, entaun a partir Maio ba leten ita bele sosa ró, kria kondisaun iha portu ne’ebá, sosa ró, ita nia ema iha ona, sé sosa iha 2018, tinan 2021 maka to’o, entaun espasu ida que naruk, entaun ita nia FM abandonadu,” Major Jeneral Lere Anan Timur ba jornalista sira hafoin remata enkontru semanal ho PR, iha Palasiu Prezidensial, Bairo Píte, Díli, Kuarta (21-03-2018), hodi informa situasaun no preokupasaun ne’ebé F-FDTL infrenta.

Nia hateten, opsaun segundu maka ne’e sé Estadu hanoin diak, asina kontratu ho Portugal, hodi lori sira-nia ró no aviaun mai, kontratu durante tinan 5, 6 ou 10. Alende sira fó seguransa ba FM, sira hanorin mós F-FDTL nia ema sai pilotu ba aviaun no ró.

“Opsaun rua (2) ha’u hato’o ona ba PR, depois maka sira hili. Kestaun rai maran ninia laiha problema, ita nia mós kiik oan, tasi ne’e boot liu dala 5 ou 6 ita nia maran, ha’u hanoin ita preokupa maka FM, tanba krimi hotu-hotu tenki liu husi tasi,” dehan Xefi Estadu Maior F-FDTL ne’e.

Lee hotu :   GRUPU DESKOÑESIDU ASALTA MALU IHA HNGV, NAIN RUA KANEK

Nia akresenta, nuudar nasaun soberanu no independente, Timor-Leste tenki konfia an, sé konfia ema seluk karik, ohin loron Timor-Leste la ukun an, maibé tanba autokonfiansa lider no povu nian maka ohin loron Timor-Leste ukun an.

“Primeiru ita nia Estadu no Governu tenki rezolve la-lais ona problema kona-bá FM, ita nia ró ida ne’ebé iha ne’e, ita lalika konta, ita hanoin atu sosa ró, hadi’a uluk lai ponte kais iha Hera ne’e, tanba ne’e Governu ida ne’ebé maka mai primeira prioridade tenki garante seguransa ba ita nia liña FM, porque kestaun soberania Australia labele ultrapasa ona, a não ser que ita iha ona kooperasaun kestaun seguransa maritima, mais enkuantu laiha akordu ida kona-bá kooperasaun, Australia labele ultrapasa,” relata Lere Anan Timur.

Xefi Estadu Maior F-FDTL ne’e haktuir, Governu tenki rezolve la-lais, tanba sé maka atu fó seguransa ba riku soin Greater Sunrise, porejemplu ahi ruma mosu, ema ruma fakar olio iha no no kria instabilidade ba makina sira iha Greater Sunrise ou iha tasi leten, sé maka atu asegura.

Entretantu antes ne’e, Ministru Estadu no Konseleiru Seguransa Nasional, Ramos Horta sujere ba Governu katak, diak liu  gasta osan ba de’it seitor edukasaun, agrikultura no infraestrutura, la presiza gasta osan asegura FM, tanba nasaun dezenvolvidu sira neebe ho area fronteira tasi luan liu Timor-Leste, to’o agora seidauk asegura 100% ninia FM. Ves

Add to Comments Here!!!!

error: Content is protected.
Secured By miniOrange
You might also like:
TR simu lista kandidatura partidu koligasaun no individu 10

Tribunal Rekursu (TR) simu ona lista...

Dokumentus FM entrega ona ba PM Alkatiri

Ministru Adjuntu Primeiru-Ministru nian ba Delimitasaun...

VII Governu sei akompaña projetu Portu Tibar ■Gasta US$ 270 miliaun

VII Governu sei akompaña hodi fo...

Close