JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Estudante 10 Dezembru lamenta oknum PNTL tiru gás lakrimojêneu ba sala laran

Estudante 10 Dezembru lamenta oknum PNTL tiru gás lakrimojêneu ba sala laran

Estudante 10 Dezembru Comoro-Díli, Leonardina Lakusaha da Costa Pinto, lamenta oknum Polisia Nacional Timor-Leste (PNTL) ne’ebé tiru gás lakrimojêneu ba sala laran eskola refere, tamba akontesimentu ne’e akontese wainhira eskola ne’e ho situasaun hakmatek hela.

Ho akontesimentu ne’e estudante eskola 10 Dezembru lamenta mos oknum PNTL ne’ebé  lori estik baku nia (Leonardina Lakusaha da Costa Pinto-Red).

“Ami la hatene motivu lolos husi problema hodi halo polisia tiru gás tama ba sala  inklui lori estik baku tan ha’u. Hanesan estudante sente ida ne’e ladiak, ami uza hela farda tur iha sala laran simu hela materia, maibé derepenti deit Polisia sira tama ba eskola la husu lisensa ba Profesor sira hodi tiru gás arbiru iha ami nia eskola. No gás ne’ebé sira tiru kona ha’u nia ain hodi halo ha’u lao diak, entaun tamba ha’u sente ain moras ha’u lao sai ba estrada, no hodi hetan Membru PNTL sira hamrik hela iha estrada, entaun tamba ha’u tanis polisia ne’e lori estik baku iha ha’u nia kidan sorin haruka ha’u nonok”, Vitima Estudante Eskola Sekundariu Jeral 10 de Dezembru Komoro, Leonardina Lakusaha da Costa Pinto, hato’o deklarasaun ne’e ba JN-Diário, Tersa (27/03/2019) iha Eskola 10 Dezembru.

Vitima estudante Leonardina Lakusaha da Costa Pinto, konta tuir kronolojia katak,  sira la hatene motivu saida mak Membru PNTL sira tiru gás lakrimojêneu ba estudante sira hodi tama ba sala laran, hodi halo sira hakfodak halai husi sala laran.

Iha fatin hanesan, Diretor Eskola Sekundariu Jeral 10 de Dezembru Komoro, Domingos Savio Gusmão, hatete problema iha eskola laiha, maibé oknum PNTL ba eskola ne’e no tiru gás lakrimojêneu hodi halo estudante no profesor sira sai vitima ba hahalok oknum PNTL.

Lee hotu :   Kilat PNTL lakon iha krizi, Somotxo: Ami sei foti medida

“ Ami la fo sala ba Polisia, maibé núdar Polisia kuandu iha problema baku malu entre estudante husi ami nia eksola ho ema liur  mak polisia bele tiru gás hodi halo prevensaun ba problema nune’e bele kaer estudante no ne’ebé halo problema, maibé problema iha ami nia eskola laiha no tamba sa mak polisia tiru gás ba ami nia estudante sira”, lamenta Diretor Eskola Sekundariu Jeral 10 de Dezembru, Domingos Savio Gusmão.

Diretor Eskola Sekundariu Jeral 10 de Deze, husu ba Membru PNTL sira katak, bainhira atu halo atuasaun ba problema ruma tenke buka no kaer ema ne’ebé mak envolve iha problema, labele tiru gás arbiru.

“ Ha’u nia sujestaun ba Governu karik atu halo rekrutamento ba PNTL, tenke hili ema ne’ebé mai husi klandestina atu nune’e sira bele hatene halo servisu ho responsabilidade inklui profesionalismu, tamba ita haree sira agora tiru gás arbiru hodi provoka tan situasaun atu sai bo’ot. Tamba ne’e ami husu ita hotu servisu ba Nasaun tenke hatudu hahalok ne’ebé hodi serve ba Nasaun Timor,” afirma Diretor Eskola Sekundariu Jeral 10 de Dezembru.

Relasiona ho akontesimentu iha loron Tersa 26 ne’e, GMN halo konfirmasaun ba PNTL Eskuarda Dom Aleixo, fontes konfirmadu hateten, mosu duni konflitu ida iha Eskola 10 Dezembru nia oin no Polisia to’o atu ba halo atuasaun, maibé autor ne’ebé halo problema halai tama ba áreadores eskola nian hodi halo polisia duni tuir, maibé estudante sira husi eskola refere lori fatuk tuda hasoru polisia, entaun parte polisia tiru duni gás lakrimojêneu atu hakalma situasanun hodi halo atuasaun.Fel

Add to Comments Here!!!!

error: Content is protected.
Secured By miniOrange
You might also like:
TL apoia millaun USD 1 ba dezastre natural iha Moçambique

Governu Timor-Leste fó apoiu orsamentu Dolar ...

PR Lú Olo kontinua iha konfiansa ba PNTL ■PM Taur fó pose ba Faustino-Mateus lidera PNTL

Selebra aniversariu Polisia Nasional Timor Leste...

DIA 28/03/19 || GMNTV LIVE STREAM || DADER KMANEK

Close