JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Disputa rai Caicoli, Recardina ho Manuel senti vitima husi Governu

Disputa rai Caicoli, Recardina ho Manuel senti vitima husi Governu

Disputa rai iha Caicoli, aldeia 05 tahu laran, suku Caicoli durante fulan 5 nia laran, halo  Recardina Gonçalves Soares ho Manuel Gonçalves Mauhura senti sai vitima, tanba Sekretária Estadu Terras Propriedades (SETP) halo intervensaun ba prosesu kontruksaun ne’e konsidera katak, rai ne’e Estadu nian, maibé to’o agora la iha desizaun.

Nune’e impede aktividade Recardina nian ne’ebé hanesan emprezariu no Manuel ne’ebé la hetan ona arendementu husi Recardina, tanba rai ne’e sei kategoria disputa.

Recardina Gonçalves Soares hatete, hanesan sidadaun nia hakruk ba desizaun saida deit ne’ebé mak Governu sei hasai, kuandu deside rai Estadu maka nia prontu halo kontratu arendementu ho Governu, maibé kuandu Governu deside rai ne’e Manuel nian mak nia mós prontu halo kontratu arendementu ho Manuel Mauhura.

Tanba nia selu ona U$3.500 ba Manuel durante fulan tolu antes halo kontruksaun, maibé seidauk remata foin atinji 80% SETP hatun notifikasaun hodi hapara konstruksaun refere.

“Hau nia ejizensia mak kuandu SETP deside hapara konstruksaun signifika rai ne’e Estadu nian, entaun sira tenki halo fali desizaun ida para hau bele kontinua fali hau nia konstruksaun ne’e, labele husik nune’e deit, hau mos tenki halo negosiu, tanba hau aluga rai ne’e atu buka moris,’’ koalia Recardina ba GMN, iha nia hela fatin Caicoli, Kuarta (24/10).

Recardina informa katak, bainhira nia halo kontratu arendementu ho Manuel, Manuel la aprezenta dokumentus rai nian, maibé hanesan Timoroan nia fiar Manuel, tanba rai sira iha estrada ibun iha aldeia 05 Tahu Laran ne’e kuaze Manuel mak fó hotu ema aluga. No Manuel mós promete kuandu mosu problema nia mak sei responsabiliza, tanba ne’e nia husu Manuel Mauhura atu hatudu dokumentuos hodi komprova katak rai refere Manuel nian.

Lee hotu :   PN husu servisu defeza-seguransa labele hamosu grupu ▀ PNTL la tolera ema hemu-tua iha estrada

Iha parte seluk Manuel Gonçalves Mauhura hatete, nia inan aman hela iha rai refere desde tempu Portugues husi tinan 1965 to’o agora no sira mós selu taxa ba Estadu Indonesia iha tinan 1984 to’o 1998 no iha rai refere mós sira iha plantasaun lubuk ida, tanba ne’e kuandu Estadu dehan rai ne’e laos ninian ne’e la logika.

Nia mos informa, nia la aprezenta duni dokumentus rai nian ba Recardina, maibé nia aprezenta deit ba Estadu liu husi DNTP ne’ebe sukat ona rai refere liu husi Sistema Nasional de Cadastro (SNC).

“Momentu ne’e Recardina mós konkorda entaun ami halo kontratu no kontratu konstruksaun lao kedas, maibé la kleur DNTP halo notifikasaun hapara konstrukasaun no Recardina la informa mai hau, nia direta halo kedas rekursu ba DNTP hodi hetan fali despashu husi Ministra Angela Carascalão iha tempu VII Governu, entaun hau hanesan rai nain halo kedas intervensaun hodi lori hau nia dokumentus rai ba DNTP no agora konstruksaun paradu,’’ dehan Manuel.

Manuel husu ba DNTP atu invalidu sira nia notifikasaun ne’ebé hapara konstruksaun, tanba nia hatama ona dokumentus rai nian, nune’e nia kontratu arendementu ho Recardina bele hahu normal fali hanesan uluk.

Hatan ba prekupasaun ne’e Sekretariu Estadu Terras Propriedade (SETP), Mario Ximenes afirma, provizioriomente Estadu Timor-Leste rekuñese Manuel Mauhura mak nain ba rai, tanba nia aprezenta dokumentus ne’ebé sira selu taxa ba Estadu Indonesia iha tinan 1984 to’o 1998, signfika dadaun ne’e Recardina bele halo kontratu arendementu ho Manuel Mauhura to’o hein lei rai númeru 13 implementa.

“Agora ne’e sira nain rua mak tenki resolve uluk lai sira nia problema depois mak mai iha DNTP hodi legaliza sira nia kontratu, tanba kontratu antes ne’e entre sira nain rua deit, ne’ebe agora ita buka resolve hela problema ne’e, maibé ami hakarak dehan nain ba rai ne’e provizoriu mak Manuel Mauhura,’’ esplika Mario. nia

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV KALAN,Loron-20 Fulan-Agostu Tinan-2018

JORNAL NACIONAL GMNTV KALAN,Loron-19 Fulan-Agostu Tinan-2018

JORNAL NACIONAL GMNTV KALAN,Loron-18 Fulan-Agostu Tinan-2018

Close