JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PDHJ rejista kazu violasaun direitu umanu envolve PNTL hamutuk 23

PDHJ rejista kazu violasaun direitu umanu envolve PNTL hamutuk 23


Provedoria  dos Direitos Humanus e Justica (PDHJ) rejista  keisa  kazu  violasaun direitu umanu hamutuk 23, ne’ebé mak  involve membru Polísia Nasionál Timor-Leste (PNTL) hasoru komunidade.

Atu redus  violasaun direitu umanu husi  membru PNTL hasoru komunidade, iha Segunda  (13/05//19)  instituisaun Prevodora  Direitus  Humanus no Justisa  (PDHJ), Jesuina Maria  Ferreira Gomes,  ho Komandante Jerál PNTL Komisariu Faustino da Costa,   asina akordu kooperasaun  ba  formasaun husi PDHJ ba membru PNTL.  Alende ne’e  Diretór Ezekutivu Centro Nacional  Chega (CNC), Hugo Fernandes ho Prevodora  Direitu  humanus Justisa  (PDHJ) Jesuina Maria  Ferreira Gomes, mós asina akordu kooperasaun ho obejetivu atu estabelese     no haforsa kooperasaun   instituisional  no esforsu  koletivu  hodi  promove  governasaun  diak no proteje  direitus humanus, prevene  krimi pratikadu iha funsaun  públika  ninia ezersisiu  no mal administrasaun.   Objetivu seluk mak atu dezenvolve, promove  no hasa’e  kapasidade  instituisional  liu husi  hala’o atividade   sira konjunta.

“Hahú husi keisa,  iha  fulan Janeiru to’o fulan Maiu ne’e, ita simu keisa hamutuk 61, indikasaun ba violasaun governasaun diak  iha 37, indikasaun violasaun ba Direitu humanu  iha 24,  husi 24 ne’e 23  keisa mak hasoru PNTL”,esplika Provedora  Direitu Humanus Justisa, Jesuina  Maria  Ferreira Gomes, ba jornalista sira Segunda  (13/05/19), hafoin asina akordu kooperasaun entre PDHJ, PNTL, CNC iha edifisiu PDHJ Kaikoli Díli.

Ho númeru kazu violasaun direitus humanus ne’e, Jesuina  Maria  Ferreiras  Gomes, konsidera a’as. Tanba  ne’e mak PDHJ, inisiativa hakarak estabelese nota intendementu ho Komando PNTL para reforsa instituisionál  atu halo esforsu koletivu, liu-liu liga ho  prevensaun liu husi  fornesimentu  formasaun ba PNTL sira para  hasae sira ninia koñesimentu iha área   direitus humanus bazika  no rejimi uza forsa, atu nune’e hamenus  númeru keisa  ne’ebé mak komunidade hato’o ba iha PDHJ, hasoru  membru PNTL sira ne’e.

Lee hotu :   Deskonfia naok Bibi, PM kastigu membru F-FDTL ida

Formasaun ne’e la’os foin mak  halo, maibe formasaun hala’o ona fila-fila, maibe nia númeru ladun barak.  Iha tinan tolu ikus  formasaun ba membru PNTL hanesan  Unidade Espesial Polísia. Husi membru PNTL 4000 ne’e ninia prejentazen formasaun iha PDHJ foin mak 272.

Normalmente PDHJ kada tinan ida fornese formasaun ba membru PNTL  dala tolu ka dala hat, kada  formasaun kompostu husi ema 25.

“Ne’ebé tinan ida   ne’e  ita halo de’it formasaun  ba ema 100, ho  nota intendementu ida ne’e PNTL preve tan nia orsamentu  no planu entaun  it abele hasae   husi fulan hat  ba fulan ualu, kada tinan”,dehan Jesuina  Maria  Ferreiras  Gomes.

Alende ne’e Diretór, Centru Nacionál Chega  Hugo Fernandes esplika, CNC ho PDHJ asina akordu ko’operasaun ne’e, iha objetivu rua, halo koopersaun instituisional oinsa instituisaun rua ne’e, atu ida-idak  promove  Direitu humanus ne’e  bele implementa diak liu  tan.

“Rekomendasaun Chega nian , liu-liu formasaun  ba  ita nia intidade Estadu sira seguransa  bele iha koñesimentu diak liu bele hala’o servisu”,dehan Hugo Fernandes.

Iha fatin hanesan, Komandante Jerál Polísia Nasional Timor-Leste (PNTL) komisáriu Faustino da Costa,  hateten, husi akordu ne’ebé mak asina ho PDHJ ne’e ba área balun, hanesan formasaun, iha sensibilizasaun no  diseminasaun kona-ba saída mak direitu umanu.

“Formasaun ne’e  la’os involve membru Departementu Justisa PNTL mesak, maibe involve mós PDHJ ninia ema sira iha parte investigasaun konjuntu. Tanba ne’e mak ita  halo nota intendimentu ida ne’e”,dehan Faustino da Costa.avi

Add to Comments Here!!!!

error: Content is protected.
Secured By miniOrange
You might also like:
Grupo deskoñesidu estraga uma Adat Tasi-tolu

Grupo deskoñesidu  balun estraga  uma adat ...

Kazu krime no sivíl 187 pendente iha Tribunal Rekursu

Prezidente Tribunál Rekursu, Deolindo dos Santos,...

Publika liafuan immoral iha MedSos, FRETILIN ezije Guntur husu deskulpa ba xefi Estadu

Deputadu bankada FRETILIN, Antónino Bianco ezije...

Close