JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ema asalta membru BOP iha Kuluhun, na’in ida kanek ■ PNTL aplika alerta ida iha Munisípiu Baucau

Ema asalta membru BOP iha Kuluhun, na’in ida kanek ■ PNTL aplika alerta ida iha Munisípiu Baucau

Ema Asalta Ajenti Polísia husi Batallaun Orden Públika (BOP) Agapito Soares,   nia uma iha Bairu Mui, Suku Kuluhun, Postu Administrativu Cristo-Rei, Munisípiu Díli hodi  rezulta  vítima Joanico Martins ulun fatuk kotuk  nakles,  tanba baku ho besi kanu no taa ho katana.

Husi akontesimentu ne’e Polísia Eskuadra Cristo-Rei detein ona suspeitu iha sela detensaun PNTL Munisípiu Díli, durante  oras 72 hafoin submete ba Tribunal Distrital Díli.

Enkuantu vítima  evakua ba Hospital Nacional Guido Valadares (HNGV) hodi halo tratatamentu  hodi suku pontu 10  iha vítima Joanico Martins nia ulun parte kotuk no alta ona ba ninia uma.

Kazu  ne’e akontese  Kuarta (06/02/19) mais ou menus tuku  hitu liu minutu tolu nulu dader oras Timor-Leste.

Tuir kronolojia wainhira Ajenti Polísia Agapito Soares da Costa, katak, kazu ne’e akontese,  wainhira nia  fila husi servisu fatin BOP Caicoli atu liu ba ninia uma iha Mui Kuluhun liu husi dalan korta Palmira Amaral ninia uma oin nu’udar provokador, maibe  Palmira   hamrik iha dalan hodi impede  Agapito Soares labele liu husi dalan refere,  tanba dalan  ne’e taka, maibe Agapito konsege  liu husi dalan ne’e ba ninia uma, tanba dalan ne’e nia haree  livre   ba nia atu liu ba ninia uma.

Maibe Parlmira Amaral,  senti lamenta  hodi ba haksesu   malu iha  membru BOP  ne’e nia uma  la kleur  joven  balun  iha Mui lori sasan kro’at  kaer  katana tenta tá  membru BOP ne’e, maibe la kona membru ne’e  hodi halai ses husi fatin akontesimentu,  depois kontaktu ba ninia kolega BOP sira hodi ba  halo atuasaun iha terenu.

“Kuandu mana Palmira Amaral taka ona dalan ne’e ha’u la brani liu, maibe tanba dalan ne’e livre  hela  ne’e mak  ha’u sai servisu ho motor liu husi dalan  uma ninin ne’e. Ha’u mós rezeita informasaun mana Mana Palmira Amaral dehan ha’u buti nia kakorok ida ne’e nia bosok”,dehan  Agapito Soares, iha Mui Kuluhun Díli.

Lee hotu :   Kazu oho Vera, TDD adia leitura akordaun tanba iha faktus foun

Relasiona  ho akontesimentu  ne’e Aguida Soares,  konvense nia laen Agapito Soares no familia uma laran hodi husik hela sira ninia uma iha Mui Kuluhun hodi ba hela  fali iha Bairu seluk, tanba  senti la seguru tauk ema mai asalta tan  ba dala rua.

“Ami hela iha ne’e nunka odiu malu ho komunidade sira iha Mui nian, loron-loron ami sempre hare’e malu diak, maibe problema ida ne’e ami la espera”,dehan Agida Soares.

Alende ne’e Segundu Komandante PNTL Munisípiu Díli Superintendente Assistente Eclides Belo, seidauk esplika kona-ba prosesu investigasaun ba kazu refere, tanba seidauk simu relatoriu husi Eskuadra Cristo-Rei.

PNTL aplika alerta ida iha Munisípiu Baucau

Polísia Nasional Timor-Leste (PNTL) Munisipiu Baucau aplika alerta ida (alerta 1) hodi nunee kontrola situasaun seguransa iha Baucau laran hafoin akontese konfrontu entre joven sira.

Komandante PNTL, Municipiu Baucau, Superentendenti Xefi, José Soares ba JNDiario, Tersa (06/02/2019) iha komando PNTL, Municipiu Baucau.

Komandante Polísia Munisipiu nee hatutan hafoin akontese konfrontu entre Joven iha Municipiu Baucau, situasaun segurança to’o agora la’o normal no kontroladu.

Komando Polísia Munispal nee servisu hamutuk ho Autoridade Lokal, Sociedade Civil, FALINTIL-Forsa Defeza Timor-Leste (F-FDTL) no Igreja hodi fo atensaun tomak ba situasaun iha Munisipiu Baucau.

“Iha dia 31 Janeiro iha konfrontus ne’ebe akontese iha Baucau, ikus mai ema balu kanek hetan tratamento ikus mai labele salva, ho situasaun ida ne’e alerta ba Polísia Distritu Baucau, tempu agora aplika alerta 1, para bele haree kontrola situasaun iha Baucau”, hateten Komandante PNTL, Munisipiu Baucau.

 José Soares hatutan Polísia kontinua garante seguransa ba komunidade, li-liu estudante sira bele la’o livre.

