JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SEMANA NE’E, TR SEI DESIDE PEDIDU PR BA ORSAMENTU US$ MILLAUN 140

SEMANA NE’E, TR SEI DESIDE PEDIDU PR BA ORSAMENTU US$ MILLAUN 140

Prezidenti Tribunal Rekursu (TR), Deolindo dos Santos, hatete, ba levantamentu extraordinária orsamentu US$ millaun 140 ne’ebé Governu  propoin ba sustentabiliza mákina Estadu husi fundu petrolíferu, no hetan fiskalizasaun preventiva tuir pedidu Prezidenti Repúblika, Francisco Guterres ‘Lu-Olo’ iha semana ne’e nia laran, TR sei foti desizaun ba pedidu  refere.

“Los duni,  iha duni pedidu ida husi Prezidenti Repúblika nian ba Tribunal  Rekursu bele atu halo fiskalizasaun preventiva ba  diploma ne’ebé  aprova husi Parlamentu Nasional, agora prosesu  fiskalizasaun ne’e la’o hela”,hatete Deolindo ba Jornalista sira hafoin remata enkontru ho Prezidenti Repúblika Segunda (06-08-2018) iha Palasiu Prezidensial Nicolau Lobato Bairo Pite, Dili.

Nia salienta Prezidenti Repúblika rasik, fiksa prazu ne’ebé ké konstituisaun  mak hatete, para Tribunal bele foti desizaun lalais iha tempu badak nia laran, no ida ne’e mak Tribunal  haree hela, atu bele foti desizaun iha semana ida ne’e.

Iha loron 3, fulan Agusto, tinan ne’e, Parlamentu Nasional hatán ona pedidu husi TR hodi halo fiskalizasaun abstrata ba konstitusionalidade husi proposta lei levantamentu oxtraordinária orsamentu US$ millaun 140 husi fundu petrolíferu.

Konstituisaun RDTL

Tuir konstituisaun RDTL artigu 149 ne’ebé koalia kona-ba Fiskalizasaun preventivu dalan Lei-Inan nian, iha alinea (1). Prezidente-Repúblika bele husu ba Tribunál Supremu Justisa nian atu halo apresiasaun preventivu kona-ba konstitusionalidade ba naran diploma ida-ne’ebé nia simu atu halo promulgasaun; (2). Apresiasaun preventivu ba konstitusionalidade bele husu iha prazu loron ruanulu nia laran, sura hosi loron ne’ebé simu diploma, maibé Tribunál Supremu Justisa nian tenke fó-sai iha prazu loron ruanulu resin lima, ne’ebé Prezidente-Repúblika bele habadak tanba urjénsia; (3). Iha kazu ne’ebé la tuir Lei-Inan, Prezidente-Repúblika haruka kópia sentensa nian ba Governu eh ba Parlamentu Nasionál, hodi husu atu halo foun fali diploma tuir desizaun Tribunál Supremu Justisa nian; (4). Ho adaptasaun didi’ak tuir Artigu 88, Lei hatán hakat-sa’e vetu tan inkonstitusionalidade, vetu hasoru Parlamentu Nasionál nia diploma, ne’ebé instituisaun ne’e haruka atu hetan promulgasaun.Oly

Lee hotu :   Ema deskoñesidu tuda Bis diresaun Díli - Lospalos

Add to Comments Here!!!!

error: Content is protected.
Secured By miniOrange
You might also like:
FIDELIS MAGALHÃES: LAIHA RAZAUN SUBTITUI MEMBRU GOVERNU PENDENTE

Ministru Reforma Lejislativa no Asuntu Parlamentar...

PN APROVA ONA OSAN PRIVATIVU US$ MILLAUN10

Parlamentu Nasionál (PN) V lejislatura, liu...

UDT, FM ASINA AKORDU HO APM

Bankada União Demokratika Timorense (UDT) ho...

Close