MP HUSU ANA PESSOA SAI SASIN BA KAZU GASTÃO DE SOUSA

Ministeriu Públiku liu husi prokuradora Lidia Soares no prokurador Jacinto Babo hatama ona pedidu ba tribunal hodi husu Ana Pessoa sai sasin ba kazu Gastão de Sousa no padre Martinho Gusmão, maske tribunal simu ona pedidu no konsege notifika ona ba sasin Ana Pessoa, maibe tribunal seidauk bele rona sasin nia deklarasaun tanba tribunal seidauk notifika defensor públiku sira.

Entertantu husi parte defeza Fernando Carvalho husu atu konsulta pedidu ministeriu públiku nian durante loron lima nia laran hafoin fo resposta bele ka lae rona tan sasin Ana Pessoa, tanba momentu ministeriu públiku halo akuzasaun la notifika Ana Pessoa sai sasin ba kazu ne’e no durante julgamentu lao arguidu no sasin sira nunka temi Ana Pessoa nia naran, maske nune’e tribunal sei notifika ba defensor públiku sira konaba sasin Ana Pessoa hafoin simu resposta husi defensor públiku mak tribunal sei fo fali despaisu foun. Ita