Kualker sidadaun bele hetan asistensia husi DP

Defensor Públiku jeral Câncio Xavier hatete kualker sidadaun bele hetan asistensia husi husi Defensor Públiku (DP) kuandu sira solisita seim hare ba kor no ras inklui mós sidadaun estrangeriu.

Câncio afirma kestaun ne’e relasiona ona ho prekupasaun juiza Edite Palmira iha tribunal foin lalais ne’ebé prekupa Defensor Públiku fo asistensia ba ema estrangeriu inklui ministru sira ne’ebé ho kapasidade ekonomia.

Câncio esplika katak, Timor-Leste nasaun democratiku de direitu no estutu propiu defensor públiku nian mós hatete sira labele nega justisa signifika se deit mak solisita ba defensor públiku atu fo asistensia sira labele rekuza, tanba ne’e bele komete fali krime.

“Tribunal la presija apresia se mak iha kbiit, se mak la iha, tribunal apresia deit faktus ne’ebé iha  hodi apresia kondena ka absolve, la bele mai apresia buat ne’ebé laos kompotensia, agora ita nia lei jurídika mós seidauk identifika lolos ema ho kapasidade oinsa mak bele kategoria kbiit laek ho la kbit laek,’’ dehan Câncio ba jornalista sira iha nia knar fatin, Kintal Bot, Segunda (15/10).

Timor-Leste mos ratifika konvensaun barak ne’ebé hatete labele halo diskriminasaun, tanba ne’e Defensor Públiku tenki atende ba kualker sidadaun maske nia sidadaun estrangeriu, tanba servisu Defensor Públiku atu fo asistensia ba sidadaun ne’ebé buka justisa.

“ Kuandu halo kombransa mak labele, ne’e lei bandu duni, nune’e iha oportunidade ne’e hau hakarak alerta ba públiku katak, se mak hetan Defensor Públiku halo kombransa bele hato’o keisa mai hau, tanba ami mós iha Konsellu Defensor Públiku no mos iha inspector hodi bele prosesa aktu sira hanesan ne’e,’’ koalia Câncio.

Maibé to’o agora parte Defensor Públiku seidauk simu keisa kona ba aktu iregularidade Defensor Públiku sira nian no hanesan Defensor Públiku Jeral apresia nafatin Defensor Públiku sira hodi halo servisu fo atendementu ne’ebé diak ba sidadaun ne’ebé buka justisa. Nia