JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PCIC kontinua prosesa money laundry ho droga ■ Governu mantein sosa pistola ba PCIC

PCIC kontinua prosesa money laundry  ho droga ■ Governu mantein sosa pistola ba PCIC

Diretór Jerál Polícia Científico Investigação Criminal (PCIC), Vicente Fernandes Brito, fó sai katak, PCIC kontinua hala’o prosesu investigasaun ba kazu money laundry ho droga.

“Ita iha PCIC ne’e iha brigada para finanseira, ita nia brigada iha kompetensia atu halo prosesu ba money laundry ida ne’e em termos de involve investigasaun finanseira liu-liu mak brankeamentus kapitais ne’e ita iha kooperasaun diak ho unidade informasaun finanseira, no ita investiga hela, prosesu ne’e la’o hela”,afirma Diretór Jerál PCIC, Vicente Brito, ba GMN hafoin partisipa Grande Entrevista iha Studio 2 GMN, Bebora-Díli, Kinta (13/06/2019).

Tanba ne’e segredu justisa nia parte labele mensiona tanba ne’e segredu justisa, maibé prosesu dadaun la’o hela liu liu trasaksaun iha instituisaun finanseira sira.

“Ha’u hanoin kona-ba tráfiku de droga nian, ha’u hanoin ita iha lei ida furak no kapas ne’ebé iha aneksu ne’e tipu ba droga, ne’ebé kabe ba PCIC para halo investigasaun i ita koopera mós ho Alfândega para bele kopera atu halo prevensaun ba krime droga,” afirma Vicente Brito.

Nia dehan, PCIC hala’o nia kna’ar tuir mandadu detensaun hodi halo proses aba kazu money laundry ho droga  nun’e parte PCIC labele esplika detailla ba públiku, tamba ne’e segredu justisa, maibé prosesu kontinua la’o.

Antes ne’e iha informasaun katak, kompañia estranjeiru sira balu hatama sira nia osan liu husi kontentor mai Timor-Leste, maibe bainhira haruka fila-fali ba sira nia nasaun liu fali husi Banko.

Governu sosa kilat ba PCIC normal

Diretór Jerál Polícia Científico Investigação Criminal (PCIC), Vicente Fernandes Brito, hateten, governu atu sosa kilat ba PCIC ne’e normal, tamba PCIC hala’o servisu polísial nian.

Lee hotu :   Eis Sekretariu Estadu Terras Propriedade presta deklarasaun iha CAC

“Depois iha regulamentu interna oinsa mak utilizasaun de arma, i kuandu arma ne’e iha sei la fahe direitamente no liu husi prosesu ida, prosesu treinamentu, teste psikolojia ruma, tamba investigador PCIC nian kuaze 70 pesoas ne’e kuandu formasaun iha Portugal sira hetan formasaun kona-ba utilizasaun arma, oinsa mak sobu arma, oinsa mak utiliza arma ka tiru no balun mós hetan formasaun iha academia Polisia Nasionál Timor Leste (PNTL)”, afirma Diretór Jerál PCIC, Vicente Fernandes Brito, ba GMN hafoin partisipa Grande Entervista iha Estudio 2 GMN TV, Bebora-Díli, Kinta (13/06/2019).

Fernandes Brito haktuir katak, kestaun kona-ba akizasaun arma de servisu PCIC nian ne’e hanesan mensiona husi Minitru Justisa (MJ) iha fulan kotuk ba katak, PCIC núdar orgaun polísial ne’ebé mak hala’o servisu polisial para ajuda autoridade judisial, hanesan prokurador i juis.

“Akizasaun arma ne’e planu annual 2019, ne’e la’os mosu deit, maibe liu hosi diskusaun depois parlamentu aprova, prosesu agora ita tama ona akizasaun no tinan ida ne’e sei iha hetan arma de servisu ne’ebé nia tipu ka kalibru ne’ebé aprova iha ministerial ”, dehan Diretór Jerál PCIC.

Vicente Brito esplika, knar PCIK mak ejekuta mandadu detensaun, halo investigasaun ba krime sira ne’ebé mak grave no organizadu no krime sira seluk.

“Bainhira kilat mai sei lafahe direitamente ba investigador sira, maibé sei halo rekoperasaun kapasidade sira ne’e. Porque arma de servisu ne’e ho objetivu para bele fasilita biabiliza ejekusaun mandadu ka servisu polisial loro-loron, tamba atu proteze sira nia an i proteze mós vítima, testamuña, arguidu. Maibé se prosesu ne’e lalais fulan ida ka rua tan bele hetan ona, maibé ne’e depende ba prosesu,” tenik Vicente Brito.

Lee hotu :   Rekrutamentu militar obrigatóriu implika ba orsamentu Estadu

Governu mantein sosa pistola ba PCIC

Maske iha opiniaun públiku  nia balu la konkorda atu governu sosa pistola ba Polisia Científico investigação Criminal (PCIC), maibe Konsellu Ministru kontinua mantein desizaun polítika  hodi sosa pistola ba PCIC.

Ministru Defeza no Ministru Interiór Interinu, Filomeno Paixão, esplika governu  aseita ho ideia públiku inklui Xefe Estadu Maior Jenerál Lere Anan Timur ne’ebé kontra desizaun ne’e ,maibe Governu mós konsidera servisu PCIC prioridade hodi investiga kazu krime, presiza  iha pistola atu fasilita sira nia servisu.

“Buat ne’e sosa pistola aprova tiha ona iha tinan ida ka rua  ba kotuk para PCIC lori pistola ,iha duni opiniaun husi Xefe Estadu Maior Jenerál Lere Anan Timur ,nian konaba preukupasaun jenerál nian ,hau kompriende ,tamba ita rona dehan kilat illegal balun lori tama fali mai, ita nia F-FDTL no PNTL balun kaer pistola mós kontrola a’an seidauk bele, maibe Estadu mós konkorda ona PCIC kaer kilat depois halo investigasaun ba kazu sofistifikadu krime avansadu”, dehan Ministru Defeza no Ministru Interiór Interino Filomeno Paixão,hatete ba Jornalista sira iha Palásiu Governu.

Governante ne’e dehan, PCIC mak tau regulamentu disiplina atu lori pistola arbiru, tanba sei iha regra.

“PCIC rasik mós treina ona atu uza kilat ,tamba Estadu sei halo kontrolu ho regra ne’ebé forte”,garante Ministru.

Antes ne’e PCIC aprezenta proposta ba Ministériu Justisa hodi prevé osan hamutuk USD100.000  ba sosa pistola ne’e.Aes/tos

Add to Comments Here!!!!

error: Content is protected.
Secured By miniOrange
You might also like:
TL-Thailandia lansa ró peskiza ba rekursu mariña

Governu Timor-Leste ho Thailandia, Kinta (13/06)...

Enfrenta problema krize finanseiru, MS sei ba vizita klínika Bairo-Píte

Vise Ministra Saúde Asuntu Kuidadu Saúde...

Agio Pereira sai Primeiru Ministru interinu

Hahú semana oin, Ministru Estadu Prezidenti...

Close