JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dialogu Prezidente PN ho MUTL laiha solusaun

Dialogu Prezidente PN ho MUTL laiha solusaun

Movimentu Universitariu Timor-Leste  (MUTL), Kinta-feira nee halo dialogu ho Prezidente Parlamentu Nasional (PN), Arão Noe hodi koalia konaba sosa kareta 48 ba deputadu foun sira. Dialogu durante horas rua nia laran nee nee laiha solusaun, tamba Parlamentu Nasional mantein sira nia desizaun.

Prezidente Parlamentu Nasional, Arão Noe, esplika ba MUTL katak konaba kareta Prado tuan , nia rasik halo karta dala hat ona ba eis deputadu sira ,maibe balun seidauk iha vontade diak atu entrega ba Parlamentu Nasional.

Kareta Prado tuan iha 65, maibe deputado sira balu kontinua mandatu iha kinta lejislatura, tamba nee sira uza nafatin,  iha kareta 34 maka sei iha eis deputado sira nian liman nebe seidauk entrega fali.

“Ami anunsiaona hodi hasai karta kedas atu entrega kareta ho marka prado ne’e kuaze la entrega hotu nafatin maske parlamentu nasional deside fila-fila atu eis deputadu sira entrega kareta prado ,maibe to’o ohin loron laiha kareta ida ne’ebe tama ,tamba ne’e ami deside katak, tenki kria kondisaun ba deputadu Kinta lejislatura hodi hala’o sira nia kna’ar ,tamba ne’e ami aprova ona orsamentu priva da PN iha plenaria atu hola kareta 48 ba deputadu foun sira, laos ba deputadu tuan sira ,tamba tuan sira bele uza kareta prado tuan”,esplika Prezidente Parlamentu Nasional Arão Noe.

Prezidente Parlamentu Nasional hatutan atu anula hola kareta foun ba deputadu foun sira ne’e desizaun husi Parlamentu Nasional ,tamba aprova tiha ona plenaria, maibe wanhira to’o tempu debate orsamentu 2019 mak deputadu sira halo proposta atu elimina ne’e desizaun husi Parlamentu Nasional liu husi plenaria.

PrezidenteParlamentu Nasiona lArão Noe, hatete eis deputadu ne’ebe mak seidauk entrega kareta ho marka prado 34 ,tamba dadaun ne’e foin entrega hamutuk 31.

Lee hotu :   Funsionáriu públiku SEJT balun iha intensaun fasilita deit nia familía ba serbisu iha Koreia no Australia

“Kareta ne’ebe eis deputadus hatama ona foin hamutuk 31 konta ho deputadu tuan sira ne’ebe eleitu fila-fali nune’e kareta prado ho total 34 mak sei iha liur”,dehan Prezidente PN.

Iha fatin hanesan Xefe Bankada Partidu Demokratiku (PD), Deputadu Antonio da Conceição rasik hato’o ona karta ba nia membru eis deputadu sira atu entrega kareta ho marka Prado ne’e, tamba kareta ne’e laos propriedade individual ninia.

Xefe Bankada PD nu’udar mós Sekretariu Jeral Partidu Demokratiku, Deputadu Antonio da Conceição, dirijiona karta ba eisde putadu PD sira atu husu sira nia disponibilidade entrega kareta ne’e laos propriedade individual ninia.

“Eis deputadu Partidu Demokratiku mak seidauk hatama kareta ho marka Prado hau hanesan Prezidente Bankada PD iha PN hau hakarak karta pesoal mos hanesan sekretariu jeral do partidu PD dirijiona karta ba sira atu husu sira nia disponibilidade entrega kareta ne’e laospropriedade individual ninia, Hau hatene ne’e afeita ba relasaun ami hanesan partidu ida ninia ,maibe ba hau Estadu ninia, Estadu ninia hau labele kaer sasan laos hau nian hodi kaer nafatin ne’e hau nian”, dehan XefeBankadaPartiduDemokratiku (PD) Deputadu Antonio da Conceição  baJornalista sira iha PN.

Hafoin hasoru malu ho Prezidente Parlamentu Arão Noe reprezentante MUTL ho matan ben ,tamba laiha solusaun no desizaun diak husi parlamentu nasional.

Tamba ne’e MUTL sei organiza universidade no sosiedade sira hodi hala’o aksaun ida ne’ebe forte hasoru parlamentu.

“Ami mantein pozisaun hodi dehan ba Parlamentu Nasional atu kansela hola kareta 48 ba deputadu foun sira, tamba kareta tuan sira bele uza hodi hala’o servisu, tamba ohin ami ba hasoru laiha solusaun, ami sei organiza universidade sira iha Dili laran no  Xefe Suku, Sosiedade hodi hala’o aksaun ida ne’ebe forte hasoru PN”, promete reprezentante MUTL Lorico Matebian. tos

Add to Comments Here!!!!

error: Content is protected.
Secured By miniOrange
You might also like:
Governu entrega OJE 2019 billiaun US$1.827 ba PN •Barak liu ba transferensia públika

Governu entrega ona propsota Orsamentu Jeral...

Ramos Horta: PN laiha razaun kansela viajen PR Lú Olo ba Vatikanu

Laureadu Nobel ba Paz José Ramos...

JORNAL NACIONAL GMNTV MEIU DIA, Loron-8 Fulan-Novembru Tinan-2018

Close