JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu MOPTC, Tribunal hakarak altera krime, MP ho DP mantein alegasaun antes

Kazu MOPTC, Tribunal hakarak altera krime, MP ho DP mantein alegasaun antes

Iha loron 17 fulan Setembru liu ba, Tribunal Distrital Díli adia desizaun final ba arguidu Gastão Souza hamutuk arguidu nain tolu seluk, ho razaun tribunal atu halo alterasaun jurídiku husi krime pekulatu ba pekulatu ba uzu.

Razaun tribunal halo alterasaun jurídiku, tanba tribunal konsidera krime pekulatu ne’e uza deit, maibé peklatu ba uzu ne’e mak uza ho nia kompotensia ka poder. Nune’e tuir tribunal aktu ne’ebé komete husi arguidu Gastão ne’e priense iha krime pekulatu ba uzu, la’os pekulatu.

Hafoin tribunal fó sai alterasaun jurídiku ne’e, tuir lei tribunal fó tempu ba Ministériu Públiku ho defeza hodi halo pronunsia ba alterasaun ne’e hodi halo re-alegasaun ba prosesu refere, tanba efeitu husi krime pekulatu ba pekulatu ba uzu la hanesan.

Nune’e iha loron Kinta (27/9/18) Ministériu Públiku ho Defensor Públiku liu husi re-alegasaun mantein sira nia alegasaun antes ne’e ba arguidu Gastão de Sousa no Diogo da Costa.

Tanba Ministériu Públiku konsidera arguidu Diogo da Costa ho Gastão de Sousa komete krime pekulatu laos pekulatu ba uzu, ida ne’e Ministériu Públiku intende liu husi produsaun provas durante julgamentu katak, arguidu nain rua deside no husik entrega kareta ba ema seluk hodi uza ba nesesidade privadu, nune’e hahalok refere tuir Ministériu Públiku priense iha krime pekulatu, tan ne’e Ministériu Públiku mantein nafatin ho sira nia alegasaun antes ne’ebé husu ba tribunal atu kondena arguidu nain rua ho pena prizaun tinan tolu suspende ba tinan tolu fulan neen.

Tuir Ministériu Públiku kuandu tribunal analiza aktu refere tama iha krime pekulatu ba uzu, ne’e tribunal nia intende no Ministériu Públiku la iha pozisaun ba intendementu tribunal nian.

Iha parte seluk defeza husi arguidu Gastão de Sousa konsidera mós katak, razaun tribunal halo alterasaun krime pekulatu ba pekulatu ba uzu ne’e la iha razaun, tribunal koalia deit halo alterasaun, maibé la aprezenta nia razaun ou la aprezenta faktus ruma ne’ebé priense ba krime pekulatu ba uzu.

Defeza afirma katak, nia kliente la komete hotu krime pekulatu ho pekulatu de uzu, kuandu akuza krime refere tenki hare nia hahalok priense rekezitus ka lae no tuir defeza nia kliente la komete hotu krime rua ne’e.

Lee hotu :   F-FDTL presiza osan ba sira nia nesesidades

Defeza esplika katak, pekulatu kuandu ema ne’e funsionáriu públiku no Gastão de Sousa rasik laos funsionáriu. Segundu, tenki ho intensaun, agora iha kazu ne’e arguidu Gastão lori kareta ne’ebé apoiu husi ADB ba para iha uma ne’e, tanba hanesan orgaun soberania sira iha direitu ba kareta rezerva alende kareta Governu.

No pekulatu ba uzu ne’e ema ne’ebé autoriza ema uza sasan Estadu nian ba nia privadu, maibé liga ba Gastão nian ne’e kareta ne’ebé nia intrega ne’e la’os ba arguidu Martinho, maibé ba parókia Manatutu, tanba ne’e defeza konsidera krime rua ne’e la priense rekezitus atu akuza ba nia kliente.

Hatan ba prekupasaun Ministériu Públiku ho Defeza nian ne’e, tribunal mantein nafatin ho nia desizaun katak, alende pekulatu tribunal mós halo alterasaun hodi akuza tan krime pekulatu de uzu ba arguidu Gastão ho Diogo, razaun tribunal halo alterasaun ne’e la bazeia ba faktus foun, maibé liu husi apresisaun ne’ebé tribunal halo ba faktus akuzasaun mai husi Ministériu Públiku no produsaun provas durante julgamentu, nune’e tribunal integra katak, arguidu nain rua nia hahalok priense rekezitus ba krime rua.

Hafoin parte hotu fo argumentu, prosesu ba julgamentu ne’e adia fali ba loron 9 fulan Outubro tuku 05:00 loraik, hodi rona leitura akordaun.

Antes ne’e Ministériu Públiku akuza no rekere julgamentu iha prosesu komum bazeia ba artigu 236 no 48, númeru 2 alínea d, kódigu prosesu penál hasoru arguidu  Gastão Francisco de Sousa, nu’udar Ministru Obras Públikas, Transportes no Komunikasaun (MOPTC), Diogo da Costa nu’udar funsionáriu públiku no mós xefi Gabinete MOPTC, Jordão Maria de Jesus da Silva Sousa ne’ebé  koñesidu ho “Jordy Sousa”, oan husi Gastão de Sousa, Ferlio Afonso Bado Loi da Silva Sousa koñesidu ho “Ferlio” nu’udar  funsionáriu Públiku iha Ministériu Negosiu Estranjeiru no Kooperasau (MNEC) no Martinho Gusmão nu’udar saserdote katóliku iha paroquia Santo António Manatuto.

