JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Deskonfia uza Timor-oan lori droga tama RI, PNTL detein sidadaun Filipina na’in tolu

Deskonfia uza Timor-oan lori droga tama RI, PNTL detein sidadaun Filipina na’in tolu

Polísia Nasionál Timor-Leste (PNTL) oras ne’e dadauk detein ona sidadaun Filipina feto ida no mane nain rua  iha sela detensaun Komando PNTL Díli, tanba uza Timor-oan  feto no mane (Fén ho Laen) hatama droga ba Atambua, Repúblika Indonézia (RI).

Tuir informasaun husi polísia katak, sidadaun Filipina hirak ne’e  kaptura husi Polísia Nasionál  Servisu Investigasaun Kriminal  (PNSIK) Kinta (30/05/19), iha Manleu Lisbutak  no Delta ida.

Hafoin kaptura suspeitu hirak ne’e, lori kedas ba iha PNSIK iha Kuartel Jerál PNTL hodi submete ba prosesu investigasaun.   Hafoin lori ba detein iha sela detensaun PNTL Munisípiu Díli hodi kumpri oras 72, hafoin lori ba Tribunal Distrital Díli, hodi tuir primeiru interogatóriu, Segunda (03/06/19).

To’o notísia ne’e publika parte GMN seidauk hetan esplikasaun husi Komando Jerál PNTL kona-ba lalaok husi prosesu investigasaun  ba kazu refere.

Antes ne’e, Timor-oan nain rua hanesan fén ho laen ne’e detein iha sela Polísia Atambua Belu, iha Kuarta (29/5/19),  mais ou menus tuku  11 meiudia oras Indonézia,  tanba deskonfia hatama droga ho tipu extasi  musan 4.874 husi Timor-Leste ba Atambua Indonézia liu husi liña fronteira Mota Ain.

Droga hirak ne’e detekta  husi x-ray servisu Alfândega NTT iha fronteira Motain.

Timor-oan  nain rua, ne’e sei tuir prosesu  tomak iha Indonézia, tanba kazu ne’e akontese iha nasaun Indonézia  no Timor-Leste, laiha mós akordu extradisaun ho nasaun viziñu  ne’e. Tuir lei Indonézia nian katak, se mak hatama droga ba sira nia rai sei kastigu ho pena mate haktuir ba kategoria droga ne’ebé determinadu.

PN eziji PNTL investiga Migrasaun no Alfândega Mota-Ain

Parlamentu Nasionalm (PN) eziji ba Polísia Nacionál Timor-Leste (PNTL) liu husi Polisia Nacional Servisu Investigasaun Criminal (PNSIC-Siglal Português) atu halo investigsaun ba servisu Migrasaun  no Alfândega iha fronteira Mota Ain, tamba la konsege detekta Timor-oan nain rua ne’ebé deskonfia lori droga  husi Timor-Leste tama ba Atambua Indonezia.

Lee hotu :   Asegura desizaun PR, UEP treinu intensivu

Kestaun ne’e deklara husi Vise Xefe komisaun ‘B’ Parlamento Nasionál ne’ebé trata  ba asuntu Defeza no Seguransa, deputadu Cornelio da Conceição Gama ‘L7’,  iha PN semana kotuk foin lalais ne’e relasiona ho kazu deskonfia Timor-oan nain rua lori droga husi Timor tama Atambua-Indonésia foin lalais ne’e.

Eis guerilheiru ne’e dúvida ho servisu Migrasaun ho Alfândega iha fronteira Mota Ain, tamba lakonsege detekta droga ne’ebé lori husi sidadaun Timor-oan na’in rua tama ba Indonezia. Tamba ne’e L7 husu ba komandu PNTL atu halo investigsaun  klean ba funsionáriu sira ne’ebé servisu iha Alfândega no imigrasaun fronteira Mota Ain.

“Bolu migrasaun ho alfândega mai hatan iha tribunal, tenke bolu mai, imi iha ne’ebá nusa la haree”, lamenta Vise Xefe Komisaun ‘B’ PN, Deputadu Cornelio Gama ‘L7’.

Iha sorin seluk Prezidente Komisaun ‘A’ Parlamentu Nasionál ne’ebé trata ba asuntu Konstitusionais e Justisa, deputada Carmelita Caetano Moniz esplika katak, sidadaun Timor-oan nain rua ne’ebé deskonfia lori droga tama ba Indonezia ne’e sei hetan julgamentu tuir lei Indonézia, tamba sira hetan kapturasaun iha area Indonésia nian.

“Buat ida lei tráfiku ka droga, nasaun idak-idak iha nia lei rasik, por ezemplu, ema ida lori droga tama mai Timor ne’e ita tenke julga nia ho lei Timor nian. Ita lori husi ne’e mak sai ba, Indonezia sira kaer iha ne’ebá, e entaun Indonezia porsesu ema ne’e ho lei Indonésia nian, tanba país ida kuandu kaer ema krime ida, nia tenke implementa nia lei iha país refere,”sublinha Carmelita Moniz.

Timor oan nain rua ne’e detein ona iha sela polísia Atambua Belu, iha Kuarta loron 29 fulan Maiu tinan ne’e, tamba deskonfia lori tama droga ho tipu extasi tablet 4,874 husi Timor-Leste ba Atambua Indonézia liu husi  fronteira Mota Ain.      

Lee hotu :   Família konsidera trajedia Kuluhun planeadu ■PR Lú Olo kondena

Konaba asuntu ne’e komandante Jerál PNTL Komisáriu, Faustino da Costa, liu husi enkontru semanal informa ona ba Prezidente Repúblika, Francisco Guterres Lú Olo, iha palásiu prezidensiál Nicolau Lobato Bairo-Pite. Avi/Ito

Add to Comments Here!!!!

error: Content is protected.
Secured By miniOrange
You might also like:
DIA 02/06/19 || GMNTV LIVE STREAM || JORNAL NASIONAL KALAN

DIA 02/06/19 || GMNTV LIVE STREAM || JORNAL AS 12

DIA 01/06/19 || GMNTV LIVE STREAM || JORNAL NASIONAL KALAN

Close