“Ami kualker tempu ami kontaktu malu oinsa maka bele garante segurança iha munisipiu Baucau, direitu kolektiva ba komunidade iha Baucau atu goja sira nia direitu segurança ne’e iha obrigasaun hot-hotu atu bele goja, maibe iha mos obrigasaun atu kopera ho autoridade segurança para bele garante estabilidade iha Munisipiu Baucau ho diak nune’e bele iha espasu ba dezemvolvimentu, no mos alin estudante sira ba eskola senti ho livre, inan-aman sira ba to’os no natar senti vontade diak, labele konsiente ita nia munisipiu ho konflitus deit, ikus mai imagem Baucau maka ladiak”,dehan komandante Polísia.

Lee hotu :   Lere rekomenda ba Governu, Valoriza Komandante Maunana, Aluk, Sabika ho Falur

Nia hatutan ema  temi Baucau muturabu. Esforsu tomak halo iha tinan barak nia laran Baucaun tranforma tiha husi Muturabu ba Muturau, maibe depois iha dia 1 mai iha sekuensias balu hodi fo impaktu ba imagem Baucau nian..

Liderança masimu Komando Polísia Municipiu Baucau ne’e apela ba joven Baucau ohin loron la’os tempu ona atu hatudu forsa malu, maibe tenke hatudu unidade, servisu hamutuk para lori Baucau ne’e ba oin.

Komandante aifunan tolu ne’e mos reseita ho informasaun ne’ebe espalha katak Munisipiu Baucau aplika Estadio de Sitio.

“Polísia maka serbisu hamutuk ho Polísia Militar, F-FDTL no autoridade lokal hodi aplika alerta um, alerta um lasignifika estadio de sitio, tanba estadio de sitio ne’e husi Parlamentu maka hasai rezolusaun ida, alerta um ne’e kualker tempu PNTL haree ba situasaun ami bele halo alerta um atu nune’e membros sira servisu iha oras 24 nia laran para bele kontrola, superviziona segurança iha Municipiu Baucau”, esklarese José Soares.

Iha sorin seluk, Prezidenti Autoridade Municipiu Baucau, António Guterres, realsa, iha loron 31 Janeiro 2019 akontese duni konfrontu iha Municipiu Baucau, maibe dadaun ne’e situasaun normal.

 “Los duni iha loron 31 akontese konfrontu, maibe hahu iha loron 31 to’o mai agora Polísia no F-FDTL hamutuk ho lider komunitaria sira kopera malu ne’ebe oras ne’e dadaun movimentu transporte entre Postu mai kapital municipiu la’o hela, la’os hanesan ema hateten katak laiha sirkulasaun, laiha liberdade ba populasaun atu hala’o movimentu ba mai, hau rezeita informasaun ne’e, tanba realidade movimentu iha Baucau la’o hela, maibe so kalan maka limite, tanba ema trauma ho situasaun kalan entaun ema ida-idak maka deside, seidauk iha ema ida maka fo alerta katak kalan labele la’o”, hateten, António Guterres.

Lee hotu :   Konflitu iha Moris Foun C, Juventude estrada Leten no Kraik aplika tara bandu

Maske nune’e, Lideransa masimu Municipiu Baucau ne’e fo sasin katak, estudante balu maka sei trauma no seidauk bele ba fali eskola iha vila laran, tanba kuandu senti trauma ita labele esplika, tanba ida-idak nia sentimentu no kondisoens.

Iha tempu barak hakarak organiza reuniaun entre administradores, xefi suku, lia nain hodi identifika para bele rezolve problema sira ne’e tuir kultura, igreja nune’e ami partilha informasaun katak sa ideia maka atu trasa hodi responde ba problema ne’ebe akontese.

“Hau mos hetan informasaun husi fontes katak problema ne’e mai duni husi grupu arte marsiais balu duni, ,maibe ne’e kabe ba kompetensia autoridade segurança, ami hanesan autoridade sivil, ne’ebe  aktu krime sira ne’e bele afeta ba komando Polísia nia servisu, ami fo apoia intermus hanoin hodi oinsa bele halo dialogu no aproxima ba situasaun kuandu rekopera ona”, dehan nia.

Autoridade masimu Municipiu Baucau ne’e apela ba komunidade Municipiu Baucau atu hadok hahalok husi krime no mosu krime tenke hato’o ba autoridade suku no husu ba inan-aman atu kopera ho autoridade lokal no segurança nune’e hodi tur hamutuk hodi buka solusaun, tanba código ne’ebe ema seluk prega ba Baucau maka muturabu, maibe hadi’a ona muturabu ba muturau, maibe iha dia 31 Janeiro 2019 kontinua sai fali deit muturabu. Avi/mia

Add to Comments Here!!!!

error: Content is protected.
Secured By miniOrange
You might also like:
Governu lansa sistema SIGTAS iha munisípiu Baucau

Ministeriu Finansas, Diresaun Jerál Autoridade Tributaria,...

F-FDTL sei hato’o karta petisaun ba PN ho Governu

Xefe Estadu Maior Jeneral FALINTIL- Forsa...

PM Taur fahe esperiensia negosiasaun FM ba delegasaun Vanuatu

Membru Parlamentu no Xefe delegasaun Repúblika...

Close