JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo foin simu lista indultu prizioneiru na’in ida

PR Lú Olo foin simu lista indultu prizioneiru na’in ida

Prezidenti Repúblika (PR), Francisco Guterres ‘Lú Olo’, foin simu lista prizioneiru na’in ida ne’ebé propoin husi Governu atu hetan indultu iha 20 de Maio mai.

Maske, antes ne’e Ministru Justisa Manuel Cárceres hateten haruka ona lista prizioneiru 35, ne’ebé atu hetan indultu husi Prezidente Repúblika iha loron restaurasaun Indepensia ba dala 17 (20/05/2019), maibe Prezidente Republika hatete nia parte foin simu deit naran ida .

 “Ha’u simu ida, ida deit n’ebe ha’u fó despasu ona atu bele tuir prosesu nafatin la’os dehan katak atu liberta kedas”, konfirma Prezidente Republika Lú Olo.

Xefe Estadu nee reforsa liutan katak Prezidente Repúblika iha kompetensia atu fó indultu ba prizioneiru tuir lei ne’ebe establese ona iha konstituisaun.

“Prezidente Repúblika klaru iha kompetensia fó indultu ba sidadaun sira ne’ebe iha prizaun, maibe tenke observa mos limitis ne’ebe lei establese,” dehan, Francisco Guterres Lú Olo, hafoin ensera Forum Díli Dialogue ba dala tolu iha Salaun São José Katedral – Díli, Sesta (10/05/2019).

Ema numeru um iha nasaun RDTL nee esplika, iha lei Parlamentu Nasional ne’eba iha klauza ida hateten prizioneiru ne’ebe mak komete krimi hanesan, Terorismu, krimi Organizadu, Krimi Transnasionais, Trafiku Humanu no sira ne’ebe halo Korupsaun ativa ne’e láhetan indultu de pena.

Maski nune’e, Xefe Estadu ne’e la mensiona lista prizioneiru ne’ebé mak nia simu husi Governu.

Antes ne’e mós, Ministru Justisa deklara katak iha prosesu preparasaun.

No Ministériu Justisa konsege halibur ona lista prizioneiru na’in 60 hodi aprova iha Konsellu Ministru molok haruka ba Prezidenti Repúblika atu tetu no desidi  prizioneiru ne’ebé merese hetan indultu.

Lee hotu :   Ramos Horta: Labele haluha misaun Portugal ba independensia TL

Prizioneiru ne’ebé priense ona rekezitus sei hetan indultu husi Prezidente Repúblika iha Komemorasaun Loron Restaurasaun Independénsia Timor Leste ba dala 17 nebe monu iha 20 de Maio, semana oin mai. Eus

Add to Comments Here!!!!

error: Content is protected.
Secured By miniOrange
You might also like:
PN apoia governu empresta osan investe ba kampu GS

Prezidente Parlamentu Nasionál (PPN), Arão Noe...

Jorge Serrano: Torneiu GMN Cup ba daruak atu hametin amizade entre ekipa

Prezidente Konsellu Administrasaun GMN, Jorge Manuel...

DIA 12/05/19 || GMNTV LIVE STREAM || JORNAL NASIONAL KALAN

Close