JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TDD aplika TIR ba arguidu Filipina na’in rua

TDD aplika TIR ba arguidu Filipina na’in rua

Tribunal Distrital Díli (TDD), liu husi Primeiru Interagotóriu aplika medida koasaun Termu Identidade Rezidensia (TIR) ba sidadaun Filipina na’in rua (2) ho inisial M ho J no prizaun preventiva ba arguidu ho inisial JBA, tanba deskonfia uza Timor-Oan na’in rua (2) ho insial JSP no AS hatama droga ba Indonézia, foin la-lais ne’e.

Tuir defeza ba arguidu na’in 3, Estaquio Guterres, hateten, TDD konsidera katak iha indísiu forti, maibé sei kontinua halo investigasaun, maibé TDD konsidera katak, iha artigu 183, kódigu prosesu penal prense rekezitu, ho nune’e maka TDD aplika prizaun preventiva ba arguidu JBA no TIR ba arguidu ho inisial M no J.

“Nu’udar Defeza la aseita ho despaixu ida ne’e, nune’e defeza sei halo rekursu ba despaixuu tribunal ninian ne’e, defeza rasik sei halo rekursu no tuir defeza nia haree medida koasaun ne’ebé aplika ba iha arguidu JBA la prense kriteria iha artigu 183, saída maka prense maka arguidu rasik iha  Timor, nia iha kompaña rua ka tolu, nia rasik hetan garantia husi ninia embaixada Filipina, ne’ebé maka fo karta atu garantia katak, ema ne’e sei la se’es husi justisa, ida ne’e maka defeza hato’o, maibé tribunal hanoin oin seluk, nune’e maka aplika nafatin prizaun preventiva”, haktuir defeza husi arguidu na’in 3 ne’e.

Estaquio promete mós katak, sei sei halo rekursu ba despaixu ba ninia kliente na’in 2 ne’ebé hetan TIR, iha tempu badak nia laran, antes prazu loron 15 remata.

“Agora dau-daun sei iha faze investigasaun nia laran, maibé agora indísiu ne’ebé Ministériu Públiku (MP) deskonfia maka, arguidu nain 2 no arguida na’in ida seluk komete krimi droga ne’ebé previstu iha kódigu penal Timor-Leste”, dehan defeza husi arguidu na’in 3 ne’e.

Lee hotu :   Hamos oliu foer ho Bandeira RDTL, Polisia bolu nain ba ofisina Tengda Auto

Entretantu sidadaun Filipina na’in 3 ne’e kaptura husi Polísia Nasional  Servisu Investigasaun Kriminal  (PNSIK), iha Kinta, loron 30, fulan Maiu, tinan ne’e, iha suku Manleuana, aldeia Lesibutak no Delta 1.

Hafoin halo kapturasaun, suspeitu hirak ne’e lori kedas ba iha PNSIK, iha kuartel jerál PNTL hodi submete ba prosesu investigasaun, husi ne’e maka lori ba detein iha sela detensaun PNTL munisípiu Díli, hodi kumpri oras 72.

Antes ne’e, Timor-Oan nain 2 detein iha sela polísia Atambua-Belu-Indonesia, iha Kuarta, loron 29, fulan Maiu, tinan 2019,  mais ou menus tuku 11:00 meiudia oras Indonésia,  tanba deskonfia hatama droga ho típu Extasi musan 4.874, husi Timor-Leste ba Atambua-Indonézia, liu husi liña fronteira Mota-Ain. Droga hirak ne’e detekta  husi X-RAY servisu Alfándega Nusa Tenggara Timur (NTT), iha Fronteira Mota-Ain.

Maibé Timor-Oan  nain 2 ne’e sei tuir prosesu  tomak iha Indonézia, tanba kazu ne’e akontese iha Nasaun Indonézia no Timor-Leste, laiha mós akordu extradisaun ho nasaun viziñu  ne’e.

Audénsia ba PI ne’e prezidi husi juíza singular, Francisca Cabral, MP reprezenta husi prokurador jerál, Jacinto Babo ho Hernani Rangel no arguidu sira hetan asisténsia legal husi defensor públiku, Estaquio Guterres. mya

Add to Comments Here!!!!

error: Content is protected.
Secured By miniOrange
You might also like:
Kazu Timor-oan lori droga ba Atambua, posibilidade iha krime koneksu ■ TL sei esforsu proteje nia sidadaun na’in rua

Komisáriu Comição Anti Corupção (CAC-Sigla Portugés),...

DIA 04/06/19 || GMNTV LIVE STREAM || DADER KMANEK

DIA 03/06/19 || GMNTV LIVE STREAM || JORNAL NASIONAL KALAN

Close