JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

João Almeida: PNTL uza kilat tenke tuir lei

João Almeida: PNTL uza kilat tenke tuir lei

Relasiona ho deklasaun Komandante Polisia Nasional Timor Leste (PNTL) Munisípiu Dili Superintendente Xefe, Pedro Belo hateten katak, polisia sei tiru ema ne’ebe koko atu kria instabilidade iha rai laran, maibe ONG nasional Fundasaun Mahein (MF) husu atu wainhira uza kilat tenke tuir lei ne’ebe mak vigora ona iha Timor-Leste.

“Medida polisial ninia, bainhira utiliza armas, porque ita iha lei rua ka tolu lei organika PNTL ninian no ida seluk dekretu lei numeru 43-2011 kona-ba rejime uzus de forsa ninian, no mós lei numeru 5/2017 iha artigu balun koalia mós kona-ba uzus de forsa ninian”, hateten Diretor Ezekutivu Fundasaun Mahein (FM), João Almeida, ba JN-Diário  iha nia knar fatin, Sesta (29/03/2019).

Tuir João Almeida katak, iha lei hirak katak uza forsa ne’e, bainhira iha situasaun ne’ebe eziji katak tenke uza duni forsa hanesan mós uza kital i iha lei hirak ne’e ko’alia katak, uza forsa ou uza kilat bainhira rekursu seluk la tahan, no iha ne’e eziji ona katak tenke uza kilat.

“Laos dehan PNTL labele uza kilat no labele tiru, bele tiru, maibe tiru tuir lei, tiru bainhira iha duni nesesidade atu bele tiru, laos polisia tiru naran deit, ida ne’e ita nia lei lahatete, se bainhira narnaran tiru ne’e mós krime ida no ita lei kondena hahalok sira ne’e”, haklaken diretor ezekutivu FM.

Tanba ne’e nia hanoin katak, uza forsa ka uza kilat iha nia regras katak, nune’e uza kilat ne’e bainhira rekursu sira ne’ebe mak PNTL iha la tahan,  bainhira iha asaun ruma ne’ebe fo amiasa ba polisia nia vida ka ema sira seluk nia vida iha ne’ebe prezensa polisia tenke hola medida ida ne’ebe imediatamente atu bele prevene.

Lee hotu :   PNTL sei fó seguransa ba konkursu ME iha INFORDEPE

“Bainhira ita uza kilat mós tenke ko’alia mós Estandar Kooperasional Prosidor (ESKOP) katak uza kilat ne’e tenke ho proporsional, tenke uza ho ninia legalidade i uza ho akuntabilidade i uza ne’e ho ninia nesesidade,” haklean João Almeida

FM mós rekomenda ba komandu PNTL i ba  governu atu bele tau kondisaun no intrasturtura ba polisia atu nune’e polisia utiliza tuir ninia dalan tamba lei ko’alia nune’e, maibe kondisaun polisia nian oin seluk entaun hakarak ka  lakohi polisia tenke uza kilat duni. Aes

Add to Comments Here!!!!

error: Content is protected.
Secured By miniOrange
You might also like:
KomJer PNTL: Ha’u mai la tolera krimi

Komandante Jerál  (KomJer) Polísia Nasionál Timor-Leste...

Naimori: KHUNTO prontu halo remodelasaun

Konselleiru máximu partidu Kmanek Haburas Unidade...

TL la multa husi prolongamentu ba selu asaun ConocoPhillips

Dadaun ne’e Austrália prolonga tan tempu...

Close