JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Horta-PR fahe opiniaun fó indultu ba dadur

Horta-PR fahe opiniaun fó indultu ba dadur

Antes tama ba komemorasaun loron nasional 20 Maiu 2018, eis Prezidente Repúblika (PR), José Ramos Horta horiseik (7/3) hasoru malu ho Prezidente Repúblika (PR), Francisco Guterres ‘Lú Olo’ hodi koalia kona-bá prosesu indultu ba prizioneiru sira.

“Ha’u mai foti problema ne’e ho PR, tanba fulan Maiu besik mai dau-daun ona, uluk iha tempu eis Prezidente Taur Matan Ruak nian fó indultu ba ema nain lima (5) de’it, tanba ne’e ha’u nia argumentu aprezenta ba PR Lú Olo katak indultu ne’e la’os de’it PR nia direitu konstitusional, ha’u nia argumentu obrigasaun ida, konsituisaun tau iha ne’ebé para fó oportunidade no obrigasaun ida PR para sukat kazu individual, tanba Tribunal halo ninia desizaun ita hotu-hotu respeita, tanba ne’e maka ema dadur iha prizaun Becora, Gleno no Suai,” eis Prezidente Ramos Horta ba jornalista sira hafoin remata fó opiniaun ba PR kona-bá atu fó indultu ba prizioneiru sira, Palasiu Prezidensial, Bairo Píte, Díli, Kuarta (07-03-2018).

Nia esplika, PR sei estuda kazu sira ne’e ida-idak, atu nune’e bele hatuun prizioneiru sira-nia todan, hodi bele kompleta justisa diak liu tan, tanba justisa mós iha faktu ida umanitariu.

“Klaru ha’u kontenti PR konkorda loos ho ha’u, em termus de filosofia konseitu ne’e loos. PR atu estuda dau-dauk, maibé buat sira ne’e liu husi Ministériu Justisa (MJ) no ha’u koalia tiha ona ho Ministra, Maria Angela Carascalão no tuir regras ou kriteriu ne’ebé mai husi lei, prepara dau-daun lori ba Governu no Governu lori mai PR, mais PR mós iha direitu sé iha elementu ruma que laiha lista ne’ebé Governu aprezenta, PR bele halo ninia inisiativa rasik tau tan naran,” hateten Ramos Horta.

Lee hotu :   Polísia Xina detein tan feto Timor-oan na’in sia

Nia akresenta, atu fó indultu ba prizioneiru sira ne’e la’os haree bá durasaun tempu iha prizaun, maibé razaun umanitariu nmaka importante, sé prizioneiru ne’e komportamentu diak, moras ou nia hanesan úniku ema ne’ebé hetan osan para tulun família, bele fó indultu.

“Razaun umanitariu atu fó indultu ne’e razaun ida que todan no loyal. Kazu espesifiku depende ema ne’e idade liu ona, kleur ona prizaun no komportamentu diak, sé maka fó informasaun ba komportamentu ne’e sistema prizional ou diretor prizaun maka fó informasaun ba MJ no MJ ho ninia tékniku no asesor sira halo investigasaun, lee relatoriu mai husi Diretor Prizaun, haklean relatoriu ne’e no halo rekomendasaun,” hateten Eis Prezidente ne’e.

Ramos Horta haktuir, atu hetan indultu, primeiru komportamentu ne’e tenki 100% diak, segundu tinan hira ona ema dadur, treseiru razaun umanitariu sé ema ne’e moras, katuas ou joven ida que krimi ne’ebé nia komete ne’e tanba razaun ruma ou la’os ninia hakarak maka mosu asidente ruma ou ema ne’e nia úniku que uluk hetan osan para tulun família.

Entretantu tuir dadus ne’ebé iha rezista katak, iha tempu eis Prezidente Ramos ninian fó indultu ba ema iha tinan lima (5) hamutuk 100 resin no kada tinan dalaruma fó indultu ba dadur kuaje 20 no 30, iha tempu eis Prezidente, Taur Matan Ruak ninian fó indultu ba ema nain lima (5) de’it. ves

Add to Comments Here!!!!

error: Content is protected.
Secured By miniOrange
You might also like:
Selebra susesu FM, Veteranus-MKOTT halo asaun pasífiku

Loron 7, fulan marsu, tinan ne’e,...

Autor kazu kontentor halai husi TL, Sosiedade Sivil konsidera frakeza husi sistema judisiariu

Sosiedade Sivil  sira konsidera autor ka nain...

JORNAL NACIONAL GMNTV Loron-07 Fulan-Marsu Tinan-2018

Close