JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

OJE 2019 TR husu milaun US$ 7  Husu adisional milaun 14 ba konstrusaun TDD

OJE 2019 TR husu milaun US$ 7 	Husu adisional milaun 14 ba konstrusaun TDD

Prezidenti Tribunal Rekursu (TR), Deolindo dos Santos,  aprezenta planu orsamental Tribunal Rekursu nian ba tinan 2019  iha reuniaun komite revizaun politika orsamental tinan 2019.

Iha aprezentasaun ne’e, Deolindo dos Santos aprezenta Tribunal Rekursu nia orsamentu ho montante dolar amerikanu milaun US$3 resin ba komite revizaun orsamental, ne’ebé prepara husi Ministériu Finansas.

Prezidente Tribunal rekursu hatutan  katak, orsamentu milaun US$3 ne’e, la sufisiente ba tribunal rekursu hodi tau matan ba tribunal hotu iha Munisípiu sira.

Responsabel masimu Orgaun Judisial nee husu ba komite revizaun orsamental atu aumenta orsamentu Tribunal Rekursu nian ba dolar amerikanu milaun US$7, no husu tan orsamentu adisional milaun US$14 ba konstrusaun edifisiu  Tribunal Distrital Dili.

 “Ami mai hato’o ami nia informasaun, ba Orsamentu Jeral Estadu 2019 nian. Antes ne’e iha ona pakote orsamental husi ministériu finansas ne’ebé fó mai ami milaun US$3 resin, entaun ami haree katak, orsamentu ida ne’e sei la to’o ba servisu Tribunal Rekursu nian iha tinan oin. Tanba ne’e mak ami halo pedidu adisional sira ne’ebé mak atu bele koresponde nesesidade tribunal nian iha tinan ida nia laran. Entaun total orsamentu ne’ebé mak ami iha ne’e milaun US$7 resin,” informa Prezidente Tribunal Rekursu Deolindo dos Santos ba jornalista sira iha Ministériu Finansas Aitarak Laran Dili, Kinta (25/010).

Nia hatutan Komisaun Revizaun Orsamental ne’e, prezide direita husi Primeiru Ministru, Taur Matan Ruak ne’e, konvida Tribunal Rekursu atu halo aprezentasaun kona ba nia orsamentu.

Nia haktuir, orsamentu ida ne’e sei tau direita iha Tribunal Rekursu atu haree servisu hotu tribunal sira nian.

“Ami mós iha pedidu adisional ba kapital dezenvolvimentu ho montante milaun US$14, inklui atu harii Tribunal Distrital Dili nian. Orsamentu ida ne’e sei jere husi Sekretáriadu Grande Projeitu, entaun orsamentu ida ne’e la tama iha direita ba Tribunal Rekursu nian,” relata Deolindo do Santos.

Lee hotu :   Julio Hornay apela, Feto foin sa’e tenki kuidadu la’o sai ho namoradu

Nia esplika, Tribunal Rekursu iha planu importante tolu mak atu implementa iha setor justisa mak hanesan, lijislasaun, kapasitasaun rekursu humanus, no infra-estrutura. Tanba nee orsamentu tinan 2019 nian, Tribunal Rekursu fó mós prioridade ba rekursu humanu.

Tuir ajenda, reuniaun komite revizaun orsamental ne’e, sei hala’o durante semana ida, no sei remata iha sabadu semana ne’e. Reuniaun komite revizaun orsamental ne’e, ho objetivu atu ministeriu ida-ida aprezenta nia montante orsamentu rasik ba tinan 2019.cos

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV KALAN,Loron-31 Fulan-Agostu Tinan-2018

JORNAL NACIONAL GMNTV KALAN,Loron-30 Fulan-Agostu Tinan-2018

JORNAL NACIONAL GMNTV KALAN,Loron-29 Fulan-Agostu Tinan-2018

Close