JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Joven ida kona hana rama ambon “PNTL konsidera fotografia antigu”

Joven ida kona hana rama ambon “PNTL konsidera fotografia antigu”

Komandante Polisia Nasional Timor-Leste (PNTL), Munisipiu Dili, Superintendente Xefe Pedro Belo hatete, joven ida ne’ebe hetan hana kona rama ambon, ema posting iha facebook, Polisia konsidera fotografia antigu.
Pedro Belo dehan, ne’e la’os kazu foun, maibe fotografia antigu ne’ebe mak ema posting hodi hatauk komunidade iha Dili laran. Alende ne’e vitima ninia identidade kompletu mos laiha,

“Ha’u hanoin ema ne’ebe laiha responsabildiade tau iha facebook. Agora uza fali foto antigun sira ne’e para hatauk fila-fali komunidade iha Dili laran. Ne’e hanesan ema ida ne’ebe mak laiha sentidu nasionalidade,” esplika Komandante PNTL Munisipiu Dili, Superintendente Xefe Pedro Belo ba jornalista sira Kuarta (24/10/18) iha Kuartel PNTL Dili.
Antes ne’e, Júlio Alves idade 19 hetan hana ho rama ambon husi ema deskonhesidu iha Paiól Suku Lahane Osidentál Postu Administrativu Verra-Cruz Munisipiu Díli.
Kazu ne´e akontese iha Kinta Loron 11 Fulan ne’e, mais ou menus tuku 2 madrugada iha Eskola Paiol oin, hafoin vitima ba buka bee mos atu kuru iha estrada ninin Paiol.
Rama ambon nee kona vitima iha parte hasan karuk borus too tilun.
Entertantu, lei 5/ 2017/ lei armas brankas bandu ema uza sasan kro´at hodi estraga ema seluk nia vida.
Alende ne’e, Superintendente Xefe Pedro Belo hateten, membru Polisia Munispiu Dili halao servisu durante oras 24, hodi asegura seguransa ba komunidade sira.
“Polisia nia operasaun nunka para iha oras ida rua nia laran, nia halo servisu 24 oras nia laran, tantu sif mak troka malu, maibe nia aktividade ne’e lao hela de’it, nia too dader mos lao hela de’it,” dehan Pedro Belo.
Nia hatutan, Polisia iha estratejia oin-oin atu uza, oras ida ne’e nia bele halo check point, oras tuir fali nia bele halo fali servisu seluk, nia labele halo ho metode ida de’it.
tanba iha ema naok ten mos iha estratejia, nia mos ema matenek hodi buat ne’e, entaun Polisia mos matenek halo nia estratejia, para oras ida nia bele muda nia estratejia.
“Hodi nune’e mak ita bele prevene krimi iha Dili laran,”dehan Pedro Belo.avi

Lee hotu :   MD SEI HADIA SISTEMA KOOPERASAUN

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV KALAN,Loron-10 Fulan-Agostu Tinan-2018

JORNAL NACIONAL GMNTV KALAN,Loron-9 Fulan-Agostu Tinan-2018

JORNAL NACIONAL GMNTV KALAN,Loron-8 Fulan-Agostu Tinan-2018

Close