Lee hotu :   Julio Hornay: Laiha toleransia ba se mak halo krimi iha sentru votasaun

Iha loron 28 fulan Fevereiru 2010 asina akordu entre Governu RDTL ho Asian Development Bank (ADB) ba projetu finansiamentu  ho montante orsamentu hamutuk $46.000.000 ne’ebé atribui ba fundu ba reabilitasaun no konstrusaun Estrada.

Projetu refere remata iha tinan 2012 no tenki entrega fila fali osan hosi fundu ne’ebé la utiliza ho montante $82.776,77 dolares amerikanu inklui viatura 8.

Entre viatura hirak ne’ebé MOPTC simu konsta viatura ho matríkula  18-948 TLS ho marka toyota land cruiser  no viatura ho númeru matríkula 19-754 TLS ho marka toyota kijang innova ne’ebé entrega ba arguidu Diogo da Costa.

Realidade fo koñesimentu de’it ba viatura rua seluk ho matríkula 18-723 TLS ho marka toyota rav 4 no viatura 18-947 TLS ho marka  toyota land cruiser prado.

Hafoin simu viatura hirak ne’e, tuir instrusaun verbal husi arguidu Gastão de Sousa, la fo koñesimentu ba departamentu logistika no MOPTC kona-ba simu viatura hirak ne’e.

Konkordansia no kolaborasaun hirak ne’e ho intensaun hodi oinsa bele halakon rejistu viatura rua ne’e hanesan partimoniu Estadu nian.

Tuir planu ne’ebé sira halo ona maka iha loron 24 fulan Setembru 2012, arguido Gastão komunika ba ADB kona-ba nia desizaun atu atribui viatura rua ho matrikula 18-948 no 19-754 ba unidade jestaun projetu nian inklui manutensaun no abastesimentu kombustivel ne’ebé finansia hosi ADB.

Maibe realidade hatudu katak viatura ho matríkula 18-948 rai hela iha Gastão de Sousa nia rezidensia iha aldeia Becusi bawah, suku Becora.

Arguidu Gastão de Sousa mos permite arguidu nain rua Jordy no Viali hodi utiliza veikulu ba titulu pesoal durante sira nia paseiu iha sidade laran.

Iha data ne’ebé la konkretu, iha final fulan Abril ka meadu fulan Maio 2014, arguidu Martinho Gusmão solisita verbalmente ba arguidu Gastão Sousa hodi husu ajuda viatura ida ba preparasaun serimonia komemorativa tinan 200 paroquia Manatuto nian no iha loron 13 fulan Maiu 2014 arguidu Gastão Sousa entrega pesoalmente viatura ho matrikula 19-754 TLS ne’ebé uza hela ba titulu privadu hosi arguidu Diogo da Costa.

Lee hotu :   KONSIDERA DUODÉSIMU ILLEGAL, ALKATIRI DEZAFIA PN PROSESA BA TRIBUNAL

Arguidu Martinho Gusmão utiliza viatura refere durante tinan 1 fulan 3 no bainhira uza viatura refere Martinho Gusmão solisita dala 2 ba Gastão Sousa hodi halo manutensaun  ba viatura iha loron 14 fulan Juñu 2014 no loron 28 Agostu 2014 ne’ebé uza osan husi fundu ADB nian ho montante $532,34 dolar amerikanu.

Bazeia ba akuzasaun hirak ne’ebé iha maka konsidera katak bens no ekipamentu hirak ne’ebé sira uza pertense ba Estadu, mezmu nune’e, sira aproveita patrimoniu públiku ba benefisiu propriu maski hatene katak aktu sira ne’e prezudika Estadu.

Nune’e, arguidu Gastão de Sousa hetan akuzasaun primeiru, husi MP ho krime pekulatu kontra artigu 295 númeru 1 & 3 ba autoria material ho arguidu Diogo da Silva, segundu, krime pekulatu ida seluk maka kontra artigu 295 no. 1, 41 no 34 ba autoria material ho arguidu Jordy Sousa no Ferlio, terseiru maka krime administrasaun danoza kontra artigu 274 númeru 2 & 3 ba kumplisidade ho arguidu Martinho Gusmão.

Arguidu Diogo da Costa MP akuza ho primeiru, krime pekulatu, iha artigu 295  no. 1& 3 ba autoria material ho arguidu Gastão de Sousa, segundu nafatin ho krime pekulatu hosi artigu 295 no 41 no terseiru maka krime falsifikasaun dokumentu  kontra artigu 303 númeru 1 alinea A no 41.

Arguidu Jordy sousa no Ferlio komete iha co-autoria material ne’ebé MP akuza ho krime pekulatu kontra artigu 295, númeru 1, 41 no 34 ba autoria material ho arguidu Gastão de Sousa.

Arguidu MG komete ba kumplisidade material ne’ebé MP akuza ho krime administrasaun danoza kontra artigu 274, númeru 2 & 3 ba kumplisidade ho arguidu Gastão  Sousa

Audensia ne’e prejidi husi juiz koletivu, Albertina Neves, António do Carmo, Zumiaty Freitas, Ministériu Públiku reprezenta husi prokuradora Lidia Soares, arguidu sira hetan asistensia legal husi Defensor Públiku Fernando Carvalho, Estaqui Guterres ho Câncio Xavier. nia

Add to Comments Here!!!!

error: Content is protected.
Secured By miniOrange
You might also like:
TL sai uma nain ba asembleia jerál OISC husi CPLP

Timor-Leste sai uma nain ba asembleia...

PN kongraluta PR promulga OJE 2018 “FRETILIN akompaña prosesu ezekusaun”

Prezidenti Parlamentu Nasional (PN), Arão Noe,...

FRETILIN kontinua ezije forma KIP

Sorry, this entry is only available...

Close