JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TL akompaña prosesu husi Indonézia ba detidu kazal Timor-oan

TL akompaña prosesu husi Indonézia ba detidu kazal Timor-oan

Kazu kazal sidadaun Timor Leste nain rua ne’ebé detein iha Atambua, Indonezia tanba lori droga, Governu Timor-Leste hein rezultadu prosesu husi Indonézia, maibé krimi responsabilidade individual.

Maibe, Ministru Negósiu Estranjeiru no Kooperasaun (MNEK) Dionísio Babo Soares deklara, Governu kontinua proteje direitu nu’udar sidadaun Timor-Leste no Governu mós kontinua halo akompañamentu ba prosesu ne’ebé la’o.

“Agora dadauk ne’e nia prosesu sei tama hela iha faze sira bolu penyedikan la’os penyelitian ou investigasaun inisial, iha faze penyedikan ne’e ita akompania deit bainhira aprezenta faktus iha ona akuzasaun formal maibe agora sedauk iha akuzasaun foin mak ita haree saida mak ita bele ajuda, normalmente kiminal ne’e responsavel individual,” dehan, Ministru Dionísio Babo Soares, iha edifísiu Grupo Média Nacional (GMN ), Bebora – Díli, Tersa (18/06/2019).

Governante ne’e esplika liutan, parte autoridade seguransa Indonesia mak sei establese faktus dehan ema ne’e mak lori ka, ka ema seluk mak lori ninia duni ka ou ema seluk mak uja deit nia hodi lohi nia lori buat ne’e, ka nia ba ne’e atu fán entaun sira establese faktus hotu. No sira sei lori kazu ne’e liu husi Tribunal ba sira nia kejaksaan.

Antes ne’e, parte família no sosiedade sivíl sira mós husu ba Governu atu lori fila sidadaun Timor rua ne’ebé deskonfia trafikante droga ne’e hodi prosesa tuir lei Timor nian.

Sidadaun kazál Timor ho inisiál JSP no AS kaptura iha fronteira mota-ain iha loron (29/05/2019) no detein iha sela polísia Atambua-Belu Indonesia, tanba deskonfia trafikante droga ekstase musan 4.874 iha printer laran ne’ebé atu lóri ba kupaun – Indonesia. Eus

Lee hotu :   TNI tiru ameasa aviaun peskiza TL iha Oecusse ■Ultrapassa ema nia fronteira tenki fó hatene

 

Add to Comments Here!!!!

error: Content is protected.
Secured By miniOrange
You might also like:
Polísia detein diretór SAS ho FP na’in hitu

Polísia Tránzitu  Munisípiu Díli, detéin diretor...

Adere ba ASEAN, TL hein desizaun definitivu husi nasaun membru sira

Estadu Timor-Leste (TL) kontinua hein desizaun...

Aeroportu Rota do Sândalo inauguradu, Alkatiri: Aumenta konektividade ba mundu tomak

Prezidente Autoridade Rejiaun Administrativa Espesial Oe-Cusse-Ambeno...

Close