JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo kontinua iha konfiansa ba PNTL ■PM Taur fó pose ba Faustino-Mateus lidera PNTL

PR Lú Olo kontinua iha konfiansa ba PNTL ■PM Taur fó pose ba Faustino-Mateus lidera PNTL

Selebra aniversariu Polisia Nasional Timor Leste (PNTL) ba dala 19, Governu fo posse ba Komisariu PNTL foun nain rua hodi lidera Instituisaun PNTL, ne’ebé mak realiza iha Sentru Academia PNTL Comoro-Dili.
Tomada de posse ne’e bá Komisariu Faustino da Costa nudar Komandante Jeral PNTL no Segundu Komandante Jeral PNTL Komisariu Mateus Fernandes husi Primeiru Ministru Taur Matan Ruak.
Ne’ebé komisariu PNTL nian rua ne’e, sei lidera Instituisaun PNTL durante tinan hát hahu husi (27-03 2019 to’o 27-03-2023).
Prezidenti Repúblika (PR), Francisco Guterres Lú Olo, hatete nia kontinua iha konfiansa ba strutura PNTL husi postu komisariu to’o postu ajentis polisia.
“Ha’u dezeju nafatin katak hanesan Instituisaun Estadu nian ho fiar metin sira ho sira nia komisariu nain rua ho sira nia komandante sira hotu to’o ajentis sira sei servisu ba ita nia povu, ita nia país garante seguransa ba sidadun hotu no país,” dehan, Xefe Estadu Francisco Guterres Lú Olo, ba Jornalista sira iha Sentru Academia PNTL, Comoro-Dili, Kuarta (27/03/2019).
Xefe Estadu dehan progresu instituisaun iha, maibe, presiza halo avaliasaun liu husi Governu no Instituisaun PNTL hamutuk ho komandante rua ne’ebé foin simu posse ba postu komisariu jeral PNTL.
Prezidenti Repúblika ne’e nota katak progresu kontinua fó seguransa ba komunidade, maske iha problema komete husi pesoal balun, maibe, enjeral servisu PNTL la’o nafatin no fó seguransa ba povu.
Entretantu, Komandante Jéral PNTL Komissáriu Faustino da Costa moris iha Suku Maubaralissa, Postu Administrativu Maubara, Munisípiu Liquisa, iha loron (18/06/1974).
No Segundu Komandante Jeral PNTL Komissáriu Mateus Fernandes moris iha Postu Administrativu Uato Karbau, Munsipiu Viqueque iha loron (2/03/1973).
PM Taur fo pose ba Faustino-Mateus lidera PNTL
Entretantu Primeiru Ministru, Taur Matan Ruak, iha Kuarta (27/3/19), fo pose ba Faustino da Costa ho Mateus Fernandes nu’udar Primeiru no Segundu Komandante Jéral Polisia Nasional Timor-Leste (PNTL) durante tinan 4.
Komandante Jéral PNTL Komissáriu Faustino da Costa hateten, sei servisu hamutuk entidade oi-oin hodi dezenvolve instituisaun PNTL iha future.
“Tinan 19 ba instituisaun Polisia Nasional Timor Leste (PNTL) la’os ona labarik ida ne’ebe mak foin koko atu hamrik, maibe konsidera nu’udar labarik ida ne’ebe atinzi ona idade joven nian no tenta atu hakarak hatene no aprende buat foun balun iha nia vida moris”. Faustino da Costa informa asuntu ne’e liu husi nia deskursu hafoin simu tomada de posse iha Sentru Formasaun Polisia Komoro, Kuarta-Feira (27/03/2019).
Iha tinan 19 nia laran ne’ebe ita hotu akonpaña ho lideransa ka komandante ne’ebe mak liu ona, konsege lidera no lori polisia hanesan labarik ida ne’ebe hodi bele hatene koloka nia an katak labarik ida ne’e iha mehi ba nia future no akompañiamentu boot husi governu konaba nesesidade ba progresu dezenvolvimentu pesoal liu-liu dezenvolvimentu PNTL ninian.
Nune’e hau deklara hau nia profundu ne’ebe hamutuk ho hau nia segundu komandante jéral Komissáriu Polisia Mateus Fernandes katak, ohin nian rua (2) lidera PNTL nu’udar liderasan maximu, maibe ami mós hatene katak sei iha komandante jéral ida iha ami nia leten liu mak lei no konstituisaun.
Esperensia hatudu katak, esperensia hatudu katak servi nafatin nia inan aman, estadu, governu no mós hahu tiha hodi habelar paz iha rai seluk ne’ebe perzisa paz no dame iha nasoen unidas iha tinan hirak liu ba.
Faustino da Costa mós rekoñese katak, durante tinan 19 nia laran PNTL seidauk halo buat barak ba nia estadu ba nia governu rasik. So deit mehi ida katak, Timor Leste (TL) nia dezenvolvimentu sei la’o lalais liu bainhira TL rasik hatudu ba mundu katak nasaun ne’ebe seguru tebes iha sudeste asiatiku nia laran.
“Ami nain 2 nu’udar forsa seguransa ida uniku ho forsa ba dezenvolvimentu seríu no destintiva tebes, hanesan hatán ba responsabilidade boot no ás agradese no previleziu ne’ebe atu ajuda povu sira nia liderdade no seguransa TL nia enjéral no mós ba Timor oan tomak”,
Iha fatin hanesan Komandante Jéral PNTL sesante Komissáriu Júlio da Costa Hornay husu ba membru tomak PNTL fo apoiu ba Komandante Jéral foun Komissáriu Faustino da Costa ho Segundu Komandante Mateus Fernandes hodi dezenvolve instituisaun PNTL diak liu tan iha future.
“Hau husu ba hotu hotu atu apoiu Komissáriu Faustino ho Mateus tanba sira mesak mós labele halo buat ida perzisa hotu ita hotu nia apoiu, tantu nivel politíku, autóridade to’o ba komunidade sira iha baze atu apoiu maximu ba sira nain rua halo servisu diak liu, nune’e bele lori instituisaun PNTL ne’ebe diak liu”,
Enkuantu Komandante Jéral PNTL Komissáriu Faustino da Costa moris iha Suku Maubaralissa, Postu Administrativu Maubara, Munisípiu Likisa, iha loron 18 fulan junnu tinan 1974, ona husi Miguel ho Joana. Nune’e mós Segundu Komandante PNTL Komissáriu Mateus Fernandes moris iha Uato Karbau iha loron 2 fulan Marsu Tinan 1973.Eus/Aes

Lee hotu :   KAPITAUN FRAGATA JOÃO DA SILVA LIDERA FALI KOMPONENTE NAVAL

Add to Comments Here!!!!

error: Content is protected.
Secured By miniOrange
You might also like:
DIA 28/03/19 || GMNTV LIVE STREAM || DADER KMANEK

DIA 27/03/19 || GMNTV LIVE STREAM || JORNAL NASIONAL KALAN

Oras 1 GMNTV Hamutuk ho bainaka Sra Madalena de Canossa

